Nūr-Sūltan qalasy äkımdıgınıŋ №3 köpbeiındı qalalyq balalar auruhanasy emdeluşı büldırşınderge arnap merekelık ıs-şara ūiymdastyrdy.
– «Qalauyn tapsa, qar janady» demekşı, bız, därıgerler, mereilı merekede qoldan kelgenşe büldırşınderge merekelık köŋıl küi men jylulyq sezımın ūialatuǧa tyrystyq. Būl ıs-şaramyz tek mereke qarsaŋynda ǧana emes, bügınge deiın türlı uaqytta ūiymdastyrylyp keledı, – dedı auruhana direktorynyŋ medisinalyq bölım jönındegı orynbasary Roza Ötegenova.
Balalardy merekemen qūttyqtap, jyly lebızın bıldırgennen keiın ıs-şaraǧa qatysuşy büldırşınder öleŋ oqyp, olardyŋ beinenūsqasy auruhananyŋ äleumettık jelılerınde jariialandy. Türlı taqyrypta taqpaqtardy jatqa aitqan kışkentailarǧa körermen qauymnyŋ süiıspenşılıgı zor boldy.
Sondai-aq atalmyş emdeu mekemesınde «Densaulyq – balalar közımen» taqyrybynda suret salu körmesı ūiymdastyryldy. Sol arqyly emdeluşı balalar «Densaulyqty qalai tüsınesıŋ?», «Därıger degen kım?», «Baqytty balalyq şaq», «Merekenıŋ erekşelıgı qandai?» degen sūraqqa jauabyn qaǧaz betındegı suret arqyly jetkızuge tyrysty. «Densaulyq – balalar közımen» taqtaişasyna büldırşınder salǧan suretter ılınıp, şarlarmen bezendırıldı.
Şara barysynda tek büldırşınderge ǧana emes, olardyŋ analaryna da köŋıl böldı. Jas analar bır-bırımen jäne därıgerlermen sūraq-jauap arqyly paidaly aqparat aldy. Mereke künı auruhana ūjymy balalardy beinerolik arqyly qūttyqtady. Onda qoldaryna şar ūstaǧan qyzmetkerler bi arqyly jürektıŋ beinesın jasap, emdeluşılerıne degen qūrmetı men sezımın bıldırdı.
Aqtolqyn AMANJOL,
L.Gumilev atyndaǧy EŪU studentı
