FIDIC SAPA STANDARTY ENGIZILDI

Jaqynda ötken Ükımettıŋ keŋeitılgen otyrysynda Elbasy Nūrsūltan Nazarbaev elımızdegı avtomobil joldarynyŋ sapasyn synǧa alyp, būl baǧytta jaŋa tehnologiialardyŋ jūmys ıstemeitının atap ötken bolatyn. Keşe QR Prezidentı janyndaǧy Ortalyq kommunikasiialar qyzmetınıŋ brifingıne qatysqan Kölık jäne kommunikasiia ministrı Asqar Jūmaǧaliev avtokölık joldarynynyŋ damu perspektivasy jaily baiandap berdı.

– Qazırgı kezde jol salasynda bırneşe problemalar bar. Elımızdegı joldardyŋ 33 paiyzynyŋ sapasy syn kötermeidı. Jöndeu jū­mys­tarynyŋ sapasyn jaqsartu kerek. Osy mäselelerdı şeşu maqsa­tynda bız kele­sıdei jū­mysty qolǧa aldyq: biyl bız 5898 şaqy­rym jolǧa jöndeu jūmys­taryn jür­gızdık. Sondai-aq, Batys Europa – Batys Qy­tai mega jobasynda qazırgı kezde qarqyndy jūmys atqaryp jatyrmyz. Biyl jospar boiynşa 806 şaqy­rymyn saluymyz kerek bolsa, bügıngı künı onyŋ 710 şaqy­rymyn saldyq. Qal­ǧanyn osy jyl­dyŋ aiaǧyna deiın bıtı­remız degen ümıtımız bar, – dedı ministr.
Prezident bergen tap­­syrmaǧa säikes Astana – Pavlodar, Astana – Te­mır­tau, Almaty – Qapşa­ǧai jol uchas­ke­le­rınde qūrylys jūmys­ta­ry bas­ta­lypty. Jaŋa tehnologiia­larǧa arnalǧan 40 ekspe­ri­men­taldı uchaske bar. Mem­leket basşysy ait­qan mono­littı temır beton teh­no­logiiasyn qa­zır sy­naq­tan ötkızılıp jatyr. Pilot­tyq joba qa­zırgı kezde jaq­sy nätije kör­setude. Sy­naq­tan öt­ken­nen soŋ, ol qol­da­nysqa engızılmek.
– Sybailas jemqor­lyqty boldyrmau, baǧa­laudy küşeitu maqsa­tynda basqaru qūry­ly­myn özgerttık. FIDIC ha­­lyq­a­ra­lyq sapa standartyn engızdık. Endı jol sapa­­syn osy standartqa säi­kes baqylauda ūs­tap otyrmyz», – dep ministr Asqar Jūma­ǧa­liev taǧy bır sony ja­ŋa­lyqpen bölıstı. Son­dai-aq, avtomobil jol­daryn basqarudyŋ avto­mattan­dy­rylǧan jüiesı äzır­lenıp jatqanyn, ol daiyn bolǧannan keiın jür­­gı­zu­şıler joldyŋ sapa­syn köre alatynyn jäne baǧytty josparlai ala­tynyn jetkızdı. Sybai­las jemqorlyqty joiu maqsatynda stasio­nar­lyq beketterde avtomat­tandyrylǧan arkalar ornatylatynyn, biyl osyndai 13 arka qoiylatynyn, kelesı jyly 31 arka ornatu josparlanǧanyn, 2015 jylǧa qarai olardyŋ sany 80-ge deiın jetetının aitty. So­nymen bırge Elbasynyŋ tap­syrmasymen Kölık infraqūrylymyn damytu baǧdarlamasy daiyndalyp jatqanyn 2020 jylǧa qarai qoldanystaǧy joldardyŋ 29 myŋ şa­qyrymyn jöndeuden öt­kızudı josparlap otyr­ǧanyn habarlady.