Qazaqstan halqy assambleiasynyŋ Astana qalalyq filialy «Beibıtşılık jäne kelısım jol kartasy» jobasy aiasynda «Qaiyrymdylyq arqyly bırlıkke» aksiiasyn ötkızdı. Oǧan mümkındıgı şekteulı jäne tūrmysy naşar otbasynan şyqqan otyzǧa tarta bala tartylyp, olar qala syrtyndaǧy «Ekoqalaşyq» demalys ornynda tynyǧyp qaitty.
Mūnda jetkınşekter künı boiy oiyn oinap, qyzyqty saiystarǧa qatysty. Al, Astana qalasynyŋ jol polisiiasy qyzmetkerlerı ıs-şaranyŋ qauıpsızdıgın qamtamasyz etumen qosa, jasöspırımderdı jolda jüru erejelerımen tanystyrdy. Balalarǧa ūiymdastyruşylar tarapynan syilyqtar tartu etılıp, arnaiy dastarqan jaiyldy.
Elımızdegı qoǧamdyq kelısımdı damytuǧa, elordalyq ūiymdar arasyndaǧy bailanysty nyǧaituǧa baǧyttalǧan ıs-şaraǧa qatysuşylar «Beibıtşılık jäne kelısım» eskertkış kıtabyna öz qoltaŋbalaryn qaldyrdy.
Aksiiaǧa Astana qalasy äkımdıgı men «Jariia» halyqaralyq ortalyǧy» qoǧamdyq qory, Qazaqstan Respublikasy Qyzyl Ai qoǧamynyŋ astanalyq filialy, Esıl audanynyŋ mügedekter qoǧamy ökılderı belsene atsalysty.
Aigül UAISOVA
