Zılzaladan 16 adam zardap şektı
Japoniianyŋ Hokkaido aralynda magnitudasy 6,7-ge teŋ zılzala bolyp, qaza bolǧandar sany 16 adamǧa jettı. Būǧan qosa 300-den astam tūrǧyn türlı deŋgeide jaraqat alsa, jergılıktı qūtqaru organdary 26 adamnyŋ ız-tüzsız joǧalyp ketkenın habarlady.
NTV (Nihon Television Network) telekompaniiasy tabiǧi apattyŋ episentrı İbura audanynda, oşaǧy 37 şaqyrym tereŋdıkte ornalasqanyn jetkızdı. Al Asuma eldı mekenınde jer sılkınısınıŋ küşı 7 balǧa deiın jetkenı anyqtaldy. Sonymen qatar apat kezınde bırneşe märte sel bolypty.
Hokaido jerınde elektr jüiesı ısten şyǧyp, üş millionǧa juyq üi jaryqsyz qaldy. Aimaqta jaryq jüiesın qalpyna keltıru üşın bır aptadai uaqyt ketpek. Sol siiaqty aralda jaŋadan aşylǧan aeroport ta uaqytşa jūmys ıstemei tūr.
Qazırgı uaqytta apat ornynda 20 myŋnan astam adam qūtqaru jūmystaryna jūmyldyryldy.
Qūpiia zirat tabyldy
Meksikanyŋ Verakrus ştatynyŋ prokurory Horhe Uinkler ötken beisenbı künı jasyryn türde kömılgen 166 adamnyŋ bas süiegı tabylǧanyn mälımdedı.
Prokurordyŋ aituynşa, būl mälımet belgısız bıreuler arqyly jetken. Osydan keiın jergılıktı bilık ştat aumaǧynda tekserıs jūmystaryn jürgızıp, qūpiia zirattyŋ ornyn anyqtaǧan.
– Bas-aiaǧy 32 orynda ızdeu jūmystary jürgızıldı. Nätijesınde, tabylǧan bas süiekterge qarap, 166 adamnyŋ kömılgenın anyqtaldy, – dep habarlady Uinkler baspasöz mäslihatynda.
Būdan bölek, 200-ge juyq kiım, 114 adamnyŋ jeke qūjaty, sondai-aq bırneşe zat tabyldy. Sarapşylardyŋ mälımetı boiynşa, 166 adam kem degende ekı jyl būryn kömılgen eken.
Bır aitarlyǧy, mūndai jait Meksikada jaŋalyq emes körınedı. Osyǧan deiın jasyryn zirattar Halisko, Gerrero, Morelos ştattarynan da tabylypty.
Toyota 1 mln kölıktı qaitarady
Toyota avtokompaniiasy ört şyǧu qaupı bar kölıkterdı kerı qaitarmaq. CNN basylymy älem boiynşa aqauly avtomobilderdıŋ 1 million danasy taralyp ülgergenın habarlady.
Oǧan 2015-2018 jyldary şyqqan Prius jäne C-HR SUV markaly kölıkter engen. Būl maşinalardyŋ basym bölıgı Japoniiada taralsa, 200 myŋy AQŞ-ta, al qalǧany Europa men özge de memleketterde satylypty.
Kompaniia ökılderınıŋ mälımdeuınşe, aqau avtokölık quatyn basqaratyn blokpen bailanysty symdarda körınedı. Sebebı symdarda jylu körsetkışı artatyn bolsa, maşina örtke oranuy mümkın.
Būl Toyota kompaniiasynda alǧaş kezdesıp otyrǧan problema emes, 2016 jyly tejegıştegı aqaularǧa bailanysty 1,7 mln avtomobildı kerı qaitaryp alǧan eken.
Aian ÄBDUÄLİ
