Qazaqstan Prezidentınıŋ baspasöz hatşysy Berık Uäli «Egemen Qazaqstan» basylymyna bergen sūhbatynda Memleket basşysynyŋ qai gazetterdı jiı oqityny turaly mälım ettı.
«Egemen Qazaqstan», «Aiqyn», «Astana aqshamy» gazetterın kündelıktı oqidy. Olardan basqa «Ana tılı», «Türkıstan», «Qazaq ädebietı», «Jas qazaq», «Almaty aqşamy» sekıldı aptalyqtardy qarap, baqylap otyrady. Eger jaqsy maqalalar, sūhbattar şyqsa, asyqpai oqyp, astyn syzyp, tıptı keibırıne qatysty būryştama soǧyp jatady. Merzımdı basylymdarǧa şyqqan syni nemese problemalyq maqalalardy oqyp, qūzyrly organdarǧa arnaiy tapsyrmalar beretın kezderı de bolady, – dedı Berık Uäli.
Ol söz arasynda qoǧamdaǧy maŋyzdy mäselelerdı köteretın telehabarlardy da körıp, qazaq radiohabarlaryn tyŋdaitynyn jetkızdı.
