AQTÖBE OBLYSY
«Biznestıŋ jol kartasy-2020» baǧdarlamasy boiynşa byltyr oblys boiynşa 400-ge juyq joba qoldau tapqan. Barlyǧy 1500 käsıpkerge 24 mlrd teŋgege qarjylai kömek berılgen.
ŞYǦYS QAZAQSTAN OBLYSY
Öskemendık baǧban Viacheslav Kamchatnyi alyp asqabaq ösırdı. Körgen jūrttyŋ taŋdaiyn qaqtyrǧan önımnıŋ biıktıgı – 40 sm, jalpaqtyǧy – 80 sm. Endı erekşe önım asqabaqtar festivalıne qoiylady.
QARAǦANDY OBLYSY
Qaraǧandynyŋ kolledjderı men joǧary synyp oquşylaryna qazaq tılıne audarylǧan 100 oqulyq taratyldy. İgılıktı ıs «Jaŋa gumanitarlyq bılım. Qazaq tılındegı 100 jaŋa oqulyq» atty respublikalyq jobanyŋ şeŋberınde jüzege asyryldy.
JAMBYL OBLYSY
Jambyldyq mūǧalımder asyq oiynynyŋ jaŋa türın oilap tapty. İnnovasiialyq oiyn «Üşbas» dep atalady. Oiynnyŋ keibır tūsy tastaiaq pen futboldyŋ elementterıne ūqsaǧanymen, bıraq asyqpen oinalady.
ATYRAU OBLYSY
Atyrau qalasy özınıŋ 378 jyldyǧyn atap öttı. Qala künı merekesıne orai ūzyndyǧy 10 metrlık, enı 80 metrlık tort daiyndaldy. Sol künı «Nūrsaia» yqşam audanynda 800 oryndyq jaŋa akvaparktıŋ aşylu räsımı öttı.
QOSTANAI OBLYSY
Oblysta 7 auyldyŋ atauy özgerdı. Sonymen qatar, 73 köşenıŋ ataulary da jaŋartyldy. Mysaly, Qostanai qalasyndaǧy Aviasionnaia köşesı Kämşat Dönenbaeva, Zatabol kentın Tobyl dep özgertu jönındegı ūsynysty da köpşılık qoldady. Juyrda ǧana Taran audanyn Beiımbet Mailinnıŋ atymen atau turaly ūsynys ta qoldau tapqan edı.
TÜRKISTAN OBLYSY
Japondyq käsıpkerler Türkıstannyŋ infraqūrylymyna investisiia saluǧa qyzyǧuşylyq tanytty. Japondyq kompaniia biık üilerdı, su qūbyrlaryn jäne kanalizasiia jelılerın saluǧa qatysudy josparlap otyr.
