Astana qalasynyŋ poliseilerı endı özen boiyndaǧy jaǧdaidy da baqylaityn bolady. Olar elımızde şyǧarylǧan «Kazboat-47» patruldık qaiyǧymen tärtıp küzetedı.
Astana qalalyq Işkı ıster departamentınıŋ basşysy, polisiia general-maiory Amantai Äubäkırovtıŋ aituynşa, elordalyq poliseilerdıŋ mındetıne tärtıptı küzetu, qūqyq būzuşylyqtyŋ aldyn alu, jedel ızdestıru, sondai-aq, qūtqaru jūmystaryn jürgızu kıredı. Keme sudaǧy polisiia punktı bolyp esepteledı.
Polisiia jasaǧynyŋ qūramynda Astana qalalyq IID Jergılıktı polisiia qyzmetınıŋ jol-patruldık polisiia polkınıŋ arnaiy daiyndyqtan ötken ekı qyzmetkerı jäne bır keme jürgızuşısı bar.
Patruldeu uaqyty – kün saiyn saǧat 14:00-den bastap 21:00-ge deiın.
Polisiianyŋ kemesı dabyl, jyljymaly radioqūrylǧy jäne basqa da qajettı arnaiy qūraldarmen, sondai-aq, qūtqaru kürtelerımen, ört söndırgış qūraldar men alǧaşqy medisinalyq kömek körsetuge arnalǧan qobdişamen jabdyqtalǧan.
Qaiyqtyŋ ūzyndyǧy – 4,88 m, enı – 1,75 m, qūrylymdyq kölemı – 250 kelı, jük köteru mölşerı – 700 kelı. Qozǧaltqyş quaty 60 attyŋ küşımen teŋ. Kemege 5 jolauşy syiady.
