Elımızde 8 myŋdai därı-därmek tırkelgen eken. Auruǧa äserı de, sapasy da ärtürlı farmasevtikalyq önımderdı jūrtşylyq därıgerdıŋ taǧaiyndauynsyz-aq qoldana beredı. Soŋǧy kezderı därılık zattardy bei-bereket paidalanudan onyŋ janama äserlerı jiılep ketken. Sondyqtan elorda äkımdıgı men Densaulyq saqtau jäne äleumettık damu ministrlıgı bırlesıp, «Astana densaulyqty taŋdaidy» atty aksiiany qolǧa alyp otyr.
Elordadan bastau alǧan aksiia turaly baiandaǧan ministrlıktıŋ Medisinalyq jäne farmasevtikalyq qyzmettı baqylau komitetınıŋ Astana qalasy boiynşa departamentınıŋ basşysy Roza Quanyşbekova tek därıgerdıŋ reseptımen berıluge tiıs därılerdıŋ därıhanalarda erkın satyluy halyqtyŋ densaulyǧyna ziian ekendıgın aita kele, qolǧa alynǧan joba ūlt saulyǧyn qamtamasyz etuge septıgın tigızetının jetkızdı.
Mamandar Astana qalasy tūrǧyndarynyŋ arasynda arnaiy saualnama jürgızgen. Sonyŋ nätijesı körsetkendei, elordalyqtardyŋ 51 paiyzy därı alarda farmasevtermen, provizorlardyŋ keŋesıne jügınedı eken. Al 18 paiyzy tanystary men tuystarynyŋ aqylyna qūlaq assa, 12 paiyzy därılık zattardy öz betınşe satyp alady. Tūrǧyndardyŋ tek 19 paiyzy ǧana därıgerdıŋ taǧaiyndauymen em qabyldaidy. Roza Tohtanälıqyzynyŋ aituynşa, kez kelgen därınıŋ janama äserı bolatynyn, tıptı, keibır antibiotikterdı dūrys qoldanbasa, bakteriialardyŋ därıge tözımdılıgı paida bolyp, antibakterialdyq terapiianyŋ kömegı bolmai qaluy mümkın. «Mysaly, elımızde tuberkulezdıŋ jazylmaityn türıne şaldyqqandar bar. Naqtyraq aitqanda, olarǧa tuberkulezge qarsy bırde-bır därı äser etpeidı. Sebebı, syrqat jandar kezınde antibiotiktı beibereket ışe bergen. Sonyŋ saldarynan Koh taiaqşasynyŋ qozdyrǧyşy därılerge tözımdı bolyp aldy da qandai küştı därıge de boi bermeidı. Al düniejüzınde soŋǧy 15 jylda eşqandai jaŋa antibiotik öndırılgen joq. Qūrt auruynyŋ tözımdı türıne şaldyqqandardy tek sau adamdardan oqşaulaumen ǧana şektelıp otyrmyz» dedı ol.
Endı ministrlıktıŋ qoldauymen antibiotikter, gormonaldyq jäne tynyştandyratyn äserı bar därıler tek därıgerdıŋ reseptımen satylmaq. Ärine, būryn därılık zattardy erkın alyp kelgen halyq būǧan narazylyq bıldıruı mümkın. Sondyqtan joba kezeŋ-kezeŋmen jüzege asyrylmaq. Astana qalasynyŋ farmasevtikalyq qauymdastyǧynyŋ prezidentı Stepan Berezinnıŋ aituynşa, alǧaşqy kezeŋde qalanyŋ barlyq därıhanalary men emhanalarynda öz betınşe emdeluden bas tartuǧa şaqyratyn arnaiy plakattar ılınedı. Sonymen qatar, medisina qyzmetkerlerı üşın seminarlar ūiymdastyrylyp, halyq arasynda keŋ auqymdy tüsındıru jūmystary jürgızıledı. Jaŋa joba biyl qyrküiek-qazan ailarynda tolyǧymen ıske qosylyp, bükıl Qazaqstandy qamtityn bolady.
Q. TOQTAMŪRAT, astana-akshamy.kz
