Қазақстан мен Корея Республикасының астаналары арасындағы әуе қатынасы қалпына келтіріліп жатыр, – деп хабарлайды astana-akshamy.kz
Бұл шешімге екі елдің авиация билігінің 2024 жылғы ақпан және наурызда Алматы және Сеул қалаларында өткен келіссөздері нәтижесінде қолжеткізілді.
Осылайша, 2024 жылдың 15 маусымынан бастап Air Astana Астана – Сеул бағыты бойынша рейстерді қалпына келтіреді.
«Рейстер аптасына екі рет (сәрсенбі және сенбі күндері) AirBus-A321LR типті сыйымдылығы 166 орындық ұшақтар арқылы орындалады», – делінген ААК хабарламасында.
Әуе қатынасын қалпына келтіру екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал ететіні түсіндірілді.
