Astana qalasy äkımdıgı men «JasNūr» öndırıstık-şaruaşylyq käsıpornynyŋ mamandary elorda ırgesındegı Qoiandy toǧany, Qarasu özenı jäne Viacheslavka su qoimalaryna balyq şabaqtaryn jıberdı.
«Qoiandy su qoimasyna altailyq tūqy balyǧynyŋ 100 myŋ, aq amur balyǧynyŋ 40 myŋ danasyn jıberıp otyrmyz. Būlardyŋ barlyǧy – biylǧy jylǧy şabaqtar. Sonymen qatar, 20 myŋ dana ekı jyldyq altyn tüstı möŋke balyǧy taǧy bar. Viacheslavka su qoimasyna da 80 myŋ dana sarbaiandyq tūqy balyǧy men 20 myŋ dana aq amur balyǧy qosylyp otyr. Qarasu özenınıŋ eskı arnasy men Şalqar, Ūialy-Şalqar kölderıne de osyndai balyq türlerın jıberdık. Būl şaranyŋ maqsaty – soŋǧy uaqyttarda qala tūrǧyndarynyŋ jiı baratyn demalys ornyna ainalyp ülgergen Qoiandy, Viacheslavka jäne basqa da su aidyndaryna balyq şaruaşylyǧyn damytu jäne olardyŋ önımdılıgın arttyru. Sonymen qatar, atalmyş su aidyndaryndaǧy balyqtardyŋ qanyn tazartu maqsatyn közdep otyrmyz» deidı Astana qalasy Tabiǧi resurstar jäne tabiǧatty retteu basqarmasynyŋ bölım basşysy Äbdımanap Jūmadıldaev.
Mamandardyŋ aituynşa, balyqtyŋ būl türlerın taŋdap aludyŋ özındık sebepter de bar eken. «Mäselen, aq amurdy
su qoimalaryna jıberudıŋ arqasynda ekı maqsatqa bırden qol jetkızıledı. Atap aitqanda, aulaityn balyq köp bolady jäne su qoimalary abattandyrylady. Sebebı, balyqtyŋ būl türın «tazalyqşy balyq» dep te ataidy. Aq amur tek ösımdıktermen jäne su tübındegı qaldyqtarmen ǧana qorektenedı. Ainalasy bırneşe jyldyŋ ışınde su qoimalary qamystardan tazaryp şyǧa keledı. Ärı būl balyq öte tez ösedı. Qazır qūrtaqandai bolǧanymen, ekı jyldan keiın būl balyqtyŋ salmaǧy 20 kelıge jetedı» deidı Aqmola oblystyq orman şaruaşylyǧy jäne balyq düniesı inspeksiiasynyŋ bas mamany Erkınǧazy Jünısov.
Bürkıt NŪRASYL
