Erkın QASENOV, Qazaqstannyŋ eŋbek sıŋırgen qairatkerı: ORYS TEATRLARYNDA QAZAQ ŞYǦARMALARYNYŊ QOIYLUY – BÜGINGI KÜNNIŊ TALABY

Qazaqstandaǧy alǧaşqy teatrlardyŋ bırı, bır ǧasyrdan astam tarihy bar Astanadaǧy M. Gorkii atyndaǧy memlekettık akademiialyq orys drama teatry. Osynda 1943 jyly qazaq bölımı aşylyp, jūmys ıstedı. Sol jyldary Ǧ. Mūstafinnıŋ pesasy boiynşa «Jarys» qoiylymy, «Qozy Körpeş-Baian sūlu», «Aldar köse» spektaklderı sahnalanyp, akademik Tūrsynbek Käkışev bozbala şaǧynda osy teatrda azdaǧan uaqyt akter boldy. Täuelsızdıktıŋ eleŋ-alaŋynda būl sahnadan İ.Ǧaiyptyŋ «Şyŋǧys han», M.Äuezovtıŋ «Abai joly» roman-epopeiasynyŋ jelısımen sahna saŋlaǧy Ä.Mämbetov qoiǧan «Erte oiandym. Oilandym…», «Han Kene» qoiylymdary körermenderge jol tartty. Qazırgı künderı de teatr repertuarynda ūlttyq spektaklder bırşama kezdesedı. Gorkii atyndaǧy öner ūjymyna Qazaqstannyŋ eŋbek sıŋırgen qairatkerı Erkın Qasenovtıŋ basşylyq etıp kele jatqanyna biyl on jyl toldy. Ol osy qyzmetke kelgelı teatr akademiialyq ataqqa ie bolyp, Resei men TMD elderıne ǧana emes, Aziia men Europaǧa önerımen tanyldy. Teatr direktory-körkemdık jetekşısımen bız «qas sūludyŋ köz jasyndai möldır öner» (Ǧ. Müsırepov) turaly, Memleket basşysy Nūrsūltan Nazarbaev «Bolaşaqqa baǧdar: ruhani jaŋǧyru» baǧdarlamalyq maqalasynda atap körsetken mındetter jönınde sūhbattastyq.

SANAǦA SÄULE TÜSIRETIN ÖNER

– Erkın Tıleuǧazyūly, Elbasynyŋ «Bolaşaqqa baǧdar: ruhani jaŋǧyru» baǧdarlamalyq maqalasyn oqyp, kökeiıŋızge ne tüidıŋız? El üşın būl maqalanyŋ maŋyzy qandai dep oilaisyz?
– Qazaqstan Prezidentı Nūrsūltan Nazarbaev ūsynǧan baǧdarlamalardyŋ ışınde «Ruhani jaŋǧyrudyŋ» män-maŋyzy būrynǧylardan asyp ketpese, äste kem emes. Būl halyq jaŋa tynyspen bolaşaqqa qadam basu üşın jazylǧan, ūlttyq ruhty köteretın baǧdarlama.

Mūnyŋ alǧyşarty negızınen erterek jasalǧan. Olai bolmasa, Qazaq handyǧynyŋ 550 jyldyǧyn nege atap öttık? Mūnyŋ astarynda ülken saiasat, ülken ruhani küş jatyr. Iаǧni, halyqqa ruh beru, sol arqyly eldı küşeitu közdelude. Köptegen memlekettıŋ qoǧamdyq damu täjıribesı kez kelgen eldıŋ ūlylyǧy aumaǧynyŋ kölemımen, qazba bailyǧymen nemese qaruly küşterınıŋ quatymen ǧana emes, mädenietı, bılımı jäne halyqtyŋ şyǧarmaşylyqbelsendılıgımen aiqyndalatynyn körsettı. Mädeniet progrestıŋ qozǧauşy küşı, qoǧamdyq damudyŋ lokomotivı retınde qoǧamda jetekşı orynǧa şyqty. Tıl, mädeniettıŋ tūtastyǧy, sonyŋ ışınde teatr saiasi qyzyǧuşylyq pen saiasi jaǧdaidan tys halyqty bırıktıretın küşke ie.

– Endeşe, teatr önerınıŋ ruhani jaŋǧyru üderısındegı salmaǧy qandai? Onyŋ qoǧamymyzda alatyn rölıne toqtalsaŋyz.
– Biyl «EKSPO-2017» halyqaralyq mamandandyrylǧan körme aiasynda Astanada oblystardyŋ mädeni künderı ötıp jatqanyn bılesızder. Sonyŋ arqasynda bükıl aimaqtardyŋ teatrlary elordaǧa kelıp, qoiylymdaryn körsetıp jatyr. Būl spektaklder halyqqa tegın körsetılude. Körer­men de zaldardy toltyruda. Aldyn ala bız Astana sahnasyna qoiyluǧa laiyq degen qoiylymdardy ırıktep aldyq.

Jyl basynan berı bas qalada halyqaralyq, düniejüzılık, respublikalyq deŋgeidegı tört-bes teatr festivalı ūiymdastyryldy. Būl künderı de Qairat Sügırbekov atyndaǧy jas rejisserlerdıŋ forum-festivalı ötıp jatyr. Juyq arada Äşırbek Syǧai atyndaǧy festival şymyldyǧyn türedı. Qazır Astanaǧa halyqaralyq deŋgeidegı sarapşylar da köptep kelude. Būryn būl üderıs baiau jürıp, tek Qazaqstannyŋ, ärı ketse Reseidıŋ teatr synşylarymen şekteletınbız. Bügınderı Polşa, Angliia, Germaniia, Gruziia syndy Europa memleketterınen, Aziiadan keletın sarapşylardyŋ teatrlarymyzǧa qyzyǧuşylyǧy oiandy. Olar öner ūjymdarymyzdy özderınıŋ teatrlarymen salystyryp, baǧa beredı. Tek baǧa berıp qoimai, öz elderıne şaqyrady. Osynyŋ bärı ruhani jaŋǧyruǧa öz ülesın qosady.

Teatrdaǧy kez kelgen qoiylym, ol älemdık klassika bola ma, otandyq klassika bola ma, är körermendı belgılı bır oiǧa jeteleidı. Jaŋǧyru degen sol. Adamnyŋ sanasyna spektaklden keiın säule tüsedı. Orys tılınde «hram iskusstva» degen jaqsy teŋeu bar. Teatrǧa bır sözben osyndai anyqtama beruge bolady. Iаǧni, meşıtke barǧandaǧy äsermen teŋ.

– Tazarǧyŋ kelse, teatrǧa bar degıŋız kelıp otyr ǧoi…
– İä, däl solai. Qazaq «taiaq etten, söz süiekten ötedı» dep jatady. Älemdık klassikany alsaŋyzdar, Şekspirdıŋ, Kunidıŋ şyǧarmalary, orys ädebietınde Gogoldıŋ, özımızdıŋ Mūhtar Äuezovtıŋ tuyndylary, jalpy kez kelgen klassiktıŋ şyǧarmasy sandaǧan jyldardyŋ synyna tötep berıp, qoǧamnyŋ qalyptasuyna yqpalyn tigızdı. Klassika dep ataluynyŋ syry da osynda. Sahnada jürıp jatqan spektaklde mahabbat turaly nemese zūlymdyq jönınde söz qozǧalsa da, jaqsylyq pen jamandyqtyŋ ara jıgın ajyratyp, körermennıŋ közın aşady. Keibır keleŋsız körınısterdıŋ aldyn alady. Adamnyŋ ıştei tüleuıne jol aşady.

Mysaly, repertuarymyz­daǧy Oralhan Bökeidıŋ «Atau keresın» alaiyq. Qoiylym ūlttyq tūtastyq pen bırlıktı nasihattai otyryp, qoǧamdaǧy qasırettı, ūlttyq ruhtan ajyraǧan bütın bır ūrpaqtyŋ qūrdymǧa ketıp bara jatqanyn suretteidı. Ony körıp otyryp, tebırenbeu mümkın emes.

ŪLTŞYL DEGEN SÖZDEN QORQUDYŊ QAJETI JOQ

– Şynyn aitu kerek, özıŋız basqaryp otyrǧan öner ordasynan özge etnostyq teatrlar qazaq ūlttyq qoiylymdaryna jolai qoimaidy. Al sızder ünemı osyndai spektaklderdı qoiyp jatasyz­dar. Osyǧan öz basym sızge rizamyn. Gorkiilıkterdıŋ repertuaryndaǧy ūlttyq spektaklder turaly äŋgımeleseŋız.
– Sözımnıŋ basynda Qazaq handyǧynyŋ 550 jyldyǧy turaly bekerden-beker äŋgıme qozǧamadym. Būl eldık merekege orai öner salasynda qanşama keremet jobalar jasaldy. Sonyŋ ışınde bız Bolat Jandarbekov şyǧarmasynyŋ inssenirovkasyn jasap, «Tomiris – saqtar patşaiymy» spektaklın qoidyq. Onyŋ aldynda Raqymjan Otarbaevtyŋ «Beibarys sūltanyn» sahnaladyq. Sonda aldymen «būl qoiylymdar halyqqa ne beredı? Osy spektaklderdıŋ körermenderı kımder? Olar özderıne ne alyp şyǧady?» dep oilanamyz.

«Alpamysty» epos tılınen prozaǧa Aqseleu Seidımbek audardy. Al operaǧa Erkeǧali Rahmadiev tüsırdı. Men onyŋ inssenirovkasyn jasatyp, sahnaǧa laiyqtadym. Qazır būl spektakl «Amanat» atymen teatrymyzda jüredı. Bızdıŋ körermenderdıŋ 60-70 paiyzy qazaq jastary ekenın aitu kerek. Astanada orys tıldı auditoriia älı de barşylyq. Solardyŋ köpşılıgı – özımızdıŋ qazaqtar.

Jalpy, orys teatrlarynda qazaq şyǧarmalarynyŋ qoiyluy – bügıngı künnıŋ talaby, ömırdıŋ zaŋdylyǧy. Eger özge respublikalyq etnostyq teatrlarynda ūlttyq tuyndylar az qoiylyp jatsa, ol olardyŋ zaman aǧymynan keiın qaluy dep oilaimyn.

Köldeneŋ kök atty teatrdy basqara almaidy. Teatrdyŋ ışınen şyqpaǧan adam onyŋ organizmın tüsınbeidı. Napoleonnyŋ kezınde «maǧan teatrdan görı äskerdı basqaru oŋai» dep aitqany bar.

– Täuelsızdık halyqtyŋ sanasyna bır serpılıs äkelıp, sol jyldary ūlttyŋ ruhy köterılıp qaldy. Qazır sol ruh bäseŋ tartqan siiaqty. Bälkım memlekettık organdar jūmysty tiıstı deŋgeide atqarmai otyrǧan şyǧar, qalai oilaisyz?

– Men özım memlekettık tıl salasynda, Ömırzaq Aitbaev, Äbduäli Qaidarov syndy tıl qairatkerlerımen jūmys ıstedım. Öner universitetınde oqyǧanda Asqar Toqpanovtyŋ äŋgımelerın estıdım. Egemendıktıŋ alǧaşqy jyldary «Qazaq tılı» qoǧamy ülken jūmys atqardy. Būl ūiym Memlekettık tıl komitetı qūryluy kerek degen bastama köterdı. Al qazır Tıl komitetı formaldı türde ǧana jūmys ıstep otyr. Astana qalasynyŋ Tılderdı damytu basqarmasynyŋ jūmysyna da köŋılım tolmaidy. Kezınde būl basqarmany Orazkül Asanǧazy basqarǧanda jūmys qalai jürdı?! Ony eşkım jelkelegen joq, sol kısınıŋ ottylyǧy, boiyndaǧy ūlttyq ruhynyŋ biıktıgınıŋ arqasynda Astanadaǧy köşeler bıraz qazaqylandy, qalanyŋ ruhani baǧyty da aiqyndaldy. Qazır sonyŋ bärı qūrdymǧa ketkendei. Bızge bügınderı keibır memlekettık organdardan orys tılınde hattar kelıp jatyr. Al men bırde bır memlekettık blankıge osy tılde hat jazbaimyn. Basqarma «ana jerde nemese myna jerde memlekettık tıl kurstaryn oqytyp jatyrmyz» degen qūr eseppen şektelude.

Mınberge şyǧyp, aiǧailaŋdar demeimın. Basqa da joldardy tauyp, ündemei jürıp bar ıstı tyndyruǧa bolady. Mysaly, men osy teatrǧa qyzmetke kelgende «Teatralnaia kassa» deitın jazuǧa közım tüstı. Qazaqşasy joq eken. Bızde zaŋ boiynşa bärı ekı tılde, qazaqşa, orysşa boluy tiıs. Men «Teatr kassasy» dep özgertuge pärmen berdım. Sony tüsınbei, qarsy şyqqandar da tabyldy. Men: «Ekı ret jazudyŋ ne keregı bar? Aqymaqqa da tüsınıktı söz» dep tüsındırdım. Sol jazu qazır tūr, eşkım basymdy alǧan joq. Negızı jaqsylap jetkızseŋ, eldıŋ bärı de tüsınedı.

Qazır ūltşyl degen sözden qorqudyŋ qajetı joq. Ūltşyldyq köşege şyǧyp alyp, kezdesken adamdy sabai beru emes qoi. Būl ūltyŋdy süiu, syilau, memlekettıŋ zaŋdaryn qūrmetteu degen söz. Sondyqtan qandai ūlttyq şyǧarma qoiyp jatsam da, ūjymym ony tüsınedı. Tüsınbese, jaqsylap jetkızem. Qandai qoǧamda da kertartpa adamdar bolady. Tek tılge bailanysty emes, kez kelgen saladaǧy jaŋalyqtardy jaqtaityndar da, soǧan qarsy şyǧatyndar da tabylady.

– Osydan bırneşe jyl būryn arnaiy şaqyrtumen Vengriiaǧa baryp, Raqymjan Otarbaevtyŋ «Beibarys sūltanyn» qoidyŋyz. Spektakl anşlagpen öttı dep estıdık. Osy turaly äŋgıme örbıtseŋız.
– Būryn Vengriianyŋ Qazaqstandaǧy elşısı İmre Lasloski degen kısı boldy. Sol kısı bızge kelıp, «Beibarys Sūltandy» körgennen keiın sol elge baruǧa mümkındık jasady. Elşınıŋ jary orys tılınıŋ mamany eken, pesany vengr tılıne audardy. Ol jaq bızdı memlekettık deŋgeide qabyldady. Vengriianyŋ memlekettık hatşysynyŋ, Qazaqstannyŋ sol eldegı elşısınıŋ qabyldauynda boldyq. Sol uaqytta Qazaqstan täuelsızdıgıne 20 jyl tolyp jatqan. Bız spektakl qoiyp qana ketpedık. Ūlttyq kiımderden körme ötkızıp, būl kostiumderdı Karsag qalasynyŋ muzeiıne syiǧa tarttyq. Akterlerdıŋ bärıne änūran jattatqyzdym. Olar qoiylym aiaqtalǧan soŋ Qazaqstan tuyn alyp şyǧyp, änūrandy aitty. Ony aitqanda zal tık tūrdy. Söitsem, Budapeştte oqityn bükıl qazaq studentterı jinalǧan eken.

– Qazır M.Gorkii atyndaǧy memlekettık akademiialyq orys drama teatrynyŋ qoiylymdaryna sūranys qanşalyqty bolyp jatyr?
– Juyrda bızdı Serbiiaǧa şaqyrdy. Qyrküiektıŋ aiaǧynda, qazannyŋ basynda sol elge attanamyz ba dep otyrmyz. Bız dekorasiiamyzdy jetkıze almaimyz degennen keiın olar ony özderı daiyndaityn boldy. Äleumettık jelı degen jaqsy boldy ǧoi, dekorasiianyŋ türın, kölemın olarǧa jıberıp qoidyq, arǧy jaǧyn özderı köterude.

Bızdıŋ repertuarymyzda Älımbek Orazbekovtıŋ «Bır tüp alma aǧaşy» atty spektakl bar. Qazaqtyŋ bıraz teatrlarynda būl qoiylym sahnalandy. Orys teatrlarynyŋ arasynda bız ǧana qoidyq. Būǧan körermenderdıŋ sūranysy öte joǧary. Belarus elınıŋ Qazaqstandaǧy elşısı būl spektakldı körıp, közıne jas alǧany da bar. Ufaǧa da alyp bardym osy qoiylymdy. Maǧan olar «osy jerde üş ret qoisaŋyzdar da zal lyq tolady» dep aitty. Sūranysty osydan-aq baǧamdai berıŋız.

TEATR – EREKŞE ORGANİZM

– Bır basqosuda sız Bolat Jandarbekovtıŋ şyǧarmasynan būryn Talasbek Äsemqūlovtyŋ «Tūmar padişasyn» sahnalamaq bolǧanyŋyzdy aitqansyz…
– Talasbek öte bılımdı, patriot, jan-jaqty tūlǧa edı ǧoi. Bız ekeuımız dos boldyq. Onyŋ üstıne jerlespız, qanymyz bır bırımızge tartyp tūratyn. Ol spektaklderımızdı kelıp körıp tūruşy edı. «Tūmar padişasyn» teatrymyzda sahnalaimyz dep kelısken de edık. Alaida ol dünieden ötıp kettı. Sodan ssenariidı daiyndap berşı dep zaiyby Ziraǧa şyqtym. Bıraq onyŋ qoly timedı ǧoi deimın. Maǧan şūǧyl qoiu kerek bolǧan soŋ ekı-üş nūsqasyn qaradym. Negızınen «Tūmar padişa» jönınde Şota Uälihanovtyŋ da jazǧany bar. Sodan Bolat Jandarbekovtıŋ şyǧarmasyn taŋdauǧa tura keldı.
– Qazır Qazaqstanda dramaturgiia joq dep jatady. Osyǧan sızdıŋ közqarasyŋyz qandai?
– Ras, būl künderı dramaturgiiamyz älsız. Mäselen, Q.Quanyşbaev atyndaǧy memlekettık akademiialyq qazaq muzykalyq drama teatryna şetelderde gran-pri alyp berıp jürgen «Şie» spektaklı kımdıkı? Anton Chehovtıkı. «Jastar» teatrynyŋ özge elderde tanylǧan «Asauǧa tūsauy» Şekspirdıkı. Jergılıktı dramaturgterımız nege tanylmaidy? Olardy kım şektep otyr? Bız alyp jatyrmyz, bızdıŋ dramaturgiiany nege özgeler almaidy? Mäselen, teatrymyz iakutiialyq Sofia Baranova-Serguchovanyŋ «Oianu» atty treş-dramasyn qoidy. Şyny kerek, elımızdıŋ teatrlaryn qazır älemdık klassika ūstap tūr. Sosyn Mūhtar Äuezov siiaqty avtorlardyŋ şyǧarmalaryn ssenografiiasyn, inssenirovkasyn jasap şyǧaryp jatyr.
– Taiauda gazetımızde Quandyq Qasymovtyŋ sūhbaty şyqty. Ol kısı teatr direktory men körkemdık jetekşısı bır adam boluy kerek degen pıkırde. Alaida qazır zaŋ ekı qyzmettı bölıp tastady. Sız oǧan qalai qaraisyz?
– Quandyktıkı öte dūrys. Özı qazırgı teatr salasynda Quandyq Qasymov, Ashat Maemirov, Gülsina Mirǧalieva syndy spektaklderdı sahnalap jürgen jaqsy, belsendı rejisserlerımız bar. Özı bügınderı osy üş-tört-aq adam közge tüsıp, teatr önerın örge süirep jür. Men baiqamaǧan şyǧarmyn, mümkın taǧy bar şyǧar. Mäselen, bızdegı «Tomiris – saqtar patşaiymyn» Gülsina alyp şyǧa bıldı.

Negızınen teatr – erekşe organizm. Mūnda ūjym bır-bırıne bailauly, akterler sahnadaǧy serıgıne täueldı. Mäselen, suretşı özınıŋ qylqalamymen ne salǧysy kelse, sala beredı.

Qazır Astanaǧa halyqaralyq deŋgeidegı sarapşylar da köptep kelude. Būryn būl üderıs baiau jürıp, tek Qazaqstannyŋ, ärı ketse Reseidıŋ teatr synşylarymen şekteletınbız. Bügınderı Polşa, Angliia, Germaniia, Gruziia syndy Europa memleketterınen, Aziiadan keletın sarapşylardyŋ teatrlarymyzǧa qyzyǧuşylyǧy oiandy. Olar öner ūjymdarymyzdy özderınıŋ teatrlarymen salystyryp, baǧa beredı. Tek baǧa berıp qoimai, öz elderıne şaqyrady. Osynyŋ bärı ruhani jaŋǧyruǧa öz ülesın qosady.

– Suretşıge ansambl keregı joq deisız ǧoi.
– İä, suretşı qanşa boiau satyp alady özı bıledı. Sosyn kartinasyn ılıp qoiady. Bıreuı şedevr dep baǧalauy mümkın, bıreuı tıptı elemei ketuı de yqtimal. Muzykany jeke aspapta oryndaityndar da solai. Al teatr önerınde mülde bölek. Basty röldı somdaityndar bar, ekınşı-üşınşı qūramda oinaityndar bar, epizodta ǧana şyǧatyndar, «Assalaumaǧaleikum!» dep tabaqty alyp şyǧuǧa ǧana jaraityn, ömır boiy sonymen ötetınder bar.

Teatrda şyǧarmaşylyq üderıstı rettep otyratyn, ūjymdaǧy qyzǧanşaqtyq siiaqty ziiandy virustardy joiatyn, bır sözben aitqanda, organizm jūmysyn qalpyna keltıretın – körkemdık jetekşı. Tıkelei akterlermen jūmys ıstei otyryp, teatr şaruaşylyǧyn alyp ketu oŋai emes. Talas osy jerde bastalady. Direktordyŋ qolynda belgılı bır deŋgeide bilık, resurstar bolady. Mäselen, qarjy deiık. Al körkemdık jetekşıde akterlerdıŋ ortasynda abyroi bar delık. Osydan qaişylyqtar tuady. Köldeneŋ kök atty teatrdy basqara almaidy. Teatrdyŋ ışınen şyqpaǧan adam onyŋ organizmın tüsınbeidı. Napoleonnyŋ kezınde «maǧan teatrdan görı äskerdı basqaru oŋai» dep aitqany bar.

– Teatrdyŋ qos ǧimaraty «Kielı Astana» kartasyna engızıldı. Būl boiynşa ärı qarai qandai jūmystar atqarylatynyn bılgımız kelıp otyr.
– Biyl teatrdyŋ qasbetı jöndeldı. Sol üşın qala äkımdıgıne raqmet aitamyn. Qazır ǧimarattyŋ syrtqy körınısı üşın ūialmaityn boldyq. Syrtqy boiaudy qoldanǧanda da ǧimarattyŋ tarihi tüsın saqtadyq. Endı kürdelı jöndeudı kütıp otyrmyz. Işı qazırgı zamanǧa sai tehnikalyq tūrǧydan jabdyqtalyp, sahna mehanizmderı, jaryq, dybys tehnikalary jaŋartylsa degen tılegımız bar.

Bır mysal aitaiyn, osydan 7-8 jyl būryn men Litvadan belgılı rejisser Ionas Vaitkusty şaqyrdym. Ol bızde İran Ǧaiyptyŋ «Qorqyt» spektaklın qoiamyn dep kelıstı. Kompozitor muzyka jazdy. Suretşı ssenografiia jasady. Ionas kelıp sahnamyzdy, tehnikalyq mümkındıkterdı körıp, menen keşırım sūrady. Onyŋ aituynşa, özınıŋ ideiasy boiynşa otyz-qyryq adam jūmys ısteu kerek boldy. Alaida teatrymyzdyŋ oǧan jaǧdaiy kelmedı. Beibıtşılık jäne kelısım saraiynda, qazırgı «Jastar» teatrynyŋ ǧimaratynda qoiǧyzaiyn dep oiladym. Bıraq ol bır rettık spektaklge ainalatyn bolǧan soŋ qajetı joq dep şeştım.
– Bız būl spektakldı M.Äue­zov atyndaǧy Qazaq memlekettık akademiialyq drama teatry akterlerınıŋ somdauynda kördık. Taiauda N.Bekejanov atyndaǧy Qyzylorda oblystyq qazaq muzykalyq drama teatry da osy qoiylymmen Astanaǧa kelgen edı…
– Mūhtar Äuezov teatryna būl spektakldı syilaǧan men edım. Qoiylym küiıp ketudıŋ aldynda tūrdy. Erkın Juasbek ol uaqytta «äkemteatrdyŋ» direktory bolatyn. Ol maǧan aldynda: «Ereke, jan-jaqqa şyǧyp jürsız, maǧan bır jaqsy rejisser tauyp beresız be?» degen ötınışpen şyqqan edı. Soǧan özımnıŋ jobamdy tartu ettım. Ionas Vaitkus, kompozitor, suretşı «Qorqytty» Almatyǧa baryp qoidy. Ol halyqaralyq deŋgeidegı ülken spektakl bolyp şyqty. Äuezov teatry mūny Qazanǧa aparyp, jülde aldy. Atalmyş teatrdyŋ repertuaryndaǧy şoqtyǧy biık qoiylymdardyŋ bırı de qazır osy spektakl bolyp otyr.

Al bızde Ionas onyŋ esesıne Anna Iаblonskaianyŋ «Iаzychniki» spektaklın qoidy. Onda da menıŋ ötınışımmen. Būl qoiylymda bälendei bır kürdelılık joq, oqiǧa sahnada otyratyn segız keiıpkerdıŋ ainalasynda örbidı. Bıraq bızdegı eŋ myqty spektaklderdıŋ bırı qazır osy bop tūr. Ony Belaruske, Reseige apardyq. Qazır Germaniiaǧa osy spektaklmen şaqyryp jatyr.

– Aqtaryla aitqan äŋgımeŋızge raqmet! Teatrdyŋ şyǧarmaşylyq tabystary köp bola bersın!

Sūhbattasqan:
Amanǧali QALJANOV