EUROODAQ QAZAQSTANDY QOLDAIDY
Keşe Elbasy Nūrsūltan Nazarbaev Qazaqstanda resmi saparmen jürgen Europalyq komissiianyŋ töraǧasy Joze Manuel Barrozumen kezdesu ötkızdı. Būl turaly Qazaqstan Prezidentınıŋ baspasöz qyzmetı habarlady.
Kezdesude saiasi, sauda-ekonomikalyq jäne mädeni-gumanitarlyq yntymaqtastyqtyŋ jai-küiı men perspektivalaryn qamtityn keŋ auqymdy mäseleler talqylandy. Būǧan qosa, taraptar halyqaralyq kün tärtıbıne, atap aitqanda, Ortalyq Aziiadaǧy ahualǧa nazar audardy.
Qazaqstan Prezidentı kelıssözder barysynda Qazaqstan men Europa Odaǧy arasyndaǧy serıktestık pen yntymaqtastyqty ılgerıletu turaly jaŋa kelısımdı tezdetu turaly uaǧdalastyqqa qol jetkızılgenın de atap öttı.
– Bız azamattarymyzdyŋ belgılı bır sanaty üşın vizalyq rejimdı jeŋıldetu turaly söilestık. Europalyq memleketterdegı bızdıŋ aviakompaniialardyŋ erkın ūşuyna mümkındık beru mäselesın qozǧadyq. Euroodaq tarapynan Qazaqstannyŋ Düniejüzılık sauda ūiymyna kıru üderısıne qoldau körsetu turaly da söz boldy. Barlyq osy mäseleler jönınde bızdıŋ pıkırımız ortaq, bız qoldauǧa ie boldyq, būl üşın men J.M.Barrozuǧa rizaşylyǧymdy bıldıremın, – dedı Nūrsūltan Nazarbaev.
– Bız yntymaqtastyq aiasyn keŋeitu turaly jaŋa kelısımdı qabyldau jönınde kelıssözderdı aiaqtau arqyly özımızdıŋ qarym-qatynasymyzdyŋ jaŋa kezeŋın aşu nietındemız. Būl qūjat anaǧūrlym keşendı yntymaqtastyqqa baǧyttalǧan. Europa Odaǧy aldaǧy uaqytta da özara ortaq müddenı bıldıretın barlyq saladaǧy serıktestık aiasyn keŋeituge qolūşyn beru nietınde. Serıktestık men yntymaqtastyqty ılgerıletu turaly kelısım qazır serpın alyp otyrǧan bızdıŋ qarym-qatynasymyzdy odan ärı jedeldetuge berık negız qalaidy. Şyn mänınde de EO Qazaqstannyŋ eŋ ırı sauda serıktesterınıŋ bırı bolyp sanalady, elımızdıŋ tauar ainalymynyŋ jalpy kölemınıŋ 45 paiyzǧa juyǧy onyŋ ülesıne tiedı, al, ekıjaqty sauda deŋgeiı 31 milliard eurony qūraidy. Jäne Europadaǧy kürdelı jaǧdaiǧa qaramastan, soŋǧy jyldary taraptar arasynda tauar ainalymynyŋ jedel ösıp otyrǧany baiqaluda, – dedı J.Barrozu.
Europalyq komissiia töraǧasy Qazaqstannyŋ Ortalyq Aziiada öŋırlık yntymaqtastyqty ılgerıletudegı, atap aitqanda, ekstremizm, terrorizm, esırtkı tasymaly, su resurstaryn basqaru problemalaryn bırlesıp şeşudegı joǧary rölın atap öttı. Sözınıŋ soŋynda J.M.Barrozu Qazaqstan basşysyna HHI ǧasyrdaǧy senımdı serıktestıkke negız qalaityn mazmūndy jäne nätijelı dialog ötkızgenı üşın alǧysyn aitty.
Erkejan SÄTIMBEK