Elordadaǧy E.Rahmadiev atyndaǧy Memlekettık akademiialyq filarmoniianyŋ ūjymdary men oryndauşylary Halyqaralyq äielder künıne arnap «Arular – asyl jandar» atty auqymdy merekelık sazdy baǧdarlama ūsyndy. Köktemdı qanatyna qondyryp, sänımen kelgen mereke qarsaŋynda näzık jandylarǧa arnap jazylǧan mahabbat änderı şyrqaldy.
Ürmelı aspaptar orkestrı men «Alem» estradalyq bi ansamblı jeke oryndauşylarmen bırlesıp, A.Babadjaniannyŋ «Funiculi, Funicula», «Mama», «Sūlulyq patşaiymy», E.Hasanǧalievtıŋ «Anaǧa sälem», H.Karmaikldyŋ «Georgia on my mind» jäne basqa da tuyndylar keştıŋ körkın kırgızdı. Mys pen aǧaştan jasalǧan ürmelı aspaptar eŋ ikemdı muzykalyq aspaptar retınde aişyqtalsa, olardyŋ änşı dauysymen ündesıp, ǧalamat küi keşıretın qūdıret – öz aldyna bölek baian.
Sonymen qatar älemdık sahnalarda elımızdıŋ atyn asqaqtatyp jürgen Ǧ.Jūbanova atyndaǧy memlekettık ışektı kvartetı būl keşte bükıl halyqqa belgılı Äbdımomyn Jeldıbaevtyŋ ışektı kvartetke arnap öŋdelgen «Erke sylqym» küiın oryndap, körermenderdıŋ qoşemetıne bölendı.
Baian Asylbekova
