Astana qalasynyŋ äkımı Baqyt Sūltanov BŪŪ Europalyq ekonomikalyq komissiianyŋ hatşysy Olga Algaerovamen kezdestı. Būl turaly Astana qalasy äkımdıgınıŋ resmi saity habarlady.
Märtebelı meiman Astanaǧa transşekaralyq su arnalary men halyqaralyq kölderdı qorǧau jäne paidalanu turaly konvensiia taraptary keŋesıne kelgen. Onyŋ aituynşa, Astana alaŋy jahandyq bastamalardy öte sättı jüzege asyruda. Mysaly, biyl jazda elordada Aziiadaǧy, Ortalyq Aziia aimaǧyndaǧy ormandardy damytu boiynşa keŋes ötkızıldı.
Baqyt Sūltanov öz sözınde qalanyŋ 2050 jylǧa arnalǧan bas jospary äzırlengenın tılge tiek ettı. «Elbasynyŋ tıkelei tapsyrmasymen bız qalanyŋ köpjyldyq damu baǧdarlamasyn äzırleuge kırıstık. Astana tek adamdarǧa yŋǧaily qala ǧana bolyp qalmai, innovasiia men jaŋa oilardyŋ jüzege asatyn qalasy boluy tiıs» dedı şahar basşysy.
Kezdesu soŋynda BŪŪ Europalyq ekonomikalyq komissiia hatşysy Olga Algaerova elorda äkımın ırı qalalar basşylarynyŋ Jenevada ötetın Europalyq ekonomikalyq komissiianyŋ kezektı keŋesıne qatysuǧa şaqyrdy.
