Astanada jylytu mausymyna daiyndyq jürıp jatyr. Tötenşe jaǧdailar departamentınıŋ qyzmetkerlerı kün saiyn jeke sektor tūrǧyndarymen jylytu peşterın jäne elektr quatyn dūrys paidalanu boiynşa tüsındıru jūmysyn jürgızedı.
Jyl saiyn jylytu mausymynyŋ bastaluymen tūrǧyn üilerdegı tūrmystyq örttıŋ sany artady, olardyŋ sebepterı köbınese jylytu jüielerı men qondyrǧylaryn paidalanu kezınde ört qauıpsızdıgı erejelerın öreskel būzu, peşpen jylytu, elektr jelısın şamadan tys jükteu, sondai-aq qarapaiym nemqūrailylyq bolyp tabylady. Sondyqtan da jalpy qarapaiym talaptardyŋ oryndaluy turaly aldyn ala oilastyryp, ört siiaqty apattyŋ aldyn aluǧa bolatynyn taǧy da eske salu maŋyzdy. Eger sız eldegı jeke nemese qysqy üide tūrsaŋyz, jylytu mausymy bastalmas būryn peş pen mūrjasyn tekserıp, olardy jöndep, küieden tazartyp, jaryqtardy jauyp, mūrjany aǧartu kerek. Al jylytu mausymy kezınde mūrjany taǧy bır ret tazalau qajet. Peşten şyǧaratyn kül men qojdy qauıpsız jerge şyǧaryp tögu kerek.
Peşterınıŋ üstınde keptıruge qalǧan üi zattary men basqa da janǧyş materialdar da qaiǧyly jaǧdaiǧa äkeledı. Üidegı jihazdyŋ ornalasuyn qarastyrǧan jön: kereuetter, perdeler jäne basqa janǧyş zattar janyp jatqan peştıŋ qabyrǧalarynan kemınde bır jarym metr qaşyqtyqta boluy kerek. Otyndy, basqa da janǧyş zattar men materialdardy peştıŋ aldyna qoiuǧa bolmaidy, būl da otqa jaqyn jerde janudy tudyruy mümkın.
Zaqymdalǧan nemese qorǧanys qasietın joǧaltqan oqşaulaǧyşy bar symdar men kabelderdı, zaqymdalǧan rozetkalardy paidalanu qauıptı.
Elektr şamdary men şyraqtardy qaǧazben, matamen jäne basqa da janǧyş materialdarmen orauǧa, elektr qyzdyrǧyş aspaptaryn janbaityn materialdardan jasalǧan tūǧyryqtarsyz paidalanuǧa, jelıge qosylǧan tūrmystyq elektr aspaptaryn qarausyz qaldyruǧa bolmaidy.
Üiden şyqqan kezde barlyq elektr jylytu qūraldaryn öşıru kerek ekenın este ūstaǧan jön. Peşterdı jaǧu üşın benzin, kerosin jäne basqa da janǧyş sūiyqtyqtardy paidalanbaŋyz.
Janyp jatqan peştı qarausyz qaldyru nemese olardy qadaǧalaudy jas balalarǧa tapsyru öte qauıptı!
Örttı söndırgennen görı aldyn alu oŋai ekenın ūmytpaŋyz! Ört şyqqan jaǧdaida 101 nemese 112 nömırıne qoŋyrau şalyŋyz!
A.SABİROV,
Astana qalasy Almaty audany TJB bas mamany, azamattyq qorǧau podpolkovnigı
