Memleketımız üşın maŋyzy airyqşa merekenıŋ bırı – 1-jeltoqsan Qazaqstan Respublikasynyŋ Tūŋǧyş Prezidentı künın merekeleuge sanauly künder qaldy. Būl atauly merekenıŋ tarihy 2011 jylǧy 14 jeltoqsanda qabyldanǧan «Qazaqstan Respublikasyndaǧy merekeler turaly» Qazaqstan Respublikasynyŋ zaŋyna tolyqtyrular engızu turaly» zaŋnyŋ qabyldanuynan bastau alady.
Qazaqstan halqy Tūŋǧyş Prezident künın 2012 jylǧy 1 jeltoqsan künı alǧaş ret atap öttı. Būqaranyŋ keŋ qoldauyna ie bolǧan merekede tynyştyq pen berekelı ömırge bastauyna ainalǧan Elbasynyŋ saliqaly saiasatynyŋ jemısıne joǧary baǧa berılıp, jüielı ıstıŋ jalǧasyn tabuyna zor senım bıldırıldı.
1991 jylǧy 1 jeltoqsanda alǧaş ret jalpyhalyqtyq sailau ötıp, egemen Qazaqstannyŋ negızın saluşy – Nūrsūltan Nazarbaev tūŋǧyş ret Prezident bolyp sailandy. Ol jūrttyŋ 98,78% dauysyn jinady.
Būl – jaŋa memleket qalyptasuynyŋ ötpelı kezeŋınde senımdı basşyǧa öz taǧdyryn tapsyrǧan Qazaqstan halqynyŋ jauapty taŋdauy edı. Şyn mänınde, Elbasy Nūrsūltan Nazarbaevtyŋ berekelı baǧdarynyŋ arqasynda täuelsız elımızdıŋ ırgetasy qalanyp, tarihymyz tügendelıp, memleketımızdıŋ ūlttyq rämızderı qabyldandy. Qazaqstan bügınde bükıl älemge tanymal memleketke ainaldy. Qazaqstan Respublikasynyŋ «Qazaqstan Respublikasynyŋ memlekettık täuelsızdıgı turaly» konstitusiialyq zaŋy 1991 jylǧy 16 jeltoqsan künı qabyldandy. Osy zaŋ negızınde elımız memlekettık täuelsızdıgın jariia ettı.
Osy zaŋnyŋ 1-tarauynda: «Qazaqstan Respublikasy – täuelsız, demokratiialyq jäne qūqyqtyq memleket. Ol barlyq memlekettermen özara qatynasyn halyqaralyq qūqyq prinsipteri boiynşa qūrady. Öziniŋ memlekettik täuelsizdigin basqa memleketterdıŋ tanuy üşin Qazaqstan Respublikasy aşyq» – delıngen. Sodan bergı jiyrma ekı jylda eldıŋ ırgesı sögılgen joq. Ūltaralyq tatulyqqa syzat tüspedı.
«Qazaqstan Respublikasynyŋ memlekettık täuelsızdıgı turaly» konstitusiialyq zaŋdy qabyldau el egemendıgınıŋ şynaiy egemendıgınıŋ bastauy boldy. Tyŋnan türen salǧan Qazaqstan halqy, onyŋ Köşbasşysy täuelsız memlekettıŋ basym baǧyttaryn nyǧaitty. Eŋ aldymen, şynaiy egemendıktı jariia etıp, syrtqy älemge tanyluǧa qol jetkızdı. Älem Qazaqstandy Elbasynyŋ arqasynda tanydy, moiyndady. Elbasy «Bırlık bar jerde tırlık bar» degen edı. «Qazaqtyŋ bükıl tarihy – bırıgu tarihy» dep Elbasy aitqandai, Egemendık, Täuelsızdık, Ana tılı ūltty bırıktıruşı küşke, ūlttyq ideologiianyŋ ruhani tıregıne ainaldy. Ol memlekettıŋ ör-keniettı damu jolyn ūsyndy. Prezidenttık saiasi institut engızdı. Osylai qazaqtyŋ Tūŋǧyş Prezidentı Nūrsūltan Äbışūly Nazarbaev Ata zaŋǧa süienıp, halyq aldynda Ant berdı. Täuelsız Qazaqstannyŋ kök Bairaǧyn tızerlep otyryp süigenı – tarihi sät edı. Būl bırınşı ret ötkızılgen inaugurasiia bolatyn. Ǧasyrǧa bergısız jiyrma jyldyŋ ışınde qazaq degen ūltty, Qazaqstan atty memlekettı älemnıŋ alyp elderı moiyndap, strategiialyq ärıptestıkke ūmtyldy. Qazaqtyŋ şekarasy aiqyndalyp, ol Resei, Qytai, Özbek elı parlamentınde tiıstı ratifikasiialanyp, zaŋdy qūjatqa ainaldy.
Qazaqstan Respublikasynyŋ Prezidentı N.Nazarbaev «Qazaqstan – 2050» strategiiasy qalyptasqan memlekettıŋ jaŋa saiasi baǧyty» atty halyqqa Joldauynda memlekettık qyzmettıŋ biık jauapkerşık jükteitınıne basymdyq bere otyryp, bız qalyptastyrǧan jüie barlyq azamattardyŋ teŋ qūqylarǧa ie boluyn, kadrlardy ırıktep joǧarylatuda memlekettık apparat qyzmetınıŋ käsıbilıgı men aşyqtyǧynyŋ barynşa joǧary deŋgeiın qamtamasyz etetının atap ötken bolatyn.
Mıne, osy oraida Elbasy öz bastamasymen memlekettık qyzmet salasynda meritokratiia, tiımdılık, nätijelılık, transparenttık jäne qoǧamǧa eseptılık qaǧidattaryna negızdelgen memlekettık qyzmet jüiesın käsıbilendıru, memlekettık basqaru jüiesınıŋ bäsekege qabılettılıgı men halyqqa sapaly qyzmet körsetuın qamtamasyz etu maqsatynda osy saladaǧy normativtık-qūqyqtyq aktılerge özgerıster men tolyqtyrular engızılıp, jetıldırdı.
Tūŋǧyş Prezident qazaq ūltynyŋ ūiysyp, ırgelı memlekettı qūrauşy retınde qalyptasuynda maŋyzdy röl atqardy. Öitkenı, prezidenttık basqaru pışımı men täuelsızdıktıŋ jiyrma jyldyq täjıribesı elımız üşın osy basqaru nyşanynyŋ tiımdı bolyp, ışkı jäne syrtqy saiasattyŋ negızgı baǧyttaryn saralauǧa mümkındık berdı.
Qazaqstan täuelsızdıgın alǧan sätte alǧaş Türkiia elı egemen el retınde moiyndaǧan edı. Būl turaly Türkiianyŋ eks-mädeniet ministrı, saiasatker Namyq Kemel: «Qazaqstan eŋ alǧaş täuelsızdıgın alǧanda bız Qazaqstan üşın Türkiia ülgı bolarlyq memleket bolady dedık, al 21 jyl ötken soŋ bız Türkiia üşın Qazaqstan ülgı bolarlyq memleketke ainaldy dep moiyndauǧa mäjbürmız» degenı memleketımızdıŋ qysqa merzımde airyqşa qadam jasap, kelelı jetıstıkterge qol jetkızgendıgınıŋ dälelı ıspettı.
Naizanyŋ ūşy, bılektıŋ küşımen ata-babamyz aman alyp qalǧan elımız ben jerımızdı basqarǧan Elbasy N.Ä.Nazarbaev qazaq baitaǧynyŋ bairaǧyn kökke köterıp, jaŋa belesterge jetkızdı.
Elbasy «Qazaqstan 2050 strategiiasy – qalyptasqan memlekettıŋ jaŋa saiasi baǧyty» atty Joldauynda: «Bızdıŋ maqsatymyz – memlekettık basqarudyŋ jaŋa türın qalyptastyru. Ol qoǧamǧa qyzmet etu men memlekettılıktı nyǧaitudyŋ jaŋa mındetterıne sai boluy tiıs» dedı.
Mıne, aldaǧy bolaşaqta memleketımız josparlau jäne boljau jüiesın odan ärı jetıldıre tüsıp, damudyŋ jaŋa belesterıne qol jetkızetınıne nyq senımdımız. Elbasynyŋ bastamasymen jergılıktı jerlerdegı bilık organdarynyŋ uäkılettıkterı qarjylyq jäne kadrlyq resurstarmen nyǧaityluy, memlekettık qyzmetşılerdı ırıkteu ısındegı aşyqtyqty qalyptastyryp, meritokratiia qaǧidasyn engızu arqyly äkımşılık reformasy negızınde tiımdı käsıbi kadr saiasatyn jüzege asyryp, memlekettık qyzmettıŋ jaŋa jüiesınıŋ jemısın köretın de kün alys emes dep bılemız.
Syrtqy jäne ışkı saiasattaǧy ırgelı ıs-äreketterınıŋ bärı N.Nazarbaevty, söz joq, älemnıŋ tamyr soǧysynyŋ bülkılın jazbai tanyǧan, şartaraptardyŋ saiasi aǧymyn tügel baǧamdap otyrǧan bılıktı saiasatker, jahandyq deŋgeidegı atauly tūlǧa ekenın baiqatady.
Marjan JİENBAEVA,
Memlekettık qyzmet ısterı agenttıgınıŋ
Astana qalasy boiynşa departament
basşysynyŋ orynbasary