Elordalyq prokurorlor uşyǧyp tūrǧan aliment mäselesın şeşudıŋ tyŋ jolyn qolǧa aldy. Astana qalasynyŋ prokuraturasynda «Aliment bereşegın azaitu» jobasy tanystyryldy.
Prokurorlardyŋ aituynşa, jobanyŋ negızgı maqsaty – alimentşı äkelerdı jappai jazaǧa tartu emes, olardyŋ aldyn aludy közdeidı. Iаǧni aliment bereşegın tölemei jürgen boryşkerlerdı jūmyspen qamtamasyz etedı. Öitkenı bügıngı taŋda tūraqty jūmysynyŋ joqtyǧyna bailanysty aliment tölei almai jürgen äkeler köp. Mäselen, Astana qalasy boiynşa aliment töleuge mındettelgen 19 myŋ adamnyŋ ekı myŋǧa juyǧy jūmyssyz.
Osynyŋ saldarynan qalamyzda 7 myŋnan astam bala özderıne tiesılı
400 mln teŋge kölemındegı alimentın ala almai jür. «Boryşy bar äkelerdı jūmyspen qamtu jobasyn qolǧa alyp otyrmyz.
Jūmyssyz retınde tırkeude tūrǧan ekı myŋ azamatty mamandyqtary men igergen käsıp türlerı boiynşa kategoriialarǧa bölıp, kompaniialarǧa sūrau jıberdık. Qazırdıŋ özınde Astana qalasyndaǧy bedeldı ekı qūrylys kompaniiasynan elektr mamany, santehnik siiaqty mamandar boiynşa 500 ūsynys kelıp tüstı. Sonymen qatar, «Naimi.kz»
internet saitymen yntymaqtastyq ornatyp, aliment boiynşa qaryzy bar adamdardy saitqa tegın tırkeu turaly kelıstık. Būl saitqa künıne ekı jüzge juyq adam tırkeledı eken.
Sondai-aq, feisbuk äleumettık jelısınde «Eŋbek-
Aliment» paraqşasyn aştyq. Būl paraqşaǧa boryşkerler öz tüiındemelerın ornalastyra alady» deidı Astana qalalyq prokuraturasynyŋ sottarda memleket müddesıne ökıldık etu basqarmasynyŋ basşysy Berık Adamov.
Bürkıt NŪRASYL
