Memleket basşysynyŋ tıkelei bastamasymen qolǧa alynǧan «Sifrlyq Qazaqstan» baǧdarlamasynyŋ bır baǧyty – elektrondyq sauda. Al būl öz kezegınde elımızdıŋ küllı ekonomikasynyŋ qozǧauşy küşıne ainala alady. Osy negızde Ükımet qaulysymen ırgelı reformalar bastalyp, olardyŋ jalǧasyn tauyp jatqanyna da kuämız. Aitalyq, 2017 jyly qazaqstandyq e-commerce naryǧynyŋ kölemı 106,9 mlrd teŋgenı nemese bölşek sauda ainalymynyŋ jalpy kölemınıŋ 1,2 paiyzyn qūrady, būl 2016 jylǧy körsetkışten 36,2 paiyzǧa joǧary.
«Qazpoşta» AQ mälımetınşe, elektrondyq sauda naryǧynyŋ kölemı 2018 jyldyŋ 5 aiynda 101 mlrd teŋgenı nemese bölşek sauda ainalymynyŋ jalpy kölemınıŋ 2,9 paiyzyn qūrady (3,53 trln teŋge). Taǧy da aita keterlıgı, elımızde jyl basynan berı 110 jaŋa elektrondyq sauda subektısı tırkelgen. Naryqta 1658 internet-düken jūmys ısteidı, satyp aluşylar sany 5 paiyzǧa östı. Salada 71,6 myŋ qyzmetker jūmysqa ornalastyryldy.
Al jaqynda Qytai tauarlarynyŋ marketpleisı «Odnoklassniki» äleumettık jelısı arqyly Qazaqstan naryǧyna şyqty. Endı atalǧan äleumettık jelınıŋ elımızdegı 2,5 mln paidalanuşysy internet-dükennıŋ 30 mln-nan astam tauaryn taŋdap, tapsyrystyŋ tölemın teŋgemen jasai alady. Al tauardy qysqa merzımde jetkızıp beru qyzmetın «Qazpoşta» AQ qazırgı zamanǧy tehnologiialarynyŋ arqasynda moinyna alady.
OK internet-dükenı är türlı sanattaǧy tauardy taŋdauǧa, satyp aluǧa jäne poşta arqyly jetkızudı resımdeuge mümkındık beredı. E-commerce platformasynyŋ negızgı erekşelıgı – paidalanuşy kontentınıŋ integrasiiasy (UGC): satyp aluşylar tauarlardy beine jäne foto şolular arqyly qarap, baǧalai alady. Sondai-aq tauarlar turaly aqparatty dostarymen äleumettık jelılerge bölısıp, olardy jaqyndaryna ūsyna alady.
«Odnoklassniki» – öz platformasynda tolyqqandy marketpleistı ıske qosqan Reseidegı alǧaşqy äleumettık jelı. Ondaǧy internet-düken flash sales formatynda jūmys ısteidı, iaǧni eŋ tanymal tauarlardy jyldam satu, desktopty jäne mobildı nūsqany qosa alǧanda, barlyq platformalarda, OK mobildı qosymşalarynda qol jetımdı. Marketingte tauarlar sanaty boiynşa ızdeu jäne keŋeitılgen navigasiia bar.
Barlyq satyp alular tolyq qorǧalǧan. Tölem bank kartasymen OK akkauntyna bailanysty jasalady, eger tauar kelmese nemese onyŋ sapasy satyp aluşyǧa ūnamasa, äleumettık jelı aqşany qaitarady. Jetkızu bükıl Qazaqstan boiynşa tegın jäne «Qazpoşta» arqyly jüzege asyrylady. Sonymen qatar, tapsyrystan keiın üş saǧat ışınde satyp aluşy ony joia alady. İnternet-düken satyp aluǧa, qaitaruǧa, jetkızuge, tauardyŋ sapasyna bailanysty mäselelerdı şeşuge kömektesedı.
Anton Fedchin, «Odnoklassniki» äleumettık jelısınıŋ jetekşısı:
– Bızdıŋ Qazaqstan naryǧyna şyǧuymyz jäne «Qazpoştamen» integrasiia – äleumettık jelını damytu jolyndaǧy maŋyzdy jūmys. «Odnoklassniki» – Reseide ǧana emes, şet elderde de ırı äleumettık jelılerdıŋ bırı. Qazaqstan tūrǧyndary äleumettık jelı platformasynda satyp aludyŋ barlyq artyqşylyqtaryn bırınşı bolyp baǧalai alady. Mäselen, tauardy taŋdaudan bastap, tapsyrys ornalastyrǧanǧa deiın jäne OK şegınen şyqpai-aq tölem jasai alady. Düken bızdıŋ äleumettık tūǧyrnamamyzǧa tolyqqandy integrasiialanatyn bolady. Tauarlardy satyp aludan bölek, paidalanuşylar kontenttıŋ jaŋa türlerın jäne şolulardy qarap, olardy özderı qūryp, tauarlar turaly pıkırlermen bölıse alady.
