Ауыл» партиясының Парламент Мәжілісіне және мәслихаттар депутаттығына үміткерлер, құрамындағы үгіт-насихат тобы З.Әліпбек, С.Өмірзақов және Б.Сандыбаев «Ауылдан – ауылға» акциясы аясында Қызылорда облысы Арал ауданындағы «Арал Балық» зауытына барды. Зауыт ұжымымен кездесуде үміткерлер балық шаруашылығын, оның ішінде ауыл шаруашылығы өнімдерін терең өңдеуді дамыту мәселелеріне қатысты партияның бастамаларын таныстырды.
«Ауылдықтардың» айтуынша, браконьерліктен және балық аулауға мемлекет белгілеген лимиттерден басқа, экономика және табиғи ресурстарды қорғау тұрғысынан балық өсіруде ерекше проблемалар жоқ. Тауарлы балық шаруашылығында жағдай сәл өзгеше, оның әлеуеті толыққанды пайдаланылмай отыр. Құс шаруашылығымен салыстырғанда бұл бағытта балық өсірудің өнімділігі мен тез өсуі жақсы көрсеткіштерге ие. Бір балық миллионға дейін шабақ әкелуі мүмкін және бұл тұрғыда балық фермаларын дамытудың келешегі зор. Қазақстанда балық өнімдерін тұтыну мәдениетінің дамымағандығына байланысты балықты ішкі нарықта өткізу бойынша қиындықтар туындап отыр. Үміткер Б.Сандыбаев атап өткендей, «Ауыл» партиясы өз бағдарламасында қайта өңдеу мен экспортты дамытуды ұсынады. Мысалы, бекіре мен ақсерке өсіру, сондай-ақ оларды сапалы қайта өңдеу қазақстандық балық өсірушілерді халықаралық нарықтарға шығаруы мүмкін. Бұл – тікелей валюталық түсім. Бұл үшін біздің елімізде қажетті ресурстық әлеует бар. Жалғыз нәрсе – бұл инвестициялық жобаларды іске асыру мәселесін шешу. Б.Сандыбаевтың пікірінше, мемлекет балық өндірісін ынталандыру үшін ыңғайлы құралдарды ұсына алады.
– Қаласаңыз, мемлекеттік қаржы институттарының қаражаты есебінен несиелеу желісі мен қайта өңдеу зауытын құруға және дайын объектілерді лизинг негізінде оларды бизнес субъектілеріне немесе кооперативтерге ұзақ мерзімге беруге болады. Тек осылай ғана балық шаруашылығын қарқынды дамытуға болады, – деп қорытындылады ол. Сондай-ақ үміткер З.Әліпбек зауыт қызметкерлеріне «Ауыл» партиясының әлеуметтік саясатты дамыту жөніндегі бастамалары туралы айтып берді. Атап айтқанда, «Бала нәсібі» жәрдемақысын енгізу және көпбалалы аналар үшін әзірленген шаралар пакеті туралы сөз болды. Қазіргі уақытта Арал ауданының ауылдық елді мекендерінің көпшілігінің келешегі жоқ деп айқындалған. «Ауылдықтар» мен жергілікті тұрғындар балық шаруашылығын дамыту, Арал өңірінің экономикалық әл-ауқатын жақсартуға септігін тигізеді деген ортақ пікірге келді. Парламент Мәжілісінің депутаттығына үміткер Зейін Әліпбек бастаған партия мүшелері «Арал балықтан» басқа, Қуаңдария, Жосалы, Ақтөбе елді мекендерінде болып, тұрғындармен кездесті.