Bügın – Memlekettık rämızder künı. Täuelsızdık ūǧymy tu etılgen qoǧamda mūndai mereke atausyz qalmaityny anyq.
Memlekettık rämızder turaly aitqanda, azamattardyŋ ar-ojdany men mädenietı turaly oilar orala ketedı. Tudy, Eltaŋbany, Änūrandy qalai qasterlep jürmız degen sūraq sanany torlaidy. Osyǧan orai Astana qalasy Işkı saiasat basqarmasy Taldau, monitoring jäne ädıstemelık jūmys bölımınıŋ basşysy Jaŋabai Meiırmanqūlovpen äŋgımelesken bolatynbyz.
– Astana qalasynda Memlekettık rämızder jönındegı komissiia 2007 jyldan berı jūmys ıstep kele jatqanyn bılemız. Memlekettık rämızderdıŋ qoldanyluyn tekseru jiılıgı qandai?
– Astana qalasynyŋ Işkı saiasat basqarmasy audan äkımdıkterımen bırlese otyryp, qala aumaǧynda aiyna bır ret tekseru jürgızedı.
– Biyl memlekettık rämızderdı qoldanu mäselesı boiynşa ereje būzu faktılerı baiqaldy ma?
– İä, 2013 jyldyŋ 5 aiynyŋ nätijesı boiynşa, şamamen 30-dan astam faktı tırkeldı. Anyqtalǧan kemşılıkter boiynşa mekemenıŋ bırınşı basşylaryna resmi hat joldanyp, olardy joiu jönınde jūmystar jürgızıldı.
– Äitse de, jalpylai aitqanda Tudyŋ, Eltaŋbanyŋ jönımen qoldanylmauy, Änūrandy qate oryndau sekıldı jaǧdailardyŋ oryn alyp tūratyny jasyryn emes. Osyndai oqiǧalarǧa bailanysty zaŋdarymyzda naqtyly jaza türlerı körsetılgen be?
– İä, qazırgı zaŋdarymyzda būl mäsele tolyq qamtylǧan. «Qazaqstan Respublikasynyŋ Memlekettık Tuyn, Qazaqstan Respublikasynyŋ Memlekettık Eltaŋbasyn jäne olardyŋ beinelerın zaŋsyz paidalanu, sondai-aq, Qazaqstan Respublikasy zaŋnamasynyŋ talaptaryn būza otyryp, Qazaqstan Respublikasynyŋ Memlekettık Änūranyn paidalanu jäne oryndau – ekı jüz ailyq eseptık körsetkış mölşerınde aiyppūl saluǧa äkep soǧady. Memlekettık rämızderdı paidalanu mındettı bolyp tabylatyn jaǧdailarda olardy paidalanbau – lauazymdy adamdarǧa ekı jüz ailyq eseptık körsetkış mölşerınde aiyppūl saluǧa äkep soǧady. Osy baptyŋ bırınşı jäne ekınşı bölıkterınde közdelgen, äkımşılık jaza qoldanylǧannan keiın bır jyl ışınde qaitalap jasalǧan äreketter – tört jüz ailyq eseptık körsetkış mölşerınde aiyppūl saluǧa äkep soǧady» dep şegelep jazylǧan.
– Al, Memlekettık rämızder künın atap ötuge qanşalyqty köŋıl bölınıp jür?
– Memlekettık rämızderımız – täuelsız elımızdıŋ basty atributtarynan bolǧandyqtan, būl mereke öz deŋgeiınde ötuı kerek dep oilaimyz. Astana qalasynda da jyl saiyn būl kün eskerusız qalǧan emes.
– Atap aitqanda…
– Memlekettık rämızder künıne orai Astana qalasy äkımdıgınıŋ ūiymdastyrumen bügın, iaǧni, 2013 jyldyŋ 4 mausym künı saǧat 20:00-de «Atameken» etno-memorialdyq keşenı aumaǧynda ornalasqan Bas memlekettık tu aumaǧynda «Menıŋ Qazaqstanym! Menıŋ Astanam!» atty merekelık şara ötedı. 5 mausym künı «Ūlttyq sana-sezımdı qalyptastyrudaǧy Qazaqstan Respublikasynyŋ memlekettık rämızderınıŋ maŋyzdylyǧy men mändılıgı» taqyrybynda konferensiia ötkızu josparlanyp otyr. Sonymen qatar, barlyq mekemelerde bır uaqytta Änūran oryndau räsımı ötkızıledı.
Äŋgımelesken, Näzira BAIYRBEK
