r
r
Tılegen QASKİN,
QR Memlekettık qyzmet ısterı agenttıgınıŋ Astana qalasy boiynşa departamentınıŋ basşysy – Tärtıptık keŋes töraǧasy
– Qūrmettı Tılegen Tölegenūly, qyzmetıŋızge kırıskelı de tört aidyŋ jüzı ötıptı. Būl, ärine, jūmystyŋ jemısın tarazyǧa salyp köretın kezeŋ emes. Degenmen, osy qysqa merzımde tolymdy qandai ıs jasadym dep aita alasyz?
– Elımızdıŋ bas qalasy Astanaǧa kelgende ädetımşe jaŋa qyzmet ornymdaǧy jūmys barysymen tanysyp, jetken jetıstıktı eseleudı maqsat etıp, ūjymmen «bır qoldan jeŋ, bır jaǧadan bas şyǧaryp», bırlesıp, tüitkıldı mäselelerdı şeşuge bılek sybana kırıskenımızge de tört ai uaqyt ötıptı.
Ūzaq uaqyttan memlekettık saiasatty jüzege asyru salasynda eŋbek etıp jürgen soŋ, būl men üşın tosyn mındet emes. Jaŋa ūjymǧa basşylyqqa kelgelı bırşama kelelı ısterdı jüzege asyrdyq dep aita alamyn.
Mysal keltırer bolsaq, osy qysqa merzım ışınde 20-ǧa juyq seminar-keŋes ötkızıp, qoǧamdyq ömırdegı jaǧdaiattardan ajyratylmai, äleumettık tūrǧydaǧy bırqatar şaralardy jüzege asyrdyq.
Atap aitsaq, Elbasymyz N.Ä.Nazarbaevtyŋ jetekşılıgındegı «Nūr Otan» partiiasynyŋ Astana qalalyq filialy qoǧamdyq qabyldau bölmesınde alǧaş ret azamattardy jeke qabyldau şarasyn ötkızdık. Sonyŋ barysynda azamattardyŋ tolǧandyrǧan sūraqtaryna orai tiıstı tüsınıktemeler berıldı.
Sonymen qatar, QR Memlekettık qyzmet ısterı agenttıgınıŋ qūrylǧanyna 15 jyl tolu mereitoiy men «Qarttar künı» merekesı qarsaŋynda Departamentke basşylyq etken, eŋbek sıŋırgen, qazırgı zeinet demalysyndaǧy ardagerlermen kezdesu ūiymdastyrdyq. Kezdesu kezınde zeinetkerlerımızdıŋ hal-ahualyna basa köŋıl audarylyp, elımızdegı memlekettık qyzmette jürgızılıp jatqan reformalar jaiy talqylandy. Eŋbegı eren aǧa buyndy atauly merekemen qūttyqtap, alǧys bıldırıp, estelık syilyqtar tabys ettık.
Atauly mereke qarsaŋynda Astana qalasyndaǧy memlekettık organdarmen bırlesıp sporttyq şaralar ūiymdastyrdyq.
Resmi formattaǧy jinalystardan basqa memlekettık organdarmen bırlesıp, qūrylys salasyndaǧy sybailas jemqorlyqtyŋ aldyn alu jäne boldyrmau mäselesıne qatysty «döŋgelek üstel» otyrysy ötkızıldı.
«Döŋgelek üstelge» Astana qalasy boiynşa Ekonomikalyq qylmysqa jäne sybailas jemqorlyqqa qarsy küres departamentı (Qarjy polisiiasy), «Nūr Otan» partiiasy, Astana qalasy äkımdıgınıŋ basqarma basşylary, sonymen qatar, elordadaǧy qūrylys jäne jobalau kompaniialarynyŋ ökılderı qatysty. Mändı mäslihat üstınde Elbasynyŋ sybailas jemqorlyqpen ymyrasyz küres mäselesı jaily tapsyrmalarynyŋ Astana qalasyndaǧy aumaqtyq jäne jergılıktı atqaruşy memlekettık organdar tarapynan oryndaluy turaly mäseleler ortaǧa salyndy.
Memlekettık qyzmet turaly zaŋnamalardyŋ negızgı jaŋa engızılımderın ıske asyru boiynşa Astana qalasy memlekettık organdarynyŋ personaldy basqaru qyzmetı basşylarynyŋ basyn qosyp, seminar-keŋes ötkızdık. Jiynǧa Qazaqstan Respublikasy Prezidentınıŋ janyndaǧy Memlekettık basqaru akademiiasy ökılderı qatysyp, baiandamalar jasaldy. Qatysuşylar memlekettık qyzmettı ötkeru, Qazaqstan Respublikasy «Memlekettık qyzmet turaly» zaŋnama talaptarynyŋ saqtaluy turaly mäselelerdı talqylap, pıkır almasty.
Sonymen qatar, memlekettık qyzmetşılerdıŋ Ar-namys kodeksı talaptaryn saqtau jönınde Astana qalasy Ädılet departamentınıŋ ūjymymen kezdesu ötkızıp, memlekettık qyzmetşılerdıŋ qyzmet etikasy, azamattarmen qarym-qatynasta sypaiylyq jäne ädeptılık saqtauy turaly tüsınıktemeler berılıp, Elbasy N.Ä.Nazarbaevtyŋ «Qazaqstan-2050» strategiiasy: qalyptasqan memlekettıŋ jaŋa saiasi baǧyty» Joldauyndaǧy memlekettık qyzmet salasyndaǧy reforma jaiy talqylandy.
Statistika departamentı ūjymymen ötkızılgen jiyn barysynda Qazaqstan Respublikasynyŋ «Memlekettık qyzmet turaly» Zaŋyna engızılgen negızgı özgerıster men tolyqtyrular turaly äŋgımelenıp, memlekettık qyzmettıŋ jaŋa modelı tūjyrymdamasyn jüzege asyruda Agenttık pen onyŋ aumaqtyq bölımşelerı qyzmetınıŋ negızgı baǧyttary tüsındırıldı.
QR Memlekettık qyzmet ısterı agenttıgı töraǧasynyŋ būiryǧymen «Memlekettık qyzmetter turaly» Zaŋdy ıske asyru jönındegı ıs-şaralar josparyn oryndau maqsatynda Departament janynda jeke tūlǧalarmen, kommersiialyq emes ūiymdarmen memlekettık qyzmetter körsetu mäselelerı boiynşa özara ıs-qimyl jäne yntymaqtastyq jönındegı Qoǧamdyq keŋes qūrylǧan bolatyn. Qoǧamdyq keŋestıŋ qūramy Departament basşylyǧynyŋ qūramynan, qoǧamdyq bırlestıkter, ükımettık emes ūiymdar, būqaralyq aqparat qūraldary ökılderınen tūrady. Osy qoǧamdyq keŋes jūmysyn jandandyru maqsatynda otyrystar ötkızılıp, jeke tūlǧalarmen, kommersiialyq emes ūiymdarmen memlekettık qyzmetter körsetu mäselelerı talqylandy.
Osy tūrǧyda, köpşılık qyzmetın jiı paidalanatyn Astana qalasynyŋ Halyqqa qyzmet körsetu ortalyǧy, Astana qalasynyŋ Densaulyq saqtau basqarmasy, Astana qalasynyŋ IID Jol polisiiasy basqarmasy basşylarynyŋ esepterı tyŋdaldy. Memlekettık organdardyŋ uaqytyly jäne sapaly qyzmet körsetuı, onyŋ qoljetımdılıgı, sapasyna halyqtyŋ qanaǧattanuyna basa nazar audaryldy.
Qazaqstan Respublikasy «Memlekettık qyzmet turaly», sybailas jemqorlyqqa qarsy zaŋnamanyŋ jäne Qazaqstan Respublikasy Memlekettık qyzmetşılerınıŋ Ar-namys kodeksınıŋ talaptaryn saqtauy boiynşa jürgızılgen josparly tekserıs nätijelerı turaly Astana qalasynyŋ Işkı saiasat basqarmasy, Käsıpkerlık jäne önerkäsıp basqarmasy ūjymdarynyŋ qatysuymen seminarlar ötkızılgenın de atap ötken jön.
Qazaqstan Respublikasynyŋ «Memlekettık qyzmet turaly» Zaŋyna özgerıster men tolyqtyrular engızıluı, sybailas jemqorlyqty boldyrmau men aldyn alu, memlekettık qyzmetşılerdıŋ qyzmet etikasyn saqtauy jaily Astana qalasynyŋ Salyq basqarmasynda, Memlekettık sanitarlyq-epidemiologiialyq baqylau departamentınde, Agroönerkäsıptık keşendegı memlekettık inspeksiia komitetınıŋ Astana qalasy boiynşa aumaqtyq inspeksiiasynda, Astana qalasynyŋ Saryarqa, Esıl audany äkımı apparattarynda seminar-keŋester ötkızdık.
Seminarlar barysynda memlekettık qyzmetşılerdı baǧalau, attestattau jäne bos memlekettık äkımşılık lauazymdarǧa ümıtkerlerdı testıleu men konkurstar ötkızu, memlekettık qyzmetşılerdıŋ ar-namys kodeksı talaptaryn saqtauy jäne sybailas jemqorlyqtyŋ aldyn alu mäselesıne qatysty tüsınıktemeler berıldı.
Seminar-keŋesterdı jiırek ötkızudıŋ özındık tiımdı jaǧy da bar. Aitalyq, konkurstyq ırıkteu jüiesıne, memlekettık qyzmette meritokratiia prinsipterınıŋ saqtaluyna halyq senımınıŋ deŋgeiın arttyru, memlekettık qyzmetşılerdıŋ käsıbilıgın, memlekettık qyzmetşılerdıŋ etikasyn saqtau, memlekettık qyzmet körsetu sapasyn jetıldıru jönındegı köptegen tüsındırmelerdı osy seminarlar barysynda ortaǧa salyp, memlekettık qyzmetşılerge jetkızıp jatamyz.
Memlekettık qyzmettı jetıldıru maqsatynda saraptamalyq keŋes qūrylyp, qazan aiynda onyŋ alǧaşqy otyrysyn ötkızdık. Saraptamalyq keŋes qūramy jergılıktı atqaruşy organdar men ortalyq memlekettık organdardyŋ aumaqtyq bölımşelerınıŋ personaldy basqaru qyzmetınıŋ basşylarynan qūryldy. Keŋes barysynda ūiymdastyru jūmystary men kelesı otyrystyŋ kün tärtıbı mäselelerı qaraldy.
Jalpy, memlekettık qyzmet salasyndaǧy eŋ maŋyzdy mäsele – būl personaldyŋ jetık bılımdı ärı bılıktı boluy dep esepteimın. Osy rette, memlekettık qyzmetşılerdı oqytu, bılıktılıgın arttyru mäselesıne basa nazar audaryp kelemız. Būl maqsatta Qazaqstan Respublikasy Prezidentı janyndaǧy Memlekettık basqaru akademiiasynyŋ basşylyǧymen bırneşe basqosular ötkızdık. Juyrda Astana qalasyndaǧy memlekettık organdardyŋ personaldy basqaru qyzmetı basşylarynyŋ qatysuymen memlekettık qyzmetşılerdı oqytu taqyrybynda seminar keŋes ūiymdastyrdyq. Oǧan QR Memlekettık qyzmet ısterı agenttıgınıŋ ökılı qatysyp, memlekettık qyzmet salasyndaǧy reformalar, memlekettık qyzmetşılerdı oqytu barysyndaǧy tüitkıldı mäseleler talqylandy. Memlekettık basqaru akademiiasynda memlekettık qyzmetşılerdı oqytu mäselesı töŋıregınde Departamenttıŋ tarihyn alyp qarasaq, mūndai kezdesuler ötkızılmegen eken. Mūny memlekettık qyzmetşılerdıŋ bılıktılıgın arttyrudaǧy oŋ qadam dep baǧalauǧa da bolady.
Sonymen qatar, osy jylǧy mausym aiynan bastap, «B» korpusynyŋ memlekettık äkımşılık lauazymdaryna ümıtkerlerdı testıleuden ötkızu Agenttıkten Departamentke berıldı. Būl, 2012 jylǧy 29 jeltoqsandaǧy «Memlekettık qyzmet turaly» Zaŋǧa engızılgen özgerıs boiynşa, memlekettık äkımşılık lauazymǧa ümıtkerlerdı alǧaşqy kezekte testten ötkızuge bailanysty engızgen özgerıske säikes jüzege asyryldy.
Mausym aiynan berı testıleuden ötuge 4000-ǧa juyq ümıtkerden qūjattar qabyldadyq, sonyŋ ışınde tömengı şekten ötkenderı 50%-dy qūraidy. Būl – respublika boiynşa eŋ joǧarǧy körsetkış.
Taǧy bır aita ketetın närse, ışkı jinalystar barysynda Departament qyzmetşılerınıŋ eŋbek önımdılıgın arttyru mäselelerın ortaǧa salyp, qyzmetşılerınıŋ toqsan saiyn atqarǧan jūmystary saralanyp keledı.
– Tärtıptık keŋes kez kelgen memlekettık qyzmetkerdı teksere ala ma?
– Qazaqstan Respublikasy Memlekettık qyzmet ısterı agenttıgınıŋ Astana qalasy boiynşa departamentı elımızdegı basqa da memlekettık organdary sekıldı öz jūmysyn memleketımızde qabyldanǧan zaŋnamalar aiasynda jürgızedı.
Al, endı, Qazaqstan Respublikasynyŋ «Memlekettık qyzmet turaly» Zaŋyna keletın bolsaq, Departament memlekettık qyzmet ısterı jönındegı uäkılettı organnyŋ aumaqtyq bölımı retınde memlekettık qyzmet salasynda bıryŋǧai memlekettık saiasatty jüzege asyratyn memlekettık organ retınde Astana qalasyndaǧy memlekettık organdardyŋ memlekettık qyzmet salasyndaǧy zaŋdardyŋ saqtaluyn baqylaudy jüzege asyrady.
Memlekettık qyzmetşılerge kelsek, Qazaqstan Respublikasy Prezidentınıŋ 2005 jylǧy 30 mausymdaǧy № 1598 Jarlyǧymen bekıtılgen «Qazaqstan Respublikasy Memlekettik qyzmet isteri agenttıgınıŋ oblystardaǧy, Astana jäne Almaty qalalaryndaǧy tärtıptık keŋesterı turaly Erejesıne» säikes, tärtiptik keŋes arqyly Qazaqstan Respublikasynyŋ sybailas jemqorlyqqa qarsy zaŋnamasynyŋ normalary men Ar-namys kodeksin būzuǧa qatysty aumaqtyq nemese jergılıktı atqaruşy organdardyŋ memlekettık qyzmetşılerınıŋ, qūqyq qorǧau organdary qyzmetkerlerınıŋ, sondai-aq memlekettık funksiialardy oryndauǧa uäkilettı özge de lauazymdy adamdardyŋ (Parlament jäne mäslihat deputattarynan, sudialardan basqa) tärtiptik isterin qaraidy.
– Tärtıp būzǧan memlekettık qyzmetkerge qandai şara qoldanylady?
– Osy tūsta QR Memlekettık qyzmet ısterı agenttıgınıŋ töraǧasy Ä.Baimenovtıŋ «Bas prokuratura, Qarjy polisiiasy mamandary jasalǧan qylmyspen küresıp, olardy anyqtau jäne jazalau jūmystarymen ainalysatyn bolsa, bızdıŋ mındetımız – jemqorlyqtyŋ aldyn alu, tärbie, ädeptılık normalaryn sıŋıru» degen sözın atap ötkım keledı. Halqymyz da töl mädenietınde jazalau arqyly tärtıptı jönge qoiu mümkın emes ekenın ūǧynyp, dūrysy – tärbie men jönge saluǧa män bergen.
Iаǧni, Departament öz jūmysynda memlekettık qyzmetşılerdıŋ qūqyq būzuşylyq jasap, jazaly bolǧanynan görı, sol qūqyq būzuşylyqqa barmau, onyŋ aldyn alu mäselesıne basty nazar audaryp keledı.
Degenmen, memlekettık qyzmetşı öz mındetın atqaru barysynda tärtıp būzuşylyqqa barsa, Qazaqstan Respublikasy «Memlekettık qyzmet turaly» Zaŋynyŋ 28-babyna säikes, qyzmetşılerge tärtıptık terıs qylyq jasaǧany üşın jazanyŋ eskertu, sögıs, qataŋ sögıs, qyzmetke tolyq säikes emestıgı turaly eskertu, lauazymyn tömendetu, atqaratyn lauazymynan bosatu türlerı qoldanylady. Eger, tärtıptık jauaptylyqqa äkep soǧatyn jemqorlyq qūqyq būzuşylyq jasaǧany üşın memlekettık qyzmetşıge qyzmetke tolyq säikes emestıgı turaly eskertu, lauazymyn tömendetu, atqaratyn lauazymynan bosatu sekıldı jazalar berıledı.
– Qalanyŋ memlekettık qyzmetkerlerı arasynda ar-namys kodeksın būzǧandar boldy ma?
– Halqymyzdyŋ has batyry Bauyrjan Momyşūly «Tärtıpke baǧynǧan qūl bolmaidy, tärtıpsız – el bolmaidy» dep atap ötkenındei, elımızdıŋ qai azamaty bolmasyn tärtıpke baǧynuy qajet. Būl, äsırese, Elbasymyzdyŋ atap ötkenındei, abyroily mındet, memlekettık qyzmet salasynda jürgen azamattarǧa jükteler ülken jauapkerşılık. Osy oraida, aǧymdaǧy jyly Astana qalasyndaǧy memlekettık organdarda qyzmet atqaratyn tärtıp būzǧan bırşama memlekettık qyzmetşılerdıŋ ısı Tärtıptık keŋeste qaraldy. Atap aitsaq, ar-namys kodeksın būzǧan 6 memlekettık qyzmetşınıŋ tärtıptık ısı qaraldy. Tärtıptık keŋes şeşımıne säikes, Astana qalasynyŋ Densaulyq saqtau basqarmasy jäne Astana qalasynyŋ Säulet jäne qala qūrylysy basqarmasynyŋ qyzmetşılerı bolyp tabylatyn 2 memlekettık qyzmetşıge qataŋ sögıs jariialanyp, 4 memlekettık qyzmetşı eskertu türınde tärtıptık jauapkerşılıkke tartyldy.
– Joǧary oqu ornyn jaŋadan bıtırgen jas memlekettık qyzmetke barǧysy kelse, «eŋbek ötılıŋ joq» dep almaidy. Ne ısteu kerek?
– Jalpy, elımızdegı barlyq mäseleler, onyŋ ışınde memlekettık qyzmet pen eŋbek jaǧdaiattary qūqyqtyq normalarmen belgılengen.
Qazaqstan Respublikasynyŋ «Memlekettık qyzmet turaly» Zaŋyna säikes, Qazaqstan Respublikasy azamattarynyŋ memlekettık äkımşılık lauazymdarǧa ornalasuǧa qūqyǧy bar. Memlekettık qyzmetke qabyldau zaŋnamaǧa säikes konkurs negızınde jürgızıledı.
Ärine, atalǧan zaŋnama talabyna sai ümıtkerdıŋ qajettı bılımı, käsıbi daiarlyq deŋgeiı boluy jäne belgılengen bılıktılık talaptaryna sai keluı qajet.
Qazaqstan Respublikasy Memlekettık qyzmet ısterı agenttıgınıŋ 2008 jylǧy 9 qaŋtardaǧy būiryǧymen bekıtılgen «B» korpusy memlekettık äkımşılık lauazymdarynyŋ sanattaryna ülgılık bılıktılık talaptarynda» joǧary oqu ornyn jaŋadan bıtırgen ümıtkerlerdı de memlekettık qyzmetke qabyldau közdelgen.
Atap aitsaq, V-5,S-5, S-O-5,S-O-6, S-R-4. S-R-5, D-5, D-O-4, D-O-5, D-O-6, E-4, E-5, E-R-4, E-R-5, E-G-3, E-G-4 sanattaryna joǧary oqu ornyn bıtırgen soŋ, eŋbek ötılınsız de konkursqa qatysyp, memlekettık qyzmetke qabyldanuǧa bolady.
Elbasymyzdyŋ memlekettık qyzmette meritokratiia ädısın keŋ qoldanu turaly tapsyrmasyna säikes, ümıtkerdıŋ bılımı men bılıgı jäne memleketke, Otanyna qyzmet etuge degen jıgerı bolsa, jastardyŋ qyzmet satysynda örleuıne qazırgı taŋda bızdıŋ memleketımızde qoldau mol.
– «A» jäne «B» korpustary memlekettık äkımşılık qyzmetşılerınıŋ qyzmetın baǧalau jäne attestattaudan ötkızu qalai jürgızıledı?
– Bırınşı kezekte aityp öteiın, 2012 jylǧy 29 jeltoqsanda Qazaqstan Respublikasynyŋ «Memlekettık qyzmet turaly» Zaŋyna engızılgen özgerıster men tolyqtyrulardyŋ erekşelıgı memlekettık äkımşılık qyzmettıŋ «A» jäne «B» korpustaryna bölınuı jäne memlekettık äkımşılık qyzmetşılerdı attestasiialaudan ötkızu aldynda jyl saiyn baǧalaudy jürgızu engızıldı.
Iаǧni, memlekettık äkımşılık qyzmetşı üş jyl qatarynan joǧary baǧaǧa ie bolsa, ol attestasiiadan ötkızılmeidı, kerısınşe, tömen baǧa alsa attestasiiaǧa jıberıledı. Būl, bırınşıden, memlekettık qyzmet personalyn basqaruda memlekettık qyzmetşılerdı mındettı türde attestasiialau nauqanyn tiımdı jūmys atqaru baǧytyna baǧyttau bolyp tabylady.
Qyzmetşılerdıŋ qyzmetın jyl saiynǧy baǧalau olardyŋ jūmysynyŋ sapasy men tiımdılıgın aiqyndau üşın ötkızıledı.
Qazaqstan Respublikasy Prezidentınıŋ 2013 jylǧy 22 nauryzdaǧy №527 Jarlyǧymen bekıtılgen memlekettık äkımşılık qyzmetşılerdıŋ qyzmetıne jyl saiynǧy baǧalau jürgızu jäne olardy attestattaudan ötkızu qaǧidalarynda sızdıŋ sūraǧyŋyzǧa qatysty memlekettık qyzmetşılerdı baǧalau men attestattaudan ötkızu mäselelerı keŋınen qamtylǧan.
Attestattau «B» korpusy qyzmetşılerınıŋ käsıbi daiarlyq deŋgeiı men olarǧa jüktelgen lauazymdyq mındetterın uaqtyly jäne sapaly, tiıstı deŋgeide oryndau qabıletın aiqyndau bolyp tabylady.
Attestattau memlekettık qyzmet ısterı jönındegı uäkılettı organ belgılegen tärtıppen attestattauǧa jatatyn «B» korpusy qyzmetşısın testıleu, attestattau komissiiasy ötkızetın äŋgımelesu, attestattau komissiiasynyŋ şeşım şyǧaruy kezeŋderın qamtidy.
Attestattau komissiiasy tabys etilgen materialdardy zerdelep jäne testıleuden ötu kezinde şekti männen tömen emes baǧa alǧan «B» korpusy qyzmetşisımen äŋgimeleskennen keiın memlekettık qyzmetşınıŋ atqaratyn lauazymyna säikes nemese qaitadan attestattaluǧa tiis, atqaratyn lauazymyna säikes emestıgı turaly şeşımderdıŋ bırın qabyldaidy.
Qyzmetşınıŋ memleket aldyndaǧy eŋbegın baǧamdau maqsatynda juyrda memlekettık qyzmet turaly zaŋnamalarǧa özgerıster men tolyqtyrular qabyldau barysynda keminde on bes jyl memlekettık qyzmet ötılı bar «B» korpusy qyzmetşılerın testileuge jıbermeu sekıldı kötermeleu sipatyndaǧy erekşelıkter engızıldı. Testıleuden ötude şekti männen tömen baǧa alǧan «B» korpusy qyzmetşisı äŋgimelesuge jiberilmeidi.
Eger qaita testıleuden ötu kezinde «B» korpusy qyzmetşısı taǧy da şekti männen tömen baǧa alsa, attestattau komissiiasy qaitadan attestattaluǧa tiis nemese atqaratyn lauazymyna säikes emestıgı şeşimderdiŋ birin qabyldaidy.
Qaita attestattau aldyŋǧy attestattau ötkızılgen künnen bastap üş aidan keiın ötkızıledı.
Testıleuden ötu kezinde şekti männen tömen baǧa alǧan «B» korpusy qyzmetşısıne tek bır ret qana qaita testıleuden ötu qūqyǧy berıledı. Eger qaita testıleuden ötu kezinde «B» korpusy qyzmetşısı taǧy da şekti männen tömen baǧa alsa, attestattau komissiiasy şeşımımen atqaratyn lauazymyna säikes kelmeitını turaly şeşım qabyldanady.
Attestattaudyŋ terıs nätijelerı «B» korpusy qyzmetşısınıŋ memlekettık qyzmettı toqtatu ne lauazymyn tömendetu üşın negız bolyp tabylady.
Būǧan deiıngı qoldanysta bolǧan zaŋnamamen salystyrǧanda engızılgen negızgı özgerısterdıŋ bırı – qyzmetşınıŋ attestattauǧa dälelsız sebeptermen qatyspaǧany jaǧdaiynda ony tärtıptık jauapkerşılıkke tartu mäselesı qarastyrylǧan. Sonymen qatar, «B» korpusy qyzmetşısı dälelsız sebeptermen attestattauǧa qatyspaǧan jaǧdaida ony tärtıptık jauapkerşılıkke tartudy mındetteidı.
– Aldaǧy jūmys josparlaryŋyz qandai?
– Menıŋ oiymşa, är adamnyŋ taiaudaǧy jäne bolaşaqtaǧy jospary bolmaq. Taiaudaǧy jospar turaly aitsam – el täuelsızdıgınıŋ 22 jyldyǧyn joǧary deŋgeide atap ötu. Al mūndai merekelerdı atap ötu – qazaqstandyq azamatqa, äsırese, astanalyq adamǧa, onyŋ ışınde memlekettık qyzmetkerge merekelık köŋıl-küimen bırge, Elbasy saiasatyn jüzege asyruda ülken jauapkerşılık pen abyroi biıgınen körınudı mındetteidı. Jalpy, mūndai memlekettık maŋyzy bar merekeler bızge täuelsız memlekettıŋ azamaty ekenımızdı, sol memlekettıŋ qyzmetkerı ekenımızdı sezındıre tüsedı. Al bolaşaqtaǧy josparlarǧa kelsek, Elbasymyz N.Ä.Nazarbaev «Qazaqstan -2050» Strategiiasynda «Bızdıŋ basty maqsatymyz 2050 jylǧa qarai älemnıŋ eŋ damyǧan 30 elınıŋ qataryna kıru» mındetın qoiǧan edı. Osy maqsatty ıske asyruda memlekettık apparat qyzmetınıŋ funksionaldylyǧy men tiımdılıgın barynşa joǧarylatudyŋ maŋyzdylyǧyn erekşe aityp öttı. Aldaǧy uaqytta el üşın adal qyzmet etetın memlekettık qyzmetşılerdı ırıkteu jäne olardyŋ käsıbi deŋgeiın joǧarylatu kezınde meritokratiia qaǧidatyn küşeitu, barlyq memlekettık organdarda arnaiy basqaru qūrylymdary men tetıkterın jetıldıru, tärtıptık jäne etikalyq baqylaudy küşeitıp, korparativtı mädeniettı jıtıldıru jolynda jäne zamanaui tehnologiialardy paidalana otyryp memlekettık apparattyŋ tiımdılıgın arttyru, memlekettık qyzmet körsetudıŋ sapasyn joǧarylatu boiynşa jūmys jasau. Sonymen qosa memlekettık qyzmetşılerdı oqytu mäselelerı men olardy şeşu jolynda da qarqyndy jūmys jasau mındetı tūr. Qoryta aitqanda, Elbasymyzdyŋ memlekettı basqaru salasyndaǧy ideialaryn jüzege asyruǧa laiyqty türde atsalysu.
Esbol SOSİALHAN
