«JAŊARU» sybailas jemqorlyqqa qarsy jalpyūlttyq qozǧalysy respublikalyq qoǧamdyq bırlestıgı men Nūr-Sūltan qalasy äkımdıgı arasyndaǧy yntymaqtastyq turaly memorandumnyŋ mındetterın ıske asyru şeŋberınde jäne «Adal baqylau» memlekettık äleumettık joba aiasynda «Nūr-Sūltan qalalyq bılım beru ūiymdarynda tamaqtandyrudy ūiymdastyru» taqyrybynda onlain-qoǧamdyq tyŋdau öttı. 
Qoǧamdyq tyŋdau kezınde memlekettık qyzmetterdı körsetu sapasy, memlekettık qyzmet salasyndaǧy baqylau, sybailas jemqorlyqqa qarsy monitoring, sybailas jemqorlyq täuekelderın taldau, qoǧamda sybailas jemqorlyqqa qarsy mädeniettı qalyptastyru mäselelerı söz boldy.
Nūr-Sūltan qalasynyŋ bılım beru mekemelerınde qoǧamdyq tamaqtandyrudy ūiymdastyruǧa arnalǧan tenderler ötkızu kezınde köptegen zaŋ būzuşylyqtar anyqtalǧany köterılgen mäsele boldy. «Audit qorytyndylary boiynşa anyqtalǧan zaŋ būzuşylyqtardy joiu turaly qalalyq memlekettık satyp alu bölımıne būiryq şyǧaryldy. Audit barysynda komissiialardyŋ dūrys jūmys jasamaǧany jäne jekelegen jetkızuşılerdıŋ müddelerın qorǧaǧany anyqtaldy» dedı «JAŊARU» sybailas jemqorlyqqa qarsy jalpyūlttyq qozǧalys respublikalyq qoǧamdyq bırlestık töraǧasynyŋ orynbasary, Nūr-Sūltan filialynyŋ direktory Däuletkerei Rahmetullin osy mäsele boiynşa jelıde ötken qoǧamdyq tyŋdau kezınde. Baiandamaşy naqty mysal keltırdı. «Mysaly, bır jetkızuşı jetı lot boiynşa jeŋıske jetken, būl TK Nauryzbaev, ol kelesı būzuşylyqtarmen konkursqa jıberılgen iaǧni naryqtaǧy täjıribege säikes oǧan 6,8 balldyŋ ornyna zaŋsyz türde 10 ball berıldı, ondai būzuşylyqtar barlyq jetı lotta kezdesedı. Ūqsas būzuşylyqtar baiqaudyŋ barlyq derlık partiialarynda anyqtaldy» dedı. Anyqtalǧan faktılerden basqa onyŋ aituynşa, äleuettı önım beruşılerge memlekettık satyp alu prosedurasyna qatysu üşın teŋ mümkındıkter beru jäne olardyŋ ädıl bäsekelestıgı üşın memlekettık satyp alu qaǧidattary būzylǧan. «Būdan şyǧatyny, komissiia müşelerı jekelegen jetkızuşılerdıŋ müddelerın qoldaumen ainalysqan. Sonymen qatar komissiialardyŋ qūramyn taŋdauda zaŋ būzuşylyqtar bar. Komissiia töraǧasy bırınşı basşysynyŋ orynbasarynan tömen emes lauazymdy adam bolyp taǧaiyndaluy kerek. Alaida barlyq lottar boiynşa baiqau komissiialarynyŋ töraǧalary qoǧam qairatkerlerı men mektep direktorlary bolyp tabylady» dep qosty Däuletkerei Rahmetullin.
Onyŋ mälımdeuınşe, şarttardy būzyp jäne anyqtalǧan būzuşylyqtarǧa jol bergen lauazymdy adamdardyŋ tärtıptık jauapkerşılıgın qarastyrudan basqa, sonymen qatar memlekettık satyp aluǧa qatysuşylardyŋ barlyǧy, onyŋ ışınde konkurstyq komissiianyŋ müşelerı de jauap beruı kerek. Sondai-aq būzuşylyqtarǧa jol bergen jetkızuşıler memlekettık satyp aluǧa josyqsyz qatysuşylardyŋ tızımıne engızıluı tiıs. «JAŊARU» sybailas jemqorlyqqa qarsy jalpyūlttyq qozǧalys RQB töraǧasynyŋ orynbasary, Nūr-Sūltan filialynyŋ direktory Däuletkerei Rahmetullin osy mäselelerdı şeşuge arnalǧan ūsynystar memlekettık organdardyŋ jauapty tūlǧalaryn şaqyra otyryp jäne qarjylyq baqylau organdary, qūqyq qorǧau organdarynyŋ ökılderı barlyq ıs-äreketterdıŋ zaŋdylyǧyn baǧalau üşın Nūr-Sūltan qalasy Qoǧamdyq keŋesınıŋ talqylauyna jıberıluı kerektıgın mälımdedı.
Qoǧamdyq tyŋdauǧa qatysqan Nūr-Sūltan äkımdıgınıŋ jergılıktı özın-özı basqaru organdarynyŋ, qūqyq qorǧau organdarynyŋ, ükımettık emes ūiymdardyŋ, būqaralyq aqparat qūraldarynyŋ basşylary, sondai-aq «JAŊARU» RQB belsendılerı qūqyq būzuşylyqtarǧa, sybailas jemqorlyqqa müldem tözbeuşılık atmosferasyn qūru, sybailas jemqorlyq körınısterınıŋ aldyn-alu jäne boldyrmau, olardyŋ saldaryn barynşa azaitu turaly öz ūsynys-pıkırlerın aitty.
Ūqsas jaŋalyqtar
Leave a Reply