Ūlybritaniia Euroodaqtan şyǧa ma?
Ūlybritaniia ükımetı Europa Odaǧynan şyǧu turaly kelısımdı qabyldady. BBC basylymynyŋ habarlauynşa, mūndai şeşımdı el premerı Tereza Mei ministrler kabinetınde ötken pıkırtalastan keiın mälım ettı.
«Ministrler kabinetı euroodaqtan şyǧu turaly kelısımdı qoldaidy» dedı Ūlybritaniianyŋ premer-ministrı. Al Tereza Meidıŋ būl mälımetımen kelıspegen bırneşe ministr öz erkımen otstavkaǧa kettı.
«Būl – memlekettıŋ alǧa qadam basuyna septıgın tigızer nyq qadamdardyŋ bırı. Mūndai lauazymdy qyzmettıŋ özındık jauapkerşılıgı de joǧary. Menıŋ közqarasym men şarttarym eŋ bırınşı kezekte ūlt mäselesıne baǧyttalady» dedı Tereza Mei.
Saud Arabiiasyna sanksiia salyndy
Jurnalist Djamal Haşukdjidıŋ jūmbaq ölımınen keiın AQŞ Saud Arabiiasyna sanksiia saludy qolǧa aldy. Reuters basylymynyŋ mälımetınşe, ol qaru-jaraq salasyna qatysty bolmaq.
Endı Amerika tarapy qaru satu ısın uaqytşa toqtata tūrmaq. Sol siiaqty qandy ıske qatysy bar 17 adamǧa da arnaiy jaza qoldanylady. Olardyŋ qatarynda mūrager hanzadanyŋ keŋesşısı Saud al-Kahtani, onyŋ kömekşısı Maher Mutreb, sondai-aq Saud Arabiiasynyŋ Türkiiadaǧy bas konsuly bar.
Osyǧan deiın saudiialyq bas prokuratura Haşukdjidıŋ ısı boiynşa 21 küdıktı baryn, onyŋ 11-ıne aiyp taǧylǧanyn, al 5 adamǧa ölım jazasy kesıluı mümkın ekenın habarlaǧan.
Turister üşın qauıpsız el
Terrorlyq şabuyl, tabiǧi apattar sekıldı adam densaulyǧyna qauıptı mäseleler boiynşa turister üşın qauıpsız elderdıŋ tızımı jasaldy.
Saiahatşylar üşın eŋ qauıpsız elderdıŋ arasynda İslandiia köş bastap tūr. International SOS ūiymynyŋ mälımetınşe, būl memlekette qylmystyŋ deŋgeiı öte tömen, soŋǧy 18 jylda 36 adam, iaǧni jylyna orta eseppen ekı adam ǧana qylmyskerlerdıŋ qolynan qaza bolǧan. Sol siiaqty būl tızımge BAÄ, Singapur, İspaniia, Avstraliia, Kanada jäne Japoniia elderı endı.
Al turister üşın eŋ qauıptı elderdıŋ arasyna Oŋtüstık Afrika, Türkiia, Tailand, Ündıstan jäne Meksika alda tūr.
