Bılım beru nysandaryn aralady
Nūr-Sūltan qalasynyŋ äkımı Altai Kölgınov bırqatar bılım beru nysandaryndaǧy jürgızılıp jatqan jūmystarmen tanysty.
«Jöndeu jürıp jatqan ärbır mektepke, balabaqşaǧa qatysty mäsele bar. Şatyrynan bastap jeldetu jüiesıne deiın qarastyru qajet. Bügın keşkılık aralau barysynda bırqatar bılım beru nysanynda jürıp jatqan jūmystardy qaradym. №84 mektep-liseiı (Ūly dala daŋǧyly, 7/1 ) avtonomdy jylytu jüiesınen ortalyq jylytu jüiesıne auystyryldy. Mekeme direktorynyŋ esebı boiynşa osy arqyly otyndy 7 esege ünemdeuge bolady. Būryn būl mektepke avtonomdy jylytu qūny 100 mln teŋgeden asty» dep jazdy qala basşysy äleumettık jelıdegı paraqşasynda.
A.Baitūrsynov atyndaǧy №48 mektep-liseiınıŋ (Jirentaev köşesı, 15/2) qasbetı jöndelıp, jaŋa jeldetu jüiesı ornatyluda. Sondai-aq erekşe qajettılıgı bar balalarǧa arnalǧan kötergış ornatyldy.
– Oqu jylynyŋ basynan bastap 1-4-synyp oquşylary «kezekşı toptarda» oqitynyn eskere otyryp, mektepterde araqaşyqtyq saqtau qajettılıgı turaly jadynamalar äzırlendı. Balalar partalarǧa şahmat tärtıbımen otyrady. Biyl barlyǧy 26 bılım beru nysanyn (mektepter, balabaqşalar, kolledjder) jöndeimız. 12 mektep salyp, paidalanuǧa beremız. Būl 2019 jylmen salystyrǧanda ekı ese köp, – dedı A.Kölgınov.