«Nur Otan» partiiasynyŋ praimerizın ötkızudıŋ maqsaty – bäsekelestık negızınde partiia jūmysyn barlyq deŋgeidegı mäslihattar men Parlament Mäjılısınde laiyqty körsete alatyn naǧyz köşbasşylardy anyqtau. Praimeriz qaǧidattarynyŋ bırı aşyqtyq bolsa, onyŋ aiasynda partiialyq tızımderdı qalyptastyrudyŋ aiqyn, ädıl syzbasy, subektivtı faktorlardyŋ äserın tömendetu bastamasy basty nazarǧa alynyp otyr.
Azamat retınde, el halqynyŋ müddesın qorǧaityn partiia müşesı retınde sailanbaly organdarǧa eŋ laiyqtylardy ädıl ırıkteu üşın tömendegı mäselelerge nazar audarudy ūsynar edım. Menıŋşe, ümıtker kelesı talaptarǧa sai boluy kerek:
– Patriottyq jäne adamgerşılık. Öz elın süietın adam tuǧan halqy, Otany jäne qoǧam igılıgı üşın jūmys ısteidı. Adamgerşılıgı bar adam öz ar-ojdanynan attamaidy. Būl – qoǧamdaǧy sybailas jemqorlyqty joiuǧa aparatyn bırınşı baspaldaq.
– Joǧary azamattyq ūstanym. Ädette, özınıŋ azamattyq ūstanymy bar adamdar ärqaşan öz pıkırın bıldıredı. Olar halyqtyŋ, öz elınıŋ taǧdyryna nemqūraily qaramaidy. Belsendı, tanymal, belgılı bır öŋırde bedeldı bolady.
– Memlekettık tıldı bılu. Zaŋdardy qazaq tılın jaqsy meŋgergen deputattar halyqqa tüsınıktı, ūǧynyqty qylyp jazulary tiıs. Būl eldıŋ halyqaralyq keŋıstıktegı imidjdık saiasatyna da oŋ äserın tigızedı.
– Öz salasynyŋ käsıpqoilary. Qazaqstandyqtardyŋ ömır süru sapasyn jaqsartu üşın ekonomikanyŋ qai salasyn qalai türlendıru kerektıgın ıs jüzınde aita alatyn jäne naqty ūsyna alatyn, tek joǧary bılımı ǧana emes, jetkılıktı ömırlık täjıribesı men öz salasyndaǧy naqty jetıstıkterı bar adamdar boluy kerek (memlekettık qūrylymdarda joǧary lauazymdarǧa taǧaiyndau nemese ūsynu kezınde de būl qasietterdı eskeru qajet).
Köptegen zaŋdar ekonomikalyq jäne äleumettık sipatta bolǧandyqtan, deputattar arasynda bılım beru, densaulyq saqtau, önerkäsıp jäne käsıpkerlık, auyl şaruaşylyǧy salalarynyŋ mamandary, sondai-aq zaŋgerler, ekonomister, äleumettanuşylar, basqa da sala ökılderınıŋ boluy mındettı.
Joǧaryda körsetılgen talaptarǧa säikes keletın ümıtkerler deputattyqqa sailanǧan jaǧdaida, Qazaqstannyŋ örkendeuıne jol aşatyn sauatty, ädıl jäne pärmendı zaŋdardy şyǧaru üşın barlyq küş-jıgerın jūmsaidy dep sanaimyn.
Qaiyrly TAUKEN,
Nūr-Sūltan qalasy
mäslihatyndaǧy «Nur Otan» partiiasy
deputattyq fraksiiasynyŋ jetekşısı
