Astana qalasy mäslihatynyŋ zaŋdylyq, qūqyq tärtıbı jäne jūrtşylyqpen jūmys mäselelerı jönındegı tūraqty komissiiasynyŋ otyrysynda ekı mäsele qaraldy.
2011-2015 jyldarǧa arnalǧan Astana qalasyn damytu baǧdarlamasynyŋ qorytyndysy boiynşa Ekonomika jäne biudjettık josparlau basqarmasy basşysynyŋ orynbasary A.Tügelbaeva baiandama jasady. Al Astana qalasynyŋ 2015 jylǧa arnalǧan biudjetınıŋ oryndaluy turaly Qarjy basqarmasynyŋ basşysy R.Dosaev esep berdı. Astana qalasy Tekseru komissiiasynyŋ töraǧasy Ǧ.Moldaştyŋ baiandamasy talqylandy.
Astana qalasynyŋ Damu baǧdarlamasyn jüzege asyrudyŋ negızgı qorytyndysy jönınde aitqanda, osy merzımde ışkı ıster organdarynyŋ qylmysty 100 paiyzdyq tırkeuge qol jetkızu men qūqyq būzuşylyqqa «nöldık tözımdılık» qaǧidalaryn belsendı türde jüzege asyrylǧany aityldy. Būl öz tarapynan qalypty kriminogendık jaǧdaidy qamtamasyz etıp otyr. Qūqyq qorǧau organdary qyzmetkerlerın talapqa sai materialdy-tehnikalyq jabdyqtau boiynşa der kezınde bölıngen qarjylyq şyǧyndar qoǧam tynyştyǧy küzetşılerınıŋ qyzmetınıŋ tiımdılıgınde körınıs tapqanyn mälımdedı. Atap aitqanda, 2015 jyly qylmysty aşu ülesı 91 paiyzǧa, asa auyr qylmysty aşu 91,5 paiyzǧa, auyr dene jaraqatyn salu boiynşa 96,6 paiyzǧa jäne kölık ūrlau qylmysy 100 paiyzǧa aşylǧan. Esırtkı jäne esırtkı biznesıne qarsy auqymdy ıs tyndyrylǧan. Soŋǧy bes jylda 1,3 myŋ kelı esırtkı, al sonyŋ ışınde 61 kelı geroin tärkılenıp, zaŋsyz esırtkı saudasynyŋ 14 arnasyn joiyp jıbergen. Tūrǧyndar arasynda naşaqorlar sany 20 paiyzǧa tömendegen.
Tötenşe jaǧdailar departamentı öz baǧyty boiynşa aqparattyq-tüsındıru jūmystaryn, baqylau qyzmetın jolǧa qoiǧan. Sonyŋ nätijesınde tötenşe jaǧdailar oqiǧasy 26 paiyzǧa tömendep, onyŋ saldarynan keletın materialdyq şyǧyndar ekı esege kemıp, örtten qaza tapqandar sany da 13 paiyzǧa tömendegen. Osylaişa, bes jyldyq esebı qaralǧan basqarmalardyŋ azamattyq qorǧanys pen qoǧamdyq tärtıptı saqtau qyzmetterınıŋ tiımdılıgı artyp, elordanyŋ äleumettık-ekonomikalyq damuynyŋ tūraqtylyǧyna qol jetkızılıp otyr.
– Baǧdarlamada qarastyrylǧan şaralardyŋ ıske asyryluy äleumettık-ekonomikalyq damu deŋgeiı boiynşa aimaqtar arasynda Astananyŋ köşbasşy atanuyna mümkındık berdı, – dedı Ekonomika jäne biudjettık josparlau basqarmasy basşysynyŋ orynbasary A.Tügelbaeva.
Qalalyq mäslihattyŋ Biudjet, önerkäsıp jäne käsıpkerlık mäselelerı jönındegı tūraqty komissiia müşelerı bas qosqan jiynda da 2011-2015 jyldarǧa arnalǧan Astana qalasyn damytu baǧdarlamasynyŋ qorytyndysy talqylandy. Kün tärtıbıne qarai, deputattar Ekonomika jäne biudjettık josparlau basqarmasy basşysynyŋ orynbasary A.Tügelbaevanyŋ, Astana qalasynyŋ 2015 jylǧa arnalǧan biudjetınıŋ oryndaluy turaly Qarjy basqarmasynyŋ basşysy R.Dosaevtyŋ jäne Astana qalasy tekseru komissiiasynyŋ töraǧasy Ǧ.Moldaştyŋ baiandamasyn talqylady.
Eseptı kezeŋde elordanyŋ maŋyzdy salalary, atap aitqanda, maşina jasau önerkäsıbınıŋ damuy 21 mlrd teŋgeden 62 mlrd teŋgege, metallurgiia salasy 92 mlrd teŋgege, metaldy emes mineraldyq önımder kölemı 70 mlrd teŋgege deiın artqan.
«Astana innoveişn» AQ bazasynda innovasiiany damytu şeŋberınde Astana qalasyn älemnıŋ 50 aqyldy qalalary qataryna engızu tūrǧysynda bırqatar şaralar jüzege asyryluda. Qazırgı künde äleumettık-kölıktık qūrylymdardy basqaru jüiesın avtomattandyru esebınen Astana qalasy 21-şı orynda tūr. Elordada şaǧyn jäne orta biznes körsetkışterı ekı esege artty. Halyqtyŋ alpys paiyzdan astamy jeke käsıpkerlıkpen ainalysady. Käsıpkerlıktı damytu men qoldaudyŋ «Jol kartasy – 2020» baǧdarlamasy boiynşa 84,7 mlrd teŋge qūraityn 480 joba qarjylandyrylǧan. Ötken jyldyŋ özınde jastardy käsıpkerlıkke tartu maqsatynda «Astana –ZhasStarT» baǧdarlamasy ıske qosylyp, 177,8 mln teŋge qūraityn 11 joba maqūldandy.
Bes jyldyŋ kölemınde ekonomikaǧa 3,2 trillion teŋge investisiia qūiylǧan. Būl – 1997 jyldan berı tartylǧan barlyq kapitaldyŋ teŋ jartysy. Jyl saiyn kapital salymdary 1,5 esege artyp otyrdy. Memlekettık biudjet şyǧyndary 59 paiyzdan 30 paiyzǧa deiın qysqardy.
Ekonomikanyŋ jalpy qūldyrauy kezınde äkımdık bırneşe ekonomikalyq körsetkışter boiynşa ösımderge qol jetkızudı qamtamasyz ettı. Osy baǧdarlamany jüzege asyru elordaǧa aimaqtar boiynşa jetekşı orynǧa şyǧuǧa mümkındık berdı.
Aigül UAISOVA
