Janǧa jaily jaǧajai
Elbasy Nūrsūltan Nazarbaev Astana qalasyndaǧy ortalyq saiabaqta boldy.
Memleket basşysy saiabaqtyŋ infraqūrylymymen tanysyp, jaŋadan aşylǧan jaǧajai aimaǧyn kördı.
Sondai-aq, Nūrsūltan Nazarbaev elektromobilmen qoǧamdyq demalys aimaqtaryn aralap şyǧyp, elorda tūrǧyndarymen äŋgımelestı.
Qazaqstan Prezidentı qalalyqtardyŋ jappai, belsendı jäne mazmūndy demalysy üşın barynşa qolaily jaǧdailar jasaudyŋ maŋyzdylyǧyn atap öttı. Memleket basşysynyŋ aituynşa, mädeni-sauyqtyq qyzmetterdı sapaly ūiymdastyru jastardyŋ, äsırese, jaz mezgılındegı uaqytyn paidaly ötkızuıne septıgın tigızedı.
Sonymen qatar, Memleket basşysy äuesqoi jasöspırım baluandardyŋ beldesuı ötıp jatqan saiabaqtyŋ sport alaŋynda boldy.
Qalanyŋ ortalyq saiabaǧynyŋ infraqūrylymyn jetıldıru jūmystary aiasynda attraksiondar ornatu jūmysy jürgızılıp, sporttyq jäne eresekter men balalarǧa arnalǧan basseinderı bar zamanaui jaǧajai aimaǧy aşyldy. Sondai-aq, jattyǧu alaŋy, şaŋǧy rollerıne arnalǧan ūzyndyǧy 3,8 şaqyrym trassasy bar dene şynyqtyru jäne sauyqtyru aimaǧy aşylǧan. Saiabaq aumaǧyndaǧy sauda nysandary şahardyŋ arhitekturalyq stilımen üilestırıldı.
Mūnda kün saiyn klassikalyq jäne tanymal muzyka konsertterı, taza auada būqaralyq sportpen ainalysu tärızdı mädeni-köpşılık jäne sport şaralary ötedı. Jaŋǧyrtu jūmystary nätijesınde saiabaqqa keluşıler sany jūmys künderı 3 myŋǧa deiın, al demalys künderı 10 myŋǧa deiın köbeidı.