Prezidenttıŋ tapsyrmasymen jaŋadan qūrylatyn «low-cost» sanatyndaǧy, iaǧni arzan baǧaǧa ışkı reister ūsynatyn «Eir Qazaqstan» äue kompaniiasy «Bombardier Aerospace» kompaniiasynan Q400 NextGen markaly on ūşaq satyp almaqşy.
Ötken aptada Astanada kanadalyq ūşaqtyŋ tanystyrylymy öttı. Şeteldık ūşaq qūrastyruşy kompaniianyŋ biznestı damytu jäne satu boiynşa direktory Mark Gilberttıŋ aituynşa, qauıpsızdıktıŋ barlyq talaptaryna sai turbovinttı ūşaq Orta Aziia elderıne öte qolaily, ystyq aua raiynda da, tömengı ekstremaldı temperaturada da mültıksız jūmys ısteidı. Ärı ekspluatasiialyq şyǧyny 70 oryndyq basqa ūşaqtarmen salystyrǧanda äldeqaida tömen. Sondyqtan da tūtynuşylardyŋ qaltasyna aitarlyqtai salmaq salmaityn äue lainerlerı «Eir Qazaqstan» brendımen kelesı jyldan bastap ūşa bastaidy.
«Eir Qazaqstan» kompaniiasynyŋ direktory Nūrjan Şäkırov: «Būl ūşaqtardyŋ ärqaisysyn 23 million dollardan satyp alamyz. Bıraq «Bombardier Aerospace» tek ūşaqtaryn satyp qana qoimaidy, sonymen qatar konsultasiialyq qoldau körsetedı. Mamandar daiyndauǧa qarjy bölınedı. Ūşqyştar Kanadada şyŋdalady. Dei tūrǧanmen, bastapqy kezeŋde şeteldık ūşqyştardy tartamyz, öitkenı bızde maman jetıspeidı. Bır jyldan keiın ekipaj müşelerı tügeldei otandyq mamandardan jasaqtalady» deidı.
Edıl Bökeev
