Asa qamqor, erekşe meiırımdı Allanyŋ atymen bastaimyn!
Adamzat balasy qauymdasyp, bır mekenge toptasyp ömır süruge beiım jaratylǧan. Būlai ömır sürudıŋ de özındık hikmetı bar. Eger qaisybır qauymnyŋ ömır tırşılıgınde bırlık, yntymaq, imandylyq, özara kelısım, ortaq tüsınık, taǧy basqa qūndylyqtar basty orynǧa qoiylsa, sol halyqtyŋ berekesı artyp, ǧibratty ǧūmyr keşedı.
Tūraqtylyq bar jerde tatulyq ornaidy. Tatulyq bar jerge Alla bereke näsıp etedı. Yntymaǧy ydyraǧan elden yrys ta ketedı. Bız mūndai jaǧdaidy alystaǧy elden emes, jaqyndaǧy körşılerımızden-aq körıp otyrmyz.
Elımızdegı meşıtter men medreselerdıŋ, dıni oqu oryndarynyŋ jūmysyn qadaǧalap, baqylap-basqaryp otyru mındetı maǧan jüktelgennen keiın jamaǧatty dıni saladaǧy keibır näzık mäselelerge ärdaiym baiyppen, sabyrmen qarauǧa şaqyramyn.
Dın tek bırlık pen beibıtşılık ornaǧan elde qanat jaiady. Mūny äste ūmytpauymyz qajet. Bülık bar jerde bereke ketedı. Ondai ortada dındı ūstanu bylai tūrsyn, adamnyŋ kündelıktı ömırıne qauıp tönbei me?
HHI ǧasyr osyndai küige duşar bolǧan milliondaǧan halyqtyŋ bügıngı mazasyz ömır tırşılıgıne kuä. Alla Elşısınıŋ «Köpşılıkpen bırge bolyŋdar, bölınuden saqtanyŋdar» dep būiyruynda ülken ǧibrat bar. Mūndaida halqymyz «Bölıngendı börı jeidı» demei me?!
Dın – adamdy Allanyŋ danalyqqa qūrylǧan taŋǧajaiyp jaratylysynan ǧibrat aluǧa, ızgılıkke bastaityn ūly jol. İmandylyq –adamǧa ekı dünienıŋ quanyşy men syiyna, baqyty men bereketıne jetelep, jaqsylyqqa ündeidı, adamnyŋ bükıl ömırın, amalyn ızgılıkke, qaiyrymdylyqqa baǧyttaidy.
Dın – bükıl älemde adamdardyŋ ruhani dünietanymyn baiytyp, jer betındegı adamzat qauymynyŋ igılıkte ömır süruıne yqpal etetın quatty küş.
Sondyqtan sol küştı adamdar arasyndaǧy dostyq pen yntymaqqa jäne memleketımızdıŋ damuyna jūmsauymyz qajet. Al özara kelısım men jarasymdylyqqa İslam dınınıŋ qosar ülesı ölşeusız.
Alla Taǧala Qasiettı Qūranda «Maida» süresınıŋ 2-aiatynda adamzat balasyna «Izgı ısterge, taqualyqqa kömektesıŋder. Künä jasauǧa, dūşpandyqqa järdemşı bolmaŋdar…» dep būiyrǧan.
Bız halyqtardy bırlıkke, ızgılıkke, qaiyrymdylyqqa şaqyruda dıni tūlǧalardyŋ airyqşa rölın eskerıp, imamdardyŋ äleuetın, qabıletı men täjıribesın arttyruǧa basa nazar audaryp kelemız.
Elbasy jyl saiynǧy Joldaularynda halqymyzdyŋ ruhani ömırıne, mäselen, otbasy qūndylyǧyn arttyru, jat aǧymnan alys bolu, bırlıktı saqtau, qaiyrymdylyq jasau, meiırımdı bolyp, keşırım jolyn ūstanu sekıldı sauapty amaldarǧa da män beredı.
Prezidentımız jahandyq jäne ışkı syn-qaterlerge jauap beretın, sonymen qatar jaŋa tarihi jaǧdailarda ūltymyzdyŋ damyǧan memleketterdıŋ otyzdyǧyna kıru jönındegı «100 naqty qadam» josparyn jariialady. Būl baǧdarlama kürdelı kezeŋnen senımdı ötuge jaǧdai tuǧyzatyn bolady. Osy qūjatta äleumettık kömek, sapaly bılım beru, sapaly medisinalyq kömek syndy halyqqa qajettı memlekettık qoldaular aityldy. Sapaly bılım alǧan, denı sau adam eldıŋ igılıgı men örkendeuıne köbırek üles qosatyny dausyz.
Osy tūrǧyda Elbasymyzdyŋ bastamasyn qoldau maqsatynda müftiiat tarapynan imamdardyŋ dıni jäne zaiyrlylyq sauattylyǧyn arttyruǧa basa män berılude. Qazırgı taŋda köptegen imamdarymyz dıni bılımderımen qosa zaiyrlylyq bılım aluǧa köptep talpynys bıldırude. Halqymyzǧa sapaly qyzmet körsetu – imamdarymyzdyŋ basty mındetı.
Memleket basşylyǧy eşqaşan jetı ret ölşep, bır ret kespei şeşım qabyldamaidy. Basşyǧa baǧynu – kämıl mūsylmannyŋ bır paryzy, al basşylyq qaşanda halyqtyŋ igılıgıne jaraityn şeşımder qabyldaidy. Sondyqtan qazırgı taŋdaǧy qoǧam ışınde tuyndap jatqan türlı mäselelerge keŋ tüsınıstıkpen qarap, el ışınde tynyştyqty, auyzbırlıktı saqtap ūiymşyldyqqa ūiytqy boluǧa üles qosu, ärbır mūsylmannyŋ mındetı bolyp tabylady.
Qazırgı künı bızdıŋ qoǧamymyzda jer mäselesıne qatysty jūrtşylyq tarapynan tuyndaǧan alaŋdauşylyqtarǧa bailanysty Jer kodeksınıŋ jekelegen baptaryna Elbasymyz moratorii jariialaǧandyǧy düiım jūrtqa mälım. Sondyqtan jer mäselesın Prezident aitqandai aqylǧa salyp, qoǧamdyq talqydan ötkızıp oŋtaily şeşım jolyn ūsynuymyz qajet.
Ärbır adamnyŋ jany, ömırı özıne amanat bolsa, bügıngı adamzat qoǧamyn tūtas qalypta, dūrys baǧytta ūstap tūru da – barşaǧa amanat ekendıgın ūmytpaiyq. Qazaq elınıŋ ışkı tūtastyǧy men qauıpsızdıgın, tynyştyǧyn saqtauda qūldai eŋbek etıp, közımızdıŋ qaraşyǧyndai qorǧauymyz – azamattyq paryzymyz häm mūsylmandyq mındetımız.
Bızdıŋ negızgı baǧytymyz – dıni, ruhani sala bolǧandyqtan, elımızdıŋ ruhani damuy jolynda eŋbek etıp kelemız. Öitkenı, halyqtyŋ imany men ruhaniiaty artsa, elımız de örkendeidı.
Beibıt zamandy basty bailyǧy sanaǧan halqymyz qaşanda tatulyqty tūǧyryna ainaldyrǧan.
Tarihtan belgılı, halyqtyŋ bolaşaǧyn oilaǧan dın qairatkerlerı de tatulyq pen bırlıktı basty baǧdar etken. Halyqtar bırlıgı – bärınen qymbat qazyna dep sanaǧan.
Ardaqty paiǧambarymyz Mūhammed (Allanyŋ oǧan salauaty men sälemı bolsyn) mūsylmandyqtyŋ ırgetasyn bırlıkpen bekıtken. Alla Elşısınıŋ taipalar men rulardy bır maqsatqa bırıktıruı – kez kelgen basşyǧa basqaru ısınde ülken baǧdar bolary haq.
Halqymyzda «Bailyq – bailyq emes, bırlık – bailyq» degen qanatty söz bar. Alla Taǧala barşa adamǧa Qūran kärımde Hujurat süresınıŋ 10-aiatynda «Şyn mänınde, mümkınde aǧaiyndar. Sondyqtan da aǧaiyn arasyn tüzetıŋder…» dep būiyrǧan.
Ärbır parasatty pende älemdegı qarjylyq daǧdarys pen adamdar arasyndaǧy ädıletsızdık, otbasylyq küireu, äleumettık keleŋsızdıkter sekıldı mäseleden qūtyludyŋ bır ǧana jolyn tüsındı. Ol – ruhani qūndylyqtardy bırınşı orynǧa şyǧaru.
Bügınde qoǧam dınnıŋ adamgerşılık qūndylyqtaryna mūqtaj. Al osyndai ruhani küizelıs sätterınde dın, ziialy qauym ökılderınıŋ belsendı jūmystaryna ümıt artylady. Qamyqqanǧa qamqor bolu – ol da parasatty adamnyŋ asyl paryzy emes pe? Endeşe, ızgı ısterde bır-bırımızge kömekşı bolaiyq, bauyrlar!
Alla Elşısınıŋ: «Bergen qol alǧan qoldan joǧary» degen ösietın negızge ala otyryp, ärdaiym memleketımızden qol jaiyp sūrai bermei, bız memleketımızge ne bere aldyq, Otan üşın ne ıstedık degen sūraqtar ärbır mūsylmandy mazalauy qajet.
Elımızdegı ärbır käsıp nemese mamandyq iesı öz salasy boiynşa eŋ sapaly türde qyzmet eter bolsa Elbasymyz meje etıp körsetken damyǧan otyz eldıŋ qataryna enuımızdıŋ auyly alys emes ekendıgı – barşamyzǧa belgılı jait.
Alla Taǧala halqymyzǧa baq-bereke bergei. Jer betınde tynyştyq ornap, qaşanda tatu ǧūmyr keşudı näsıp etkei. Täuelsızdıgımızdıŋ tūǧyry biık, mūsylmandyq mūratymyz asyl, dūǧamyz qabyl bolǧai! Ämin!
Erjan qajy MALǦAJYŪLY,
Qazaqstan mūsylmandary dıni basqarmasynyŋ töraǧasy, Bas müfti
