Memleket basşysy Aqparat jäne qoǧamdyq damu ministrı Aida Balaevany qabyldady.
Qazaqstan Prezidentıne ministrlık jūmysynyŋ qorytyndylary, sondai-aq, onyŋ qyzmetın odan ärı damytu turaly aqparat berıldı.
Kezdesude aqparattyq saiasat jäne azamattyq qoǧam mäselelerıne erekşe nazar audaryldy. Atap aitqanda, Aida Balaeva otandyq būqaralyq aqparat qūraldaryn damytu, olardyŋ bäsekege qabılettılıgın arttyru, sonymen qatar, ükımettık emes ūiymdardyŋ äleumettık bastamalaryn qoldau jäne «Ruhani jaŋǧyru» baǧdarlamasyn ıske asyru jaiynda baiandady.
Kezdesu qorytyndysy boiynşa Prezident ministrlık aldyna bırqatar naqty mındetter qoidy.
Qazaqstan Prezidentı Memlekettık qyzmet ısterı agenttıgınıŋ töraǧasy Anar Jaiylǧanovany da qabyldady.
Anar Jaiylǧanova Qasym-Jomart Toqaevqa agenttık jūmysynyŋ negızgı baǧyttary boiynşa esep berdı.
Memleket basşysy «Prezidenttık jastar kadrlyq rezervı» boiynşa jūmysty jalǧastyrudy, oǧan engen azamattardyŋ jūmyspen qamtyluyna monitoring jürgızu jäne rezervke kıru şarttaryn retteudı tapsyrdy.
