Üstımızdegı jyldyŋ 28 mamyrdan bastap Astananyŋ keibır köşelerınde bırjaqty qozǧalys engızıledı. Būl jobany Astana qalasynyŋ Jolauşylar kölıgı basqarmasy men Astana qalasynyŋ IID Äkımşılık polisiia basqarmasy bırlesıp ıske asyrady.
Jaŋaşyldyqtyŋ maqsaty – qalanyŋ köşe-jol jelısıne tüsetın jüktemenı azaitu, joldyŋ jüretın bölıgınıŋ ötkızu qabılettılıgın arttyru, kölık aǧynynyŋ jyldamdyǧyn ūlǧaitu, jol boiynda tūrǧan kölıkter arasynda tärtıp ornatu. Bekıtılgen josparǧa säikes, bırjaqty qozǧalys aldymen qalanyŋ kelesı uchaskelerınde engızıledı:
• Äuezov köşesı (Respublika daŋǧylynan Ä.Moldaǧūlova köşesıne deiın). Uchaskenıŋ ūzyndyǧy – 2,9 km;
• Jeltoqsan (Mäskeu köşesınen Kenesary köşesıne deiın) Uchaskenıŋ ūzyndyǧy – 2,0 km;
Al, osy jyldyŋ 10 mausymynan bas-tap kelesı köşelerde bırjaqty qozǧalys engızıledı:
• Abai daŋǧyly (Saryarqa daŋǧylynan Puşkin köşesıne deiın). Uchaskenıŋ ūzyndyǧy – 4,6 km;
• Kenesary köşesı (Puşkin köşesınen Saryarqa daŋǧylyna deiın). Uchaskenıŋ ūzyndyǧy – 4,3 km;
• Iаnuşkevich köşesı (Abai daŋǧylynan İmanov köşesıne deiın). Uchaskenıŋ ūzyndyǧy – 0,7 km.
Joǧaryda atalǧan jol uchaskelerındegı bırjaqty qozǧalys jolynyŋ jalpy ūzyndyǧy 14,5 km qūraidy. Mamandardyŋ aituynşa, elorda köşelerıne bırjaqty qozǧalys engızu, keptelıstı azaituǧa, kölık aǧyny jyldamdyǧyn 33 paiyzǧa deiın arttyruǧa mümkındık beredı, al joldyŋ ortaşa uaqyty 20 paiyz tömendeidı.
Sonymen qatar, bırjaqty qozǧalys jobasy myna mındetterdı şeşuge septıgın tigızedı:
• Köşe-jol jelısıne tüsetın jüktemenı bırqalypty taratu;
• Baǧdarşam obektılerın basqarudy oŋtailandyru;
• JKO bolu yqtimaldylyǧyn azaitu (daǧdarysty oryndardy azaitu);
• Ekologiialyq jüktemenı azaitu;
• Qalalyq qoǧamdyq kölık kestesın saqtau naqtylyǧyn arttyru;
• Qoǧamdyq kölıkke degen sūranysty arttyru.
Aita keteiık, bırjaqty qozǧalysty engızu qalalyq qoǧamdyq kölık qozǧalysy syzbasyna äser etpeidı, öitkenı, joǧaryda atalǧan uchaskelerde «Bus lane» jeke jolaqtary jasalǧan.
Būl rette jol polisiiasynyŋ qyzmetkerlerı bastapqy kezeŋde kölık qūraldarynyŋ jürgızuşılerın atalǧan uchaskelerde jol jüru erejelerın būzǧany üşın äkımşılık jauapkerşılıkke tartpaidy.
Qazırgı kezde joba Europanyŋ 32 memleketınde sättı ıske asyrylyp jatyr. 10 jyldyŋ ışınde bırjaqty qozǧalys engızılgen köşeler sany 225 km-den 575 km-ge deiın artqan eken.
Qosymşa sūraqtar boiynşa call-ortalyqqa habarlasyŋyzdar – 574 – 777.
