Ötken jyly Astana qalasynda jantürşıgerlık oqiǧa tırkeldı. 24 jastaǧy boijetken özınıŋ student qūrbysyn aiausyz pyşaqtap, denesın kılemge orap, joǧary qabatqa süirei otyryp, samaldyqqa şyǧaryp tastaǧany köpşılıktıŋ älı künge deiın esınde. Oqiǧa qalai boldy? Tergeu jūmystary qanşa uaqytqa sozyldy? Sot qylmyskerge qandai ükım şyǧardy? Astana qalasynyŋ Qylmystyq ıster jönındegı mamandandyrylǧan audanaralyq sotynyŋ kömegımen osy oqiǧanyŋ jai-japsaryn baiandamaqpyz. Belgılı sebepterge bailanysty adam attary özgertılıp berıldı.
QYZǦANYŞ DEGEN QYZYL İT…
Dinara qaladaǧy bedeldı joǧary oqu ornynyŋ studentı edı. Sabaǧyn öte jaqsy oqydy. Oqu ordasynyŋ basşylyǧy qoǧamdyq jūmystarǧa belsendı qatysqanyn aitsa, qūrbylary ainalasyndaǧy jandarǧa ünemı qamqorlyq tanytatynyn alǧa tartady. Alaida marqūm osy mınezınıŋ özıne ziian tietının bılmedı. Bıraq būl ömırde qasynda jürgen jannyŋ qatygez bolatynyn, tıptı, qyzǧanyştan öltıre salatynyn bılıp kettı…
Puşkin köşesınde ornalasqan Dinaranyŋ üiınde tört qyz bırge tūrdy. Ärine, qalada päterı joq qūrbylary ai saiyn päteraqysyn berıp tūruǧa kelısedı.
Qandy oqiǧa bolǧan künı üide Dinara men Qalima ǧana bolǧan. As üide otyrǧan ekeuı kenet sözge kelıp, bır-bırıne renjısıp qalady. Osy kezde Qalimanyŋ basyna qaidaǧy bır oi keledı. Bas arazdyǧy üşın päter iesın öltırudı oilaidy. Onyŋ köilegı kök, tamaǧy toq ekenın köre almaityn. Söitıp, qolyndaǧy şyny ydyspen Dinaranyŋ maŋdai tūsynan bır ūrady. Qūrbysynan mūny kütpegen ol sorǧalap aqqan qandy sürtu üşın tartpany aşyp, mailyq almaqşy bolyp eŋkeie bergende, temır balǧanyŋ üşkır qyry basyna kep tiedı. İä, Qalimanyŋ ekı közı qantalap ketken. Qorqynyşty. Ömırıne qauıp töngenın sezgen Dinara qonaq bölmege qarai qaşady. Sol kezde Qalima qolyna pyşaq alyp, soŋynan quady. Tek tırıdei qinap, öltırudı oilaidy. Aqyry, qolyndaǧy pyşaqpen denesınen bır emes, 27 ret soqqy jasaidy. Işkı organdary tügel zaqymdanǧan Dinara oqiǧa ornynda köz jūmdy.
TERGEU QALAI JÜRGIZILDI?
Tergeu barysynda qylmysyn jasyru üşın Qalimanyŋ artynşa päterdı juyp-tazalaǧany belgılı boldy. Qara tüstı pyşaqty, qyzyl qanǧa boialǧan körpe-tösektı, basqa da zattardy köşedegı qoqys jäşıkterıne aparyp tastaǧan. Al jäbırlenuşınıŋ mäiıtın kılemge orap, sol üidıŋ 15-qabatyndaǧy dälızden baspaldaqqa qarai ötetın balkonǧa süirep aparyp, jasyryp qoiǧan. Päterge qaita oralǧan qylmysker qaza bolǧan Dinaranyŋ qūny 45 000 teŋge tūratyn paltosyn, 25 000 teŋge tūratyn etıgın, 180 000 teŋge tūratyn «Aifon 5S» markaly ūialy telefonyn jäne 600 000 teŋge aqşasyn jymqyryp, oqiǧa bolǧan jerden boi tasalap ketken.
Al kelesı künı jūmystan qaitqan ekı qūrbysy üige kelgende Qalimanyŋ da, Dinaranyŋ da joq ekendıgın köredı. Olar qonaq bölmedegı töseulı tūrǧan kılemnıŋ joǧalyp ketkendıgın, sonymen qatar as üi bölmesınen şyny synyqtaryn baiqaidy.
Jedel jürgızılgen tergeu kezınde Qalima qūryqtalady. Onyŋ üige kırıp-şyqqan uaqyty, bärı beinebaqylauǧa jazylyp qalǧan. Aiǧaq zattar da jetkılıktı. Tıptı, jauap alu kezınde marqūm Dinaranyŋ paltosyn kiıp alǧanyn körgen qūrbylary jaǧasyn ūstady. Al sot saraptamasy marqūmdy tırıdei qinap, azaptaǧanyn däleldedı. Aqyry qylmysyn moiyndap, polisiia qyzmetkerlerıne bar şyndyqty baiandap beruge tura keldı.
«Jap-jas qyzdyŋ oiyna mūnşama qatygezdık qaidan kelgen? Jüike auruymen auyrmaǧan ba?» degen saualdyŋ jauabyn sarapşy mamandar tekserdı. Psiholog mamannyŋ qatysuymen ötkızılgen sot-psihiatriialyq saraptamasy onyŋ būryn-soŋdy qandai da bır jüike auruymen auyrmaǧandyǧyn, qylmys jasau kezınde özınıŋ ıs-äreketın basqaryp, jauap bere alǧandyǧyn jäne qylmys jasaǧan kezde fiziologiialyq affekt jaǧdaiynda bolmaǧandyǧyn anyqtaǧan.
SOT ÜKIMI
Sottyŋ ükımı boiynşa Qalima asa qatygezdikpen adam öltirgenı jäne bötennıŋ mülkın ūrlaǧany üşın 16 jyl merzımge bas bostandyǧynan aiyryldy. Alaida qylmysker sot ükımıne kelıspei, apelliasiialyq şaǧym tüsırdı. Astana qalasynyŋ Qylmystyq ıster jönındegı mamandandyrylǧan audanaralyq sotynyŋ 2016 jylǧy 2 aqpandaǧy Qalimaǧa qatysty ükımı özgerıssız qaldyryldy.
Gülmira AIMAǦANBET
