Elordada Pressclub Silteme baspasöz ortalyǧynyŋ ūiymdastyruymen «Azyq-tülık qauıpsızdıgı: qazaqstandyqtarǧa qauıp tönıp tūr» degen taqyryppen baspasöz mäslihaty öttı.
Būl taqyryp bügınde öte özektı. Sebebı DDŪ deregı boiynşa jyl saiyn 600 millionǧa juyq adam (būl şamamen älemdegı on adamnyŋ bırı) 200 türlı taǧamnan bolatyn aurumen auyrady. Al jyl saiyn 420 myŋ adam dūrys tamaqtanbaǧannyŋ saldarynan köz jūmady. Äsırese balalar köp zardap şegude. Dūrys tamaqtanbaǧannyŋ saldarynan densaulyǧyna ziian keltıretınderdıŋ 40 paiyzy – 5 jasqa deiıngı balalar. Onyŋ ışınde jyl saiyn 125 myŋ bala qaitys bolady. Qazaqstanda da jaǧdai alaŋdatarlyqtai. Jiynda professor Balǧabai Maiqanov elımızdegı taǧam önımderınıŋ qauıpsızdıgı mäselesıne alaŋdaitynyn aitty. Qazaqstandyq ǧalymnyŋ pıkırınşe, taǧam önımderınıŋ sapasyna baqylaudy küşeitu qajet.
«Praktikalyq tūrǧydan taǧam önımderınıŋ sapasy men qauıpsızdıgın baqylau jetkılıksız deŋgeide. Būl mäsele jyldan-jylǧa şeşımın tappai keledı. Onyŋ bırneşe sebebı bar. Ol – azyq-tülık qauıpsızdıgın baqylauǧa közqarastyŋ ärtürlı boluy, tamaq önımderınıŋ qauıpsızdıgın saraptauda baqylaudyŋ älsızdıgı, halyqaralyq ūsynystardy bılmeu nemese elemeu, codex alimantarius azyq-tülık standarttaryna negızdelgen tiıstı qyzmetter men täuekelderdı baǧalamau jäne taldamau» dedı B.Maiqanov.
Ǧalym respublikalyq veterinarlyq zerthananyŋ barlyq oblystyq bölımderınde taǧam önımderınde bögde zattardyŋ bolu-bolmauyna (antibiotikter, gormondar, radiobelsendı zattar, pestisidter, aflatoksinder jäne t.b.) ünemı monitoring jasap, taǧam qauıpsızdıgı zerthanalaryn älemdık standarttarǧa säikes jabdyqtau jäne jaŋǧyrtu, agrarlyq joǧary oqu oryndaryndaǧy «Veterinarlyq sanitariia» mamandyǧynyŋ atyn «Taǧam qauıpsızdıgı» dep auystyru qajet ekenın alǧa tartty.
Jansaia ABİRBEKOVA,
L.Gumilev atyndaǧy Euraziia ūlttyq universitetınıŋ 2-kurs studentı
