Balalar jas mölşerıne bailanysty özın kütıp tūrǧan qauıp-qater därejesın öz betınşe baǧamdai almaidy. Sondyqtan jasöspırımderdıŋ qauıptıŋ aldyn aluǧa qatysty bılımın jetıldıru qajet. Osy maqsatta jaqynda Astanada «Qūtqaruşy» sport keşenınıŋ aumaǧynda oquşylar arasynda jas qūtqaruşylardyŋ qalalyq jarysy öttı.
Astana qalasy Tötenşe jaǧdailar departamentınıŋ ūiymdastyruymen ötken saiysqa elordalyq Tötenşe jaǧdailar departamentınıŋ bastyǧy, general-maior Quanar Bazarbaev, «Tötenşe jaǧdailar organdary ardagerlerınıŋ qazaqstandyq ūiymy» qoǧamdyq bırlestıgı Ardagerler keŋesınıŋ töraǧasy, otstavkadaǧy general-maior Meiram Ysqaqov jäne «Örken» balalar-jasöspırımder dene tärbiesı ortalyǧynyŋ direktory Nūrlan Tiajenov qatysyp, qūttyqtau söz söiledı.
Jarystar ört-qūtqaru sportynyŋ barlyq baǧytyn qamtyp, bırneşe kezeŋnen tūrdy. Atap aitqanda, psihologiialyq testıleu «Vizit kartochkasy» konkursy, komandalar arasynda üzdık änūran, tu, kiım ülgısı, özın tanystyru, «Gazet – jarnama qalqany» baiqauy, alǧaşqy kömek körsetu jäne avariialyq-qūtqaru jūmysyn jürgızu, tehnogendı apat aimaǧyndaǧy qūtqaru jūmysy, tabiǧi orta jaǧdaiyndaǧy ızdestıru-qūtqaru jūmysy, su akvatoriiasyndaǧy qūtqaru jūmysy, ört söndıru estafetasy ötıp, mūnda normativter ǧana emes, jattyǧulardyŋ dūrys oryndaluy da eskerıldı.
Tartysty dodaǧa qatysqan 16 komanda arasynda A.Baitūrsynūly atyndaǧy №48 mektep-liseiınıŋ jas qūtqaruşylary jeŋıs tūǧyrynan körındı. Al jüldelı 2-oryn №65 mektep-gimnaziianyŋ komandasyna berılse, №8 mektep-liseidıŋ jas qūtqaruşylary 3-oryndy ielendı. Jeŋımpazdarǧa gramota, medal, kubokpen qatar, baǧaly syilyqtar tabystaldy.
Şynar ÄBİIR,
L.Gumilev atyndaǧy
Euraziia ūlttyq universitetınıŋ 3-kurs studentı
