ASTANALYQTARDYŊ SPORTQA YNTASY ZOR
Bas qalamyzdyŋ sportşylary sporttyŋ köptegen türlerı boiynşa ūlttyq qūramaǧa engen. Ärı olar bairaqty bäsekelerde top jaryp jür. Elorda sportynyŋ jetıstıkterı turaly Astana qalasy Turizm, dene tärbiesı jäne sport basqarmasynyŋ basşysy Aitalap Kurgambaev äŋgımeleidı. |
– Astanada qanşa adam būqaralyq sportpen ainalysady?
– Astana qalasynyŋ ärbır törtınşı tūrǧyny dene şynyqtyru jäne sportpen ainalysady. Al olardyŋ köpşılıgı, iaǧni, 35 paiyzy jüzuge baratyny, ärbır besınşısı boks, küres sekıldı jekpe-jek türlerın taŋdaityny, ärbır üşınşısı futboldy qalaityny belgılı bolyp otyr. Odan ärı zertteuşı äleumettanuşylar fitnes, jeŋıl atletika jäne velosportqa äuestenuşıler sanynyŋ artyp otyrǧanyn aitady.
Astana qalasynda soŋǧy bes jylda deneşynyqtyru jäne sportpen tūraqty ainalysatyndar qatary ekı ese ösıp, bügınde olardyŋ sany 168230 adamǧa jettı.
– Aula sport alaŋy qanşa jäne qalai jabdyqtalǧan?
– Aula sport alaŋdary boiynşa jūmys Astana qalasynyŋ Jastar saiasaty mäselelerı basqarmasy men Astana qalasynyŋ Bılım basqarmasyna jüktelgen bolatyn. Alaida, bızdıŋ basqarmamyz da osy jūmysqa belsene aralasyp, öz tarapynan balalardy sportqa baulyp, kömek körsetıp keledı. Köbıne aula sport alaŋdarynda bızdıŋ jattyqtyruşylar jūmys ısteidı.
– Balalar-jasöspırımder sport mektepterınıŋ jai-küiı qalai ?
– Qalada on balalar men jasöspırımder sport mektebı jūmys ısteidı. Alty olimpiadalyq rezerv mektebı bar. Olarda
6787 adam sporttan şeberlıgın şyŋdauda. Būl ötken jylmen salystyrǧanda äldeqaida joǧary. Biyl alǧaşqy daiarlau sport toptaryna 1823 bala qabyldandy. Balalar men jasöspırımderdı 392 bılıktı maman jattyqtyryp jür. Sport mektepterınde bolaşaq chempiondar 53 sport türımen, sonyŋ ışınde 36 olimpiadalyq baǧdarlamaǧa engen sport türlerı boiynşa daiyndalady. Astana qalasynyŋ qūrama komandasy bügınde respublikalyq keşendı jarystardyŋ köşbasşysy bolyp, naǧyz chempiondar «ūstahanasyna» ainalyp otyr. Biyl köktemde ötken Qazaqstan Jastar oiyndarynda astanalyq jas sportşylar jalpykomandalyq jarysta ekınşı oryndy ielendı. Osy jarystarda Astana komandasy ǧana barlyq 35 sport türı boiynşa sportşylar şyǧardy. Nätijesınde, 103 altyn, 65 kümıs jäne 112 qola medal jeŋıp aldy.