Astana qalasy äkımdıgınde qala äkımınıŋ orynbasary Q.Sūltanbekovtyŋ qatysuymen mügedekter tūrmysyn jaqsartu jäne olardyŋ qūqyqtaryn qorǧau jönınde üilestıru keŋesı bolyp öttı.
Jiynda mümkındıgı şekteulı jandardy eŋbekpen qamtu mäselesı äŋgımenıŋ negızgı özegıne ainaldy. Sondai-aq, olardyŋ jan jarasyn eskere otyryp, densaulyqtaryn ünemı qadaǧalap otyru maqsatynda ärı bılımderın jetıldıru jolynda atqarylyp jatqan şaralar naqtylanyp, aldaǧy jyldarǧa jospar qūryldy.
Taǧdyrdyŋ auyrtpalyǧyn köterıp jürgen osyndai mümkındıgı şekteulı azamattarymyzdyŋ sanyna, jasyna jäne syrqatyna bailanysty qūzyrly organ ökılderı özderınıŋ qoldarynda bar barlyq mümkındıktı paidalanu arqyly jaqsylyq jasaityndaryn aityp baiandama jasady.
Qazırgı uaqytta qaladaǧy üş audan boiynşa da igı bastamalar qolǧa alynyp, äkımdık tarapynan mümkındıgı şekteulı balalardy mektepter men kolledjderde oqytuǧa jaǧdai jasalynyp otyrǧany anyq. Būl rette ata-analar köterıp jürgen mäseleler de joq emes. Olar oqytu ortalyqtarynyŋ sany azdyǧyn aityp, keibır balalardyŋ memleket saiasatynan tys qalyp qoiu qaupınıŋ bar ekenın jetkızdı. Sonymen qatar, eresekterdıŋ de jūmysqa ornalasu jaǧdaiy tolyq şeşılıp bolmaǧanyn bıldık. Ärı qala boiynşa arnaiy avtobustar men taksilerdıŋ de azdyǧy – köptıŋ köŋılınen şyqpai jürgen ülken mäsele.
Nūrislam QŪSPANǦALİ
