Keşe elordada besınşı şaqyrylymdaǧy Astana qalasy mäslihatynyŋ kezekten tys 51-şı sessiiasy öttı. Kün tärtıbıne elorda äkımın taǧaiyndau mäselesı şyǧaryldy dep habarlady qala äkımınıŋ baspasöz qyzmetı.
Sessiia barysynda halyq qalaulylary Memleket basşysynyŋ Astana qalasynyŋ äkımı qyzmetıne Ädılbek Jaqsybekovtı taǧaiyndau turaly ūsynysyn bırauyzdan qoldady.
– Eŋ aldymen, körsetılgen senım üşın alǧys aitqym keledı. Sondai-aq, Memleket basşysynyŋ sailaudaǧy jeŋısımen barlyqtaryŋyzdy qūttyqtaimyn. Alda ülken jūmystar kütıp tūr. Özderıŋız bıletındei, Prezident bes institusionaldy reformany jariialady. Olardy jüzege asyru üşın barlyǧymyz bırdei jūmyluymyz qajet. Elordanyŋ körıktı kelbetın odan ärı qalyptastyryp, Elbasynyŋ baǧdarlamalaryn ıske asyruymyz kerek, – dedı qala äkımı.
