BARŞAǦA PAIDALY PORTAL
Astanada qalanyŋ tūrǧyn üi-kommunaldyq şaruaşylyǧyna arnalǧan arnauly portal aşyldy. Būl aqparat alaŋynda PİK jetekşılerı, kommunaldyq qyzmet körsetuşı mekemelerdıŋ ökılderı, sondai-aq päter ielerı özara pıkır almasyp, täjıribe bölısuge mümkındık alatyn bolady.
– Būl portal arqyly qaladaǧy tūrǧyn üilerge qyzmet körsetudıŋ, jalpy TKŞ salasyndaǧy problemalardy aşyq talqylauǧa jol aşylady. Tūrǧyndar özderın mazalaǧan mäseleler boiynşa PİK nemese kommunaldyq qyzmet körsetuşı mekemelerdıŋ basşylaryna tıkelei şyǧyp, oryn alǧan problemalardy şeşuge atsalysa alady. Bızdıŋ negızgı maqsatymyz – qalanyŋ tūrǧyn üi-kommunaldyq şaruaşylyǧynda aqparat almasu jüiesın qalyptastyru, – deidı portaldyŋ qūryltaişysy ärı üilestıruşısı «AstanaOpenCity» JŞS direktory Ruslan Şaripov.
Bügınde üilestıruşı kompaniia qaladaǧy PİK jäne basqa da qyzmet körsetuşı kompaniialarmen kelısımder jürgızude. Portal qyzmetı abonenttık tölem jüiesınde berıledı. Būl tölem är päterden 10 teŋge kölemınde belgılenıp otyr. Tölemdı qyzmettı aluşy ūiym, iaǧni PİK nemese basqa da kommunaldyq qyzmet körsetuşı ūiym töleitın bolady.
Portal öz jūmysyn Astana qalasynyŋ Tūrǧyn üi inspeksiiasymen tyǧyz bailanysta jürgızbek. Aldaǧy uaqytta osy portalda qaladaǧy PİK, kommunaldyq qyzmet körsetu mekemelerınıŋ, lift şaruaşylyqtarynyŋ reitingterı jariialanatyn bolady.
Tüptep aitqanda, Astanada tūrǧyn üi-kommunaldyq şaruaşylyqtyŋ jūmysyn jandandyruǧa baǧyttalǧan paidaly portal qyzmetı ıske qosylyp otyr.
Portaldyŋ mekenjaiy: astana.opencity.kz.