Bügınde bas qalanyŋ äuejaiy şetelge şyǧatyn 33 baǧdarǧa, al respublika ışınde 17 baǧdarǧa tūraqty türde qyzmet körsetude. Būl oraida Nūrsūltan Nazarbaev atyndaǧy halyqaralyq äuejaidyŋ jolauşylar aǧyny arta tüsude.
Mamandardyŋ mälımetınşe, atalmyş äuejaidan AQŞ-tyŋ Niu-Iork qalasyna tıkelei ūşatyn kün de alys emes körınedı. Būl baǧyttaǧy äue bailanysy 2021 jyly aşylady dep josparlanyp otyr. Qazaqstannyŋ ūlttyq tasymaldauşysy – Air Astana kompaniiasy qazırgı uaqytta būǧan qyzu daiyndyq jūmystaryn jürgızude.
Qazırgı taŋda Astanada jaŋa şeteldık aviakompaniialar sany köbeigen. Soǧan orai jazǧy mausym bastalǧaly berı şetel baǧyty boiynşa jaŋa bes baǧdar qosylsa, el ışındegı reister taǧy da üş baǧdarmen tolyǧypty. Mamandardyŋ sözınşe, halyqaralyq reisterge qyzmet körsetetın bırınşı terminal bügınde bır uaqytta ışkı jäne syrtqy reisterge, iaǧni 2150 jolauşyǧa qyzmet körsetuge qauqarly. Al ekı terminaldy qosa alǧanda, jylyna 8 mln 230 myŋ jolauşyǧa qyzmet körsetuge mümkındık bar körınedı. 2016 jylmen salystyrǧanda byltyr jolauşylar aǧynynyŋ ösımı 25 paiyzǧa artqan.
Şeteldıŋ ülken qalalaryn Qazaqstan şaharlarymen bailanystyryp, Orta Aziiadaǧy aimaqtyq habqa ainalu üşın Nūrsūltan Nazarbaev atyndaǧy halyqaralyq äuejai tranzittık tasymal äleuetın arttyruǧa den qoiyp otyrǧanyn aitady mamandar.
–Air Astana jolauşylar aǧynyn ūlǧaituǧa jol aşatyn arnaiy baǧdarlama äzırleude. Al äuejaida tranzittık jolauşylarǧa qolaily bolu üşın kapsulaly qonaq üiler qoiylady. Olar mausym aiynyŋ soŋynda, Astananyŋ 20 jyldyǧy qarsaŋynda berıledı. 1 mausymnan bastap äuejaida moduldı jük qoimasy paidalanuǧa berıldı. Ol perronǧa tıkelei şyǧatyn baqylau aumaǧynda ornalasqan. Nysannyŋ jalpy aumaǧy 1100 şarşy metrden asady.
Nūrdäulet KÄKIŞTEGI
Jaqsy jaŋalyqtyŋ jarşysy bola berıŋızder!