Endı astanalyq kölık jürgızuşıler jol qozǧalys erejesın būzǧanyna bailanysty salynǧan aiyppūldardy jyljymaly POS-terminaly arqyly da tölei alady. Būl jüienıŋ artyqşylyǧy sol, aiyppūl kölemıne 50 paiyz jeŋıldık jasalady.
Biylǧy säuır aiynyŋ aiaǧynan bastap, pilottyq jobany ıske asyru şeŋberınde Jergılıktı polisiia qyzmetınıŋ jol-patruldık polisiia bölınısı men Äkımşılık polisiia qyzmetkerlerı terminaldarmen jūmys ısteu jönınde oqu kurstarynan öttı. Endı mamyr aiynan berı POS-terminaldar arqyly qolma-qol aqşasyz aiyppūldardy töleuge bolatynyn esterıŋızge salamyz.
Astana qalasy IID Äkımşılık polisiia basqarmasy avtomatizasiia jäne elektrondy qyzmet körsetu bölımı bastyǧynyŋ aituynşa, atalǧan pilottyq joba tek Astanada ǧana jüzege asyryluda. Būl amaldar äkımşılık aiyppūldardyŋ tärkıleuın arttyruǧa, jürgızuşılerdıŋ uaqytyn ünemdeuıne jäne de basqa da yŋǧaily jaǧdailardy jasauǧa mümkındık beredı.
Alǧaşqy jetı künnıŋ ışınde sol jerde aiyppūl töleitın jürgızuşıge 50% jeŋıldık jasalady. Terminal arqyly tölegenı üşın komissiia mölşerı aiyppūl somasynyŋ 1,5 paiyzyn qūraidy. Aitalyq, aiyppūl mölşerı 5,250 teŋge bolsa, alynatyn komissiia – 79 teŋge degen söz.
POS-terminaldar syrttai sensorly telefondarǧa ūqsaidy. Olardy paidalanu oŋai: hattamanyŋ nömırı men aiyppūl mölşerın engızu kerek, al basyp şyǧarǧan kezde komissiia mölşerı körsetıledı. Terminaldardy zariadtaudyŋ qajetı joq, är künnıŋ aiaǧynda qondyrǧylar avtomatty türde qanşa chek şyǧarylǧanyn, endı qanşa chektık lenta qalǧanyn eseptep şyǧarady.
Tölem töleudıŋ mūndai täsılı jürgızuşılerge de tiımdı. Olar bankterde ūzyq-sonar kezekke tūrmaidy, uaqytyn ünemdep, aiyppūldy jyldam töleuge mümkındık alady.
Qymbat TOQTAMŪRAT
