«Astana aqşamy» gazetı jyldaǧy dästürımen biyl da «Bızdıŋ el osyndai» atty şyǧarmaşylyq baiqauyn jariialaǧan edı. Kütkenımızdei baiqauǧa elımızdıŋ tüpkır-tüpkırınen mektep oquşylary belsendı qatysty. Redaksiia qorjynyna köptegen şyǧarmalar tüstı. Solardyŋ arasynan üzdık degen maqalalardy mereke qarsaŋynda jariialaudy jön kördık.
Täuelsızdık jaily jürekjardy jazbalaryn ūsynǧan barlyq oquşylarǧa alǧysymyzdy bıldırıp, basqa maqalalar gazettıŋ kelesı sanynda jaryq köredı.
AZAT ELDIŊ ASTANASY
Bız – egemen, täuelsız, derbes eldıŋ ūlanymyz.
Bızdıŋ eldıŋ memlekettık tuy, eltaŋbasy jäne änūrany bar. Jer betındegı keibır ūlttar men halyqtardy özderınıŋ töl rämızderı joq ekenın bılgenımde özımnıŋ tuǧan Otanym bar ekenıne quanamyn, maqtanamyn. Söitem de, Qazaq elınıŋ kök bairaǧy ärqaşan biıkten jelbırep tūruyn, halqymyzdyŋ baqytty ömır süruın tıleimın.
Men elordamyz Astanada tuǧanmyn. Qazır qaladaǧy №54 mektep-liseide 11-synypta oqimyn. Aldaǧy jyly altyn ūiamen qoştasamyz.
Menıŋ oiymşa, Astana – täuelsız elımızdıŋ simvoly. Būl qala – azat elımızdıŋ Astanasy. Sondyqtan bükıl älemde Qazaqstandy, qazaq halqyn Astana arqyly bıledı.
Täuelsızdık künı – būl bızdıŋ elımızdıŋ eŋ qasiettı merekesı. Biyl Qazaqstan halqy el täuelsızdıgınıŋ 27 jyldyǧyn atap ötedı. Osy jyldarda elımız äleumettık-ekonomikalyq, mädeni-ruhani jaǧynan biık belesterge köterıldı. Mäselen, bız bügın ädemı, säulettı mektepte oqimyz. Oquşylardyŋ jaqsy bılım aluy üşın öte jaqsy jaǧdai jasalǧan. Sondai elordamyzda halyqaralyq standartqa sai köptegen joǧary oqu oryndary bar. Men solardyŋ bırı – L.N.Gumilev atyndaǧy Euraziia ūlttyq universitetıne oquǧa tüsudı maqsat etıp otyrmyn. Turizm mamandyǧyn igergım keledı.
İä, men üşın Astana älemdegı eŋ ädemı qala bolyp sanalady. Biyl 20 jyldyǧyn atap ötken bas qalamyzda bügınde 1 millionnan asa adam tūrady. Iаǧni, elordamyzdyŋ kün ötken saiyn säuletı men däuletı ösıp kele jatyr.
Qazaqstan Respublikasynyŋ Täuelsızdık merekesı barşa qazaqstandyqtar üşın eŋ basty mereke boluy kerek. Öitkenı täuelsızdıkten azat boludan artyq baqyt joq dep oilaimyn. Qazaq elınıŋ baǧy arta bersın dep tıleimın.
Dilnaz BOLATQYZY,
№54 mektep-lisei oquşysy
Astana qalasy
TÜLEI BER, TÜRKISTANYM!
Täuelsızdıktıŋ jetıstıkterıne eŋ aldymen Türkıstan jūrtşylyǧy quandy dep oilaimyn. Öitkenı soŋǧy jyldaǧy eŋ ülken jaŋalyqtyŋ bırı – Türkıstan qalasy oblys ortalyǧy boldy.
Būryn alysta qalǧan şaǧyn ǧana qalaşyq siiaqty körıngen qalaǧa eşkım aitarlyqtai köŋıl bölmeitındei körınetın maǧan. Qalamyzda älemge äigılı Q.A.Iаsaui kesenesı bolǧandyqtan ǧana az-kem turister kelıp ketetın. Sonda basqa jaqtan kelgen adamdardy körudıŋ özı bızge ülken quanyş edı.
Täuelsızdıkke deiın menıŋ tuǧan qalamdy aitpaǧanda respublikamyzdyŋ özınde köptegen qiyndyqtar boldy. Jappai jūmyssyzdyq, bala baqşalardyŋ jabyluy, ailyqtyŋ uaqtyly berılmeuı siiaqty qiyndyqtardan mekteptegı mūǧalımderdıŋ özderı ala sömke arqalap kettı emes pe? Anamnyŋ aituynşa, özıne ūstazdyq etken, nemıs, orys tılın jetık meŋgergen, el tarihyn jatqa bıletın, matematikany jaŋǧaqşa şaǧatyn, surettı keremet salatyn nebır pän mūǧalımderı anama sabaq berıp jürgende bırınen keiın bırı jūmystan bosaǧan kezeŋder boldy deidı. Menıŋ anam da oquşy kezınde suret saluǧa öte jaqyn bolǧan eken. Esımde deidı, anaşym, mekteparalyq olimpiada jarystarynda natiurmort, peizaj, portret salyp alǧaşqy oryndardan körınıp, bala jüregım erekşe şabyttanyp jürgende, osy olimpiadalarǧa jetektep aparyp jürgen suret pänı mūǧalımı Erkebūlan Şoraev qolyn bır-aq sıltep jūmystan ketıp qalypty. Suretke qūştar qyz köpke deiın mūǧalımnıŋ oraluyn kütıptı. Anaşymnyŋ äŋgımesın ūiyp tyŋdap otyrǧan men mūny estıp selk ete qaldym. Közım jasqa toldy, anamnyŋ bala armany bır sätte byt-şyt bolǧan eken-au…
– Nege? Ne boldy aǧaiyŋyzǧa? – dep qaitalap sūrai berdım men.
– Mektepte ailyq bermei qoiypty, otbasyn asyrau üşın saudaǧa ketıptı…
– Sızdıŋ suretterıŋız şe?
– Menıŋ suretterım jaiyna qaldy…
– Estelıkke de qalmady ma?
– Joq, bärın jylap tūryp, kontromarkaǧa örtedım…
Osy köŋılsız estelıkten keiın bügınde oilap qarasam, bızdıŋ balalyq şaǧymyz baqytty eken ǧoi. Tek oquyŋdy üzdık oqysaŋ, ūnatqan ısıŋmen ainalysuǧa barlyq mümkındık jasalǧan. Tıptı, sen olimpiadada joǧary orynnan körınıp jatsaŋ, mūǧalımnıŋ de mereiı artady. Bırde teledidardan körıp qalǧanym bar, öz pänın aǧylşyn tılınde ötse, ol mūǧalımnıŋ jalaqysy da köterıledı eken. Mektebımızde oquşyny yntalandyratyn, ruhyn köteretın qanşama şaralar ötedı.
Bügınde oblys atanyp jatqan Türkıstan qalasyna qonaq bolyp kelseŋız, köp özgerıstı baiqaisyz. Mektep, balabaqşalar jūmys ıstep tūr, eŋ ülken universitetımızben maqtana alamyz. Qazaq-türık universitetınde bılım alyp jatqan aǧa-äpkelerımızge keremet jaǧdaidyŋ jasalǧanyn, olardyŋ şetelde oqyp kelulerıne bolatynyn estıp osy oqu ornyna tüsudı armandaimyn. Respublikalyq, oblystyq ülken şaralar osy universitettıŋ Mädeniet saraiynda ötedı eken. Oǧan türlı memleketterden, basqa qalalardan qonaqtar, qatysuşylar keledı. Sondyqtan qalada künde tazalyq, jazda gül egu jūmystary belsendı jürgızılude. Al qalamyzda salynǧan «Türkı baǧy» bügınde barlyq jastardyŋ, mektep oquşylarynyŋ suretke tüsetın, maqtanatyn eŋ ädemı ornyna ainalǧan. Ata-anamnyŋ aituynşa, mūndai jaqsy ıs Täuelsızdık jyldarynan bolyp jatyr. Sonymen qatar köp zauyttar ıske qosylǧaly jatyr. Ainalada ädemı ǧimarattar salynuda. Tynym tappai jasaǧan eŋbektıŋ arqasynda Türkıstan qalasyn bükıl el tanuda. Mūndaǧy halyq ta Täuelsızdık merekesıne erekşe daiyndaluda. Osy ūly mereke ötpei, qalamyzdyŋ eş jerınde jaŋa jyl şyrşasy qūrylmaidy. Esesıne qalada Täuelsızdık merekesın bıldıretın ülken ädemı bilbordtar ılınude, daiyndyqtar jürgızılude. Qysqaşa aitqanda, qalamyz köz aldymyzda körkeiıp keledı.
Osynyŋ barlyǧyna säuletşıler men oiy körkem suretşılerdıŋ qosqan ülesı zor. Ätteŋ, solardyŋ arasynda menıŋ de armanda qalǧan anamnyŋ äsem bır tuyndysy tūrar edı…
Aqjünıs QASYMHAN,
№6 M.Mämetova atyndaǧy
mekteptıŋ 9-synyp oquşysy
Türkıstan qalasy
ERKIN ELDIŊ ERTEŊI – BIZ
Täuelsızdık – qazaq halqynyŋ eŋ basty qūndylyǧy. Bız Qazaqstannyŋ bolaşaq jastary täuelsızdıktıŋ qadırın bıluge tiıspız.
Öz basym täuelsızdıkten keiın tuylǧan buynnyŋ ökılı bola tūra, būl egemendıktıŋ qandai jolmen kelgenın jaqsy bılemın. Qazaq halqy üşın täuelsızdık aspannan tüsken syi emes edı. Halqymyz bostandyqty aŋsap, täuelsızdıkke zaryǧyp jettı. Täuelsızdık jolynda elımız az qiynşylyq körgen joq. Täuelsızdık – ata-babalarymyzdyŋ ejelden aŋsaǧan armany. Halqymyzdyŋ bostandyqqa ūmtylysynyŋ jäne öşpes qaisar ruhynyŋ arqasynda täuelsızdıkke qol jetkızdık. Eldıŋ bırtūtastyǧy men tynyştyǧyn saqtauǧa han-sūltandar, batyrlar, qarapaiym halyqtyŋ özı de jandaryn pida etken. Täuelsızdık degen ūly jeŋıske qol jetkızude älı de jaŋǧyryp tūrǧan keşegı Jeltoqsannyŋ da septıgı az bolǧan joq. Student jastardyŋ köşege şyǧyp, qarsylyq bıldıruı, egemendık üşın zardap şeguge daiyn ekendıgın körsete bıluı barşa halyqqa senım men jıger bergen bolatyn.
Qazaq handyǧy qūrylǧannan osy egemendıkke jetkenge deiıngı aralyqta mūqtajdyq pen joqşylyqty, quanyş pen qiyndyqty halqymyz basynan ötkızdı.
Qazaqstan – bütın qazaq halqynyŋ atamekenı, kındık qany tamǧan kielı jerı. Ol – menıŋ elım! Täŋırı jer qaiysar mal berıp, asty-üstı bailyqqa tūnyp tūrǧan osyndai ölkenı būiyrtqan halqymyzdyŋ da armany joq bolar. Qazaqstan täuelsız memleket retınde, dünie jüzındegı barlyq elderge tügel derlık tanyldy. Täuelsızdık – ūlttyq tıldıŋ, dästürdıŋ, salt-sananyŋ myzǧymas tıregı, küşı, altyn dıŋgegı, halyqtyŋ baq jūldyzy. Elım menıŋ! Onyŋ jūpar atqan jusany, onyŋ keudeŋe qūiylǧan möldır auasy, jotaǧa örlegen jalǧyz aq joldary, osynyŋ bärı – tuǧan eldıŋ bır bölşegı.
Zaman köşıne derbes el bolyp qosylǧan sätten bastap elımızdıŋ aldynda köptegen maqsattar men mındetter tūrdy. Qazaq elı būl maqsattarǧa jetu jolyn el bolyp oilasty. Bügıngı taŋda Qazaqstan – Täuelsız el. Babalarymyzdyŋ sara jolynan ötken san qily tarihy bar qazaq elı qazır özge memlekettermen terezesı teŋ. Arailap aq taŋymyzdyŋ eş uaiymsyz atuy – Elbasymyzdyŋ arqasy. Ata zaŋymyzdyŋ qabyldanyp, tılımızdıŋ qanaty erkın samǧauy, ūlttyq teŋgemızdıŋ de ainalysqa enuı de – Elbasymyzdyŋ qajyrly, tynymsyz eŋbegı.
Bız elımızdıŋ bır kırpışı bolyp qalanyp, azattyq taŋynyŋ öşpeuıne septıgımızdı tigıze otyryp, elımızdıŋ qorǧany bolsaq dep armandaimyn. Täuelsız elım, men senıŋ bır perzentıŋmın! Menıŋ jüregım özıŋ dep soǧady. Özıŋ dep jyrlaidy. Men özıŋnıŋ kögıldır aspanyŋda biık şyŋdarǧa samǧaityn bolamyn. Men HHI ǧasyrdyŋ bılımdı ūrpaǧy retınde osyndai baqytty elde tūratynymdy baǧalap, ärqaşan elımnıŋ damuyna zor üles qosamyn dep söz beremın.
Aqjünıs QŪRMANǦALİEVA,
Abai atyndaǧy mekteptıŋ
10-synyp oquşysy Saryköl auyly
Jaŋaqala audany
Batys Qazaqstan oblysy
