Astana qalasynda bırqatar eldıŋ sarapşylarynyŋ qatysuymen Ortalyq Aziia öŋırındegı yntymaqtastyqty damytuǧa arnalǧan forum ötıp jatyr. Oǧan älemnıŋ 10 elınen kelgen saraptamalyq ortalyqtar men ǧylymi-zertteu ūiymdarynyŋ ökılderı qatysuda.
Älemdık deŋgeidegı ekonomister, ǧalymdar, kölık, sauda jäne energetika salalaryndaǧy sarapşylar sekıldı 100-ge tarta mamannyŋ basyn qosqan būl forumnyŋ negızgı maqsaty – yntymaqtastyq perspektivalaryn talqylau, barşa öŋırde saraptamalyq ortalyqtar jelısın damytu, sondai-aq, Ortalyq Aziia öŋırlık ekonomikalyq yntymaqtastyǧyn aqparattandyru üşın tiıstı ortalyqty qūru. Jiynǧa qatysuşylar Ortalyq Aziianyŋ ekonomikalyq bolaşaǧy, öŋırdegı infraqūrylymdyq bailanys mäselesı jäne Ortalyq Aziia öŋırlık ekonomikalyq yntymaqtastyǧyna müşe memleketter arasynda bılım jäne täjıribe almasu jelısın qūru qajettıgı men mümkındıgı sekıldı üş baǧytta pıkır almasty.
