Abylaihan OSPANOV, QR Bailanys jäne aqparat agenttıgınıŋ Elektrondyq qyzmetterdı jäne HQKO damytu departamentınıŋ direktory: ELEKTRONDYQ SİFRLYQ QOLTAŊBA MOBİLDI BOLADY
– 2015 jyly qazaqstandyqtar elektrondyq sifrlyq qoltaŋbany SIM-kartanyŋ kömegımen paidalanady eken. Jobanyŋ artyqşylyǧy nede?
– «Mobildı qoltaŋba» elektrondyq qyzmetter men servisterdı ūialy telefonnyŋ kez kelgen modelı arqyly aluǧa mümkındık beredı. Būl jaŋaşyldyq «Mobildı ükımettıŋ aqparattyq jüiesı.M-GOV qūru» jobasy şeŋberınde äzırlenude. Bügıngı künı «iOs» jäne «Android» operasiialyq jüiesın paidalanuşylar üşın egov.kz mobildı qosymşasy arqyly 13 elektrondyq memlekettık qyzmet qoljetımdı. Olardyŋ qatarynda baspana kezegın baqylau, kommunaldyq qyzmetter üşın tölemaqy töleu, jeke tūlǧalardyŋ kölık salyǧyn töleu sekıldı bırqatar qyzmetter bar. Atalǧan qyzmetterdı alu üşın mobildı qosymşany paidalanuşylar faildyq ESQ qoldanady.
– Iаǧni, qaǧaz anyqtamalar men qūjattardan bas tartuǧa mümkındık bar ǧoi?
– SIM-kartaǧa jazylǧan ESQ ūialy telefonnyŋ kez kelgen türı arqyly elektrondyq qyzmetterdı aluǧa mümkındık beredı, tek SIM-kartany ǧana özgertu qajet bolady. Būl degenımız, bolaşaqta mobildı ükımettıŋ mümkındıkterı aiasynda qaǧaz anyqtamalar men qūjattardan bas tartatyndyǧymyzdy bıldıredı.
– Jalpy, osy uaqytqa deiın qanşa adam elektrondy sifrlyq qoltaŋbaǧa ie boldy?
– 2008 jyldan berı qazaqstandyqtarǧa barlyǧy 4,7 mln ESQ berılgen. Bügıngı taŋda şamamen 2,35 mln ESQ qoldanysta jür. Atap ötu kerek, onyŋ 90%-y jeke tūlǧalarǧa berılgen.
– Tūrǧyndar ESQ arqyly qandai qyzmetterdı jiı paidalanady?
– Bügınde azamattar ESQ kömegımen memlekettık organdardyŋ virtualdy qabyldaularyna öz ötınımderın joldap, anyqtamalar aluda. Türlı qyzmetter men rūqsattardy aluǧa ötınış berıp, tūrǧylyqty meken – jaiy boiynşa tırkeuge tūryp, tırkeuden şyǧuda. Al, zaŋdy tūlǧalar bolsa ESQ kömegımen İnternet arqyly bilık qūrylymdarymen, türlı mekemelermen Qazaqstannyŋ kez kelgen aimaǧyndaǧy serıktesterımen onlain rejimınde ärıptestık ornatyp, käsıpterın keŋeite tüsude.
Gülmira ŞARHANQYZY
