MEKTEP SAITY İNTERAKTİVTI ORTAǦA AINALDY
Bügıngı taŋda Astana qalasyndaǧy mektepterde sait jūmystary jandana bastady. Är mektep öz saityn mazmūndy ärı qyzyqty etıp şyǧaruǧa müddelık tanytuda. Bız osy oraida, qalalyq Bılım basqarmasyna habarlasyp, bıraz män-jaidy bılgen edık. Saualymyzǧa basqarmanyŋ ädıskerı Anar QOJAHMET jauap berdı:
– Qala mektepterındegı saittardyŋ jūmysy qalai jürıp jatyr?
– Bılım basqarmasynyŋ ädıskerlerı mektep saittary boiynşa jūmys jasaityn «Bench Mark Consulting» JŞS kompaniiasymen bırlesıp bırqatar jūmystar atqardyq. Atap aitsaq, 2014 jylǧa arnalǧan mektep saittaryn damytu jäne bılım beru portalynyŋ jūmysy turaly ıs-şaralar jospary jasaldy. Mektep direktory men ata-analar arasynda bıryŋǧai bılım beru portaly jäne onyŋ mümkındıkterı turaly aqparattyq-tüsındıru jūmystary jürgızıldı.
Bügıngı taŋda barlyq mekteptıŋ saittary jaŋartylyp otyrady. Sondai-aq, interaktivtı qyzmetter körsetıledı. Mysaly, qonaq kıtapşasy, kerı bailanys syndy sıltemeler bar. Oǧan qosa, är saittan beinerolik köruge bolady.
– Qai mekteptıŋ saity erekşe?
– Saittardyŋ qūrylymy men mazmūnyna qarap, mekteptıŋ jūmysy turaly bıluge bolady. Mektep saittarynda jan-jaqty aqparattar ūsynylǧan. Olardyŋ bezendırıluı de mazmūnǧa sai. Bılım jäne tärbiege qatysty mūǧalımderdıŋ metodikalyq jūmystary ornalastyrylǧan. Mysaly, 1, 2, 3, 4, 5, 9, 10, 15, 18, 22, 30, 35, 37, 38, 40, 49, 50, 51, 52, 56, 57, 58, 63, 64, 67, 68-mektepterdıŋ saittarynda naqty aqparattyq qūrylymdar bar. Är bölımnıŋ ataulary mazmūnyna sai. Onda tek sabaqqa qatysty mälımetter ǧana emes, oquşylardyŋ ǧylymi-zertteu, şyǧarmaşylyq jūmystary, sondai-aq, baspa gazetterdıŋ elektrondy nūsqasy ornalastyrylǧan. Mäselen, «Psiholog būryşy» bölımınde oquşylarǧa qajettı keŋester berıledı. Al, jalpyǧa ortaq forumǧa «Psihologqa sūraq qoi» taqyryby ūsynylǧan.
№18 orta mekteptıŋ saitynda mektep direktorynyŋ maqalasy men «Jarşy» mektep gazetı ornalastyrylǧan. Al, №19 orta mektepte ata-analarǧa arnalǧan test sūraqtary bar. Iаǧni, mektep saityn paidalanyp, mektep pen ata-ana arasyndaǧy bailanysty elektrondy türde ornatuǧa bolady. №3 mektep gimnaziiasy men №5 gimnaziia saittarynyŋ dizainy erekşe ärı qyzyqty etıp jasalynǧan. №68 orta mekteptıŋ saitynda oquşylarǧa är pännen test ūiymdastyrylǧan. №40 orta mektepte öz mūrajaiynyŋ jūmysy körsetılgen.
– Aqparat keŋıstıgınde qaladaǧy mektep saittaryn qalai tabuǧa bolady?
– Barlyq mekteptıŋ saittary astana-bilim.kz bılım beru portalyna köşırıldı. Sondyqtan, saittardy ızdeude bıraz özgerıster bar. Endı mektepterdıŋ saittaryn astana-bilim.kz – «Bılım beru mekemelerı – jalpy bılım beretın mektepter» degen bölımder arqyly nemese mektep saityn tolyq jazu arqyly tabuǧa bolady. Mysaly http://3.astana-bilim.kz/.
Erkejan Sätımbek