Aldaǧy uaqytta Astana qalasynda tırkeuge tūru qiyndauy mümkın. Qūqyq qorǧau organdary Astana päterlerınde 15 şarşy metrge 1 adamnyŋ ǧana resmi tırkeluıne rūqsat beru mäselesın köterıp jatyr. Astana qalalyq köşı-qon polisiiasy basqarmasy mūndai qadamǧa ışkı migrasiia men qala qauıpsızdıgı üşın baryp otyr.
«Tırkeuge tūru üşın är adam basyna 15 şarşy metr degen talap qoiyp otyrmyz. Qazırgı taŋda äkımdıkke arnaiy ūsynys berdık. Qaralyp jatyr. Jaqyn arada şeşım şyǧuy tiıs» dep mälım ettı Astana qalalyq köşı-qon polisiiasy basqarmasy basşysynyŋ orynbasary Erkın Şombinov.
Osy oraida Işkı ıster ministrı Qalmūhanbet Qasymov bas qalamyzda tırkeuge tūru jüiesınıŋ betımen ketkenın, keibır pysyqailardyŋ ony bizneske ainaldyryp jatqanyn aitqan bolatyn. «Bügınde Astanada «rezeŋke päterler» qaptap kettı. Bır üige jüzdegen adamdar tırkelgen degen derek bar. Osynyŋ bärın tekserıp, bır jüiege keltıru kerek» dedı ministr.
Astana qalasy eldıŋ ortalyǧy bolǧan soŋ mūnda keluşıler sany arta tüsude. Jūmys ızdep, bılım aluǧa keletınderdıŋ bärı bırdei baspanamen qamtylmaityny anyq. Al tırkeusız eşkım jūmysqa da, oquǧa da qabyldanbaidy. Sondyqtan da tırkeu ısı «köleŋkelı bizneske» ainalyp ketken.
Osy jaǧdaiǧa bailanysty köşı-qon polisiiasynyŋ mamandary tekseru barysynda Astanadaǧy bır päterde 140 adam tırkelgenın anyqtady. Jalpy, bügınde Astanada resmi 857 480 adam tırkeude tūr. Qazır 15 şarşy metrge 1 adamdy tırkeu talaby Almatyda ǧana bar. Endı, osyndai ereje Astana qalasynda da boluy mümkın.
Bürkıt NŪRASYL
