Bügıngı taŋda elordada 700-ge juyq menşık ielerınıŋ bırlestıgı tırkelgen jäne basqarudyŋ jaŋa nysany retınde 1085 jai serıktestık qūrylǧan. Būl jönınde qala äkımdıgınde ötken onlain-brifing barysynda qalalyq MİB ortalyǧynyŋ basşysy Gülvira Äbetova mälım ettı
2020 jyly elımızde tūrǧyn üi zaŋnamasyna tolyqtyrular men özgerıster engızılıp, nätijesınde köppäterlı tūrǧyn üilerge qyzmet körsetetın PİK-terdıŋ ornyna jaŋa basqaru nysandaryn: menşık ielerınıŋ bırlestıkterı men jai serıktestıkter qūru közdelgen bolatyn. Osyǧan orai, MİB ortalyǧynyŋ mamandary tūrǧyndarmen kezdesıp, tüsındıru jūmysyn jürgızude.
Gülvira Serıkqyzynyŋ aituynşa, 2022 jyly atalmyş ortalyq qyzmetkerlerı 7000-nan astam ärtürlı ötınış qarady. Sondai-aq jyl basynan berı sifrlandyru boiynşa 1700 ötınım qabyldanǧan. Olardyŋ arasynda, negızınen, onlain dauys beru, qyzmet jetkızuşılerın auystyru, buhgalteriia jäne dispetcherleu jönındegı ötınış te bar.
– Kün saiyn şamamen 7-10 jaŋa bastamaşyl toptar MİB qūru mäselesı boiynşa WhatsApp jelısıne bır rettık sūraqtardy jıberedı ne qadamdyq süiemeldeu üşın betpe-bet konsultasiiaǧa keledı. Ärine, ötınıştıŋ köp boluy eskı nysandardyŋ jūmysyna jäne üidıŋ qarjy qūraldary turaly aqparatqa qoljetımdılıktıŋ bolmauyna bailanysty bolyp otyr. Keibır nysandar qūjattamany qalpyna keltıruge nemese sot ısın, qabyldau jäne habarlama aktılerın daiyndauǧa kömek sūraidy, sonymen qatar jaŋa menedjerler üşın debitorlyq bereşekke qatysty mäsele de özektı, – dedı G.Äbetova.
Köppäterlı tūrǧyn üilerdıŋ biudjetı şekteulı jäne menşık ielerınıŋ zaŋgerlerge jügınuge mümkındıgı ünemı bola bermeidı. Osyǧan bailanysty tūrǧyndar ortalyqqa jiı jügınedı. Būl rette äsırese PİK qyzmetıne şaǧymdardyŋ jiılep ketkenı şyndyq. Atap aitqanda, tariftı negızsız ösıru, jinalystardy ötkızbei-aq qarajat jinau, keibır PİK nysandary qūjattarynyŋ normativtık qūqyqtyq aktılerge säikes kelmeuı älı de azaimai otyr. Qalalyq MİB ortalyǧynyŋ mamandary osyǧan ūqsas mäseleler boiynşa ai saiyn şamamen 300-ge juyq azamatqa keŋes beredı. Qazır belgılengen keste boiynşa tüsındıru jūmysy jürgızılıp jatyr.
Būl künderı bas qalada 3977 köppäterlı tūrǧyn üi bar. Olardyŋ 2808-ı basqarudyŋ jaŋa nysanyna ötuge jaramdy bolsa, 289-y – şaǧyn otbasylyq jataqhanalar, vedomstvolyq jäne apatty jaǧdaidaǧy, iaǧni basqarudyŋ jaŋa nysanyna öte almaityn tūrǧyn üiler.
Saryarqa audandyq inspeksiiasy bölımınıŋ bas mamany Anuar Raqyştyŋ aituynşa, bas şahardaǧy tūrǧyn üilerdıŋ 68 paiyzy basqarudyŋ jaŋa nysanyna ötken. Osylaişa elordada 700-ge juyq menşık ielerınıŋ bırlestıgı tırkelıp, basqarudyŋ jaŋa nysany retınde 1085 jai serıktestık qūrylǧan. Olardyŋ basym bölıgı Esıl jäne Almaty audanynda ornalasqan.
Tūrǧyn üidı basqarudyŋ jaŋa nysanyna ötu barysynda kezdesıp jatqan problemalar jeterlık. Olardy uaqytyly şeşu maqsatynda elordada tūraqty negızde jūmys jalǧasyp jatyr. Osy mäsele boiynşa Nūr-Sūltan qalasynyŋ Tūrǧyn üi jäne tūrǧyn üi inspeksiiasy basqarmasy jaqynda keŋeitılgen tıkelei efir ötkızdı. Būl jönınde Esıl audandyq inspeksiiasy bölımınıŋ basşysy Ernar Qiiabaev ta atap öttı.
Nūr-Sūltandaǧy MİB ortalyǧynyŋ basşysy Gülvira Äbetova tamyzdyŋ 19-20 künderı elordada menşık ielerı bırlestıgınıŋ mäselelerıne qatysty aşyq esık künderı ötetının, oǧan Amanat partiiasy filialynyŋ, belsendı azamattyq qoǧamdastyqtyŋ, jergılıktı atqaruşy organdar men MİB ökılderınıŋ qatysatynyn jetkızdı. Osy ıs-şara barysynda tūrǧyn üi-kommunaldyq şaruaşylyǧy qoǧamdastyǧynyŋ belsendılerı tūrǧyndar tarapynan tuyndaǧan barlyq sūraqqa jauap beredı jäne özderınıŋ naqty täjıribesımen bölısedı.
Gülbarşyn ÖKEŞQYZY
