Halqymyzdyŋ eŋ köp şoǧyrlanǧan aumaǧy Oŋtüstık Qazaqstannan «EKSPO-2017» halyqaralyq mamandandyrylǧan körmesıne 150 myŋǧa juyq körermen keledı.
Astanaǧa oŋtüstıkten taban tıreitın turisterdıŋ basym köpşılıgı mektep oquşylary eken. 3750 balaǧa qosa, körmege 139 mümkındıgı şekteulı jäne zeinet jasyndaǧy azamattardy qatystyru josparlanyp otyr.
− Oblystan baratyn azamattardyŋ sany belgılı. Olardy tasymaldau jaǧy qarastyrylǧan. Qazırgı uaqytta elordadaǧy joǧary oqu oryndarynyŋ jataqhanalarynan oryn alyp qoidyq. Körmege baratyndardyŋ 15 paiyzy ūşaqpen, al qalǧan 110 myŋ 200 azamat poiyzben jetedı, – dedı Oŋtüstık Qazaqstan oblystyq käsıpkerlık, industriialyq-innovasiialyq damu jäne turizm basqarmasynyŋ bölım basşysy Perizat Qonysbaeva.
Oblystyq auyl şaruaşylyǧy basqarmasy basşysynyŋ orynbasary Asqar Qanybekovtıŋ aituynşa, körmege oŋtüstıkten 12 976 tonna auylşaruaşylyq önımderı jöneltıledı. Astana men Aqmola oblysynyŋ bau-baqşa önımderıne degen qajettılıgın eskere otyryp, 37 ırı jäne orta auyl şaruaşylyǧy tauar öndıruşılerı öz keruenın attandyrmaq. Azyq-tülık tauarlary 25 jük jäne mūzdatqyşy bar arnaiy kölıktermen jetkızılmek.
Güldana TALǦATQYZY
