Biylǧy aqpan aiy aqyryp keldı. Aldymen boran, onyŋ soŋy qyzylşūnaq aiazǧa ūlasyp, adamdardy bıraz äbıgerge saldy. Mektep oquşylary sabaqtan bosatylyp, jylu mekemelerınıŋ jūmysy küşeitıldı. Osy tötenşe jaǧdaiǧa bailanysty elorda basşysy Baqyt Sūltanov tūrǧyndardy bır-bırıne janaşyrlyq körsetuge ündeu joldady.
Şyn mänınde, osy aiazdy künderı elorda halqynyŋ bırlıgı men qamqorlyǧy erekşe boldy. Mäselen, bas şahardaǧy meşıtter «Astana – meiırımdılık qala» qaiyrymdylyq aksiiasy aiasynda mūqtaj otbasylarǧa kömır men azyq-tülık alyp berıp, dalada jūmys ıstep jürgen adamdarǧa ystyq tamaq men şai taratty. Sondai-aq aialdamada toŋyp tūrǧan adamdardy üilerıne aparyp tastady. Äsırese, «Nūr Astana» meşıtınıŋ qyzmetkerlerı men basqa da azamattar bırıgıp, kömekke zäru adamdarǧa 18 «tegın taksi» kölıgın ūiymdastyrdy.
7 aqpan künı qalalyq äkımdık «ASTANA TAXI» mekemesımen bırlesıp «Jyly sapar» aksiiasyn ötkızdı. «ASTANA TAXI» jürgızuşılerı qalalyq avtobus baǧdarlarymen jürıp, jolauşylardy üilerıne tegın jetkızdı. Al keşe sol jaǧalaudaǧy «Nūrjol» avtotūraǧy künnıŋ suyqtyǧyna bailanysty tegın qyzmet körsettı.
Būl igılıktı bastamany ırı jäne şaǧyn biznes ökılderı de ılıp äkettı. «Asia Park» oiyn-sauyq ortalyǧy tegın şai ülestıru aksiiasyn jariialap, adamdarǧa ystyq şai berdı. Mūndai ızgılıktı şarany käsıpker Siiavuş Tairov pen Villaiat Karimov te jasady. Sondai-aq kölıgı qatyp qalǧan tūrǧyndarǧa maşinasyn tegın qyzdyryp bergen azamattar da boldy.
Qysqasy, az küngı aua raiynyŋ qolaisyzdyǧy elordalyqtardy bır-bırıne jaqyndata tüstı.
