Täuelsızdıktıŋ 25 jyldyǧyna orai Astana qalasynyŋ №1 qalalyq auruhanasynda sporttyŋ 10 türınen spartakiada öttı. Atalǧan jarysta jüldelı oryn alǧan azamattardy auruhananyŋ bas därıgerı Marat Äbduov pen Olimpiada chempiony Daniiar Eleusınov marapattady.
Jyl saiyn qaladaǧy medisina qyzmetkerlerınıŋ arasynda spartakiada ötedı. Marat Äbduovtyŋ aituynşa, därıgerler halyqtyŋ ǧana emes, sonymen qatar özınıŋ densaulyǧyn da jaqsylap küte bıluı kerek. Al densaulyqty jaqsylap kütudıŋ bırden-bır joly dene jattyǧularymen ainalysu bolyp sanalady.
– Biylǧy spartakiadanyŋ erekşelıgı Täuelsızdıktıŋ 25 jyldyǧymen orailasyp ötkızıldı. Qazaq elı osy şirek ǧasyrlyq tarihynda aiaǧynan nyq tūryp, aldyŋǧy qatarly älemnıŋ ozyq elderınıŋ qataryna qosyldy. Elımız ekonomikada ǧana emes, sondai-aq densaulyq saqtau salasynda da ırı jetıstıkterge jettı. Densaulyq demekşı, biylǧy Rio Olimpiadasy kezınde qazaqstandyq sportşylar joǧary nätijege qol jetkızdı. Solardyŋ bırı – bokstan Olimpiada chempiony bolǧan Daniiar Eleusınov ortamyzda otyr. Ol sızderdı qūttyqtauǧa arnaiy keldı, – dedı Marat Äbduov.
Öz sözınde Daniiar Eleusınov medisina qyzmetkerlerın Täuelsızdıktıŋ 25 jyldyǧymen qūttyqtap, olardyŋ otbasyna bereke, bırlık tıledı. Sondai-aq, Olimpiada chempiony spartakiadada top jarǧan medisina qyzmetkerlerın qūttyqtady.
Serık QŪDAIBERGENŪLY
