Qalalyq bilık elordalyq jūmys beruşıler üşın mügedekterge arnalǧan jūmys oryndaryna kvotalar belgıleudı qauly ettı. Būl turaly Qoǧamdyq keŋestıŋ kezektı otyrysynda mälım boldy. Otyrys barysynda 5 normativtık qūqyqtyq aktınıŋ jobasy qaraldy. «Astana qalasyndaǧy jūmys oryndarynyŋ kvotalaryn belgıleu turaly» jobasy jaily Astana qalasy äkımdıgınıŋ «Jūmyspen qamtu ortalyǧy» KMM direktory Oljas Omar baiandama jasady. Qauly jobasymen mümkındıgı şekteulı jandardy jūmys ornymen qamtamasyz etu qarastyrylǧan. Eger ūjym qūramynda elu jäne odan da köp adam esepte bolsa, onda mümkındıgı şekteulı jandardyŋ sany 2%-dy qūrauy qajet. 101-den 250 adamǧa deiın – jūmysşylardyŋ tızımdık sanynyŋ 3%-y mölşerınde, eger käsıporyn ūjymy 251 adamnan joǧaryny qūraǧan jaǧdaida, mügedekterge arnalǧan jūmys kvotasy jūmysşylar sanynyŋ 4%-yn qūraidy.
Sonymen qatar, jobada astanalyq jūmys beruşılerge jūmys oryndaryn ūsynu qajet bolatyn tūlǧalardyŋ sanaty körsetıldı. Olardyŋ arasynda bas bostandyǧynan aiyru oryndarynan bosaǧan probasiia qyzmetınıŋ esebınde tūratyn adamdar da bar. Jūmys kvotasy jūmys ornynyŋ jalpy sanynyŋ 1% mölşerınde belgılendı. Jastardy jūmyspen qamtu mäselesı körsetıldı. Käsıporyn basşylary bılım beru ūiymdarynyŋ bıtıruşılerı bolyp tabylatyn, ata-anasynan airylǧan nemese kämelettık jasqa jetkenşe olardyŋ qamqorlyǧynsyz qalǧan jastar arasynan azamattardy jūmyspen qamtu üşın jūmys ornynyŋ jalpy sanynyŋ bır paiyzy mölşerınde jūmys oryndarynyŋ kvotasyn belgıleu qajet.
astana.gov.kz
